Marathwada NCP MLA: मराठवाड्यातील राष्ट्रवादीचे कोणते आमदार अजित पवारांसोबत जाणार?

Marathwada NCP MLA: मराठवाड्यात एकूण 11 राष्ट्रवादीचे आमदार असून, ज्यात विधानसभेवर निवडणून आलेले 8 आणि विधानपरिषदेचे 3 आमदार आहेत.

Maharashtra Political Crisis

Marathwada NCP MLA: एक वर्षांपूर्वी जे शिवसेनेत घडलं तेच आता राष्ट्रवादीमध्ये घडतांना पाहायला मिळत आहे. त्यावेळी एकनाथ शिंदे (Eknath Shinde) यांच्यासह अनेक शिवसेनेचे आमदार उद्धव ठाकरेंची (Uddhav Thackeray) साथ सोडून गेले आणि आज अजित पवारांसह राष्ट्रवादीचे काही आमदार शरद पवारांची साथ सोडून गेले आहेत. तर अजित पवारांसोबत (Ajit Pawar) मराठवाड्यातील (Marathwada) देखील काही आमदार गेल्याची चर्चा असून, त्यातील बीडचे धनंजय मुंडे आणि लातूरचे संजय बनसोडे यांनी मंत्रीपदाची शपथ घेतली आहे. त्यामुळे मराठवाड्यातील राष्ट्रवादीचे कोणते आमदार अजित पवारांसोबत जाणार? याची चर्चा पाहायला मिळत आहे. 

अजित पवार यांनी आठ आमदारांसह रविवारी सरकारमध्ये एन्ट्री केली आहे. मात्र त्यांच्यासोबत राष्ट्रवादीचे नेमके आमदार किती आहेत? हे अजूनही स्पष्ट नाही. दरम्यान, या पार्श्वभूमीवर 'एबीपी माझा'नं नेमकं कोण कोणासोबत आहे? याची माहिती जाणून घेण्याचा प्रयत्न केला. ज्यात मराठवाड्याचं विचार केला तर मराठवाड्यात राष्ट्रवादीचे विधानसभेवर निवडणून आलेले एकूण 8 आमदार आहेत. तर विधानपरिषदेवर 3 आमदार असून, एकूण 11 राष्ट्रवादीचे आमदार मराठवाड्यात आहेत. 

मराठवाड्यात असलेल्या राष्ट्रवादीच्या एकूण 11 आमदारांपैकी काही जणांनी आपली भूमिका स्पष्ट केली आहे. तर यातील चारजण अजित पवारांसोबत आहेत. तर दोघांनी शरद पवारांसोबत असल्याचे स्पष्ट केले आहेत. ज्यात संदीप क्षीरसागर आणि राजेश टोपे यांनी आपण शरद पवारांसोबत असल्याची भूमिका स्पष्ट केली आहे. 

मराठवाड्यातील एकूण परिस्थिती काय?

बीड : मराठवाड्यात सर्वाधिक राष्ट्रवादीचे आमदार बीड जिल्ह्यात आहेत. तर बीड जिल्ह्यातील धनंजय मुंडे यांनी मंत्रीपदाची शपथ घेतली आहे. तसेच माजलगावचे आमदार प्रकाश सोळुंके अजित पवारांसोबत आहेत. पाटोद्याचे आमदार बाळासाहेब अजबे यांची भूमिका स्पष्ट होऊ शकली नाही. 

लातूर : जिल्ह्यात राष्ट्रवादीचे दोन आमदार आहेत. ज्यातील एक संजय बनसोडे यांनी यांनी मंत्रीपदाची शपथ घेतली आहे. तर अहमदपूरचे आमदार बाबासाहेब पाटील हे देखील अजित पवारांच्या सोबत आहेत. 

हिंगोली : जिल्ह्यातील वसमत विधानसभा मतदारसंघ देखील राष्ट्रवादीच्या ताब्यात असून, येथे राजेश नवघरे हे आमदार आहेत. त्यांनी अजून आपली भूमिका स्पष्ट केली नाही. मात्र ते शरद पवारांच्या सोबत असल्याचे बोलले जात आहे. 

परभणी : जिल्ह्यातील बाबाजी दुर्राणी विधान परिषदेचे आमदार असून ते शरद पवारांच्या सोबत आहेत. 

छत्रपती संभाजीनगर : जिल्ह्यातील विधान परिषदेचे दोन आमदार असून, ज्यात विक्रम काळे आणि सतीश चव्हाण यांचा समावेश आहे. तर विक्रम काळे हे कालच मंत्रिपदाच्या शपथविधीसाठी उपस्थित होते. तर सतीश चव्हाण देखील अजित पवारांचे खास समजले जात्तात आणि ते कालच मुंबईला रवाना झाले आहेत. 

इतर महत्वाच्या बातम्या :