(Source: ECI/ABP News/ABP Majha)
Maharashtra News LIVE Updates : देश-विदेशातील महत्वाच्या घडामोडी एका क्लिकवर..
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : महाराष्ट्रातील काही भागात थंडी आता गायब होऊ लागली असून आता उकाडा जाणवू लागला आहे. आजही राज्यातील विविध भागात हलक्या ते मध्यम स्वरुपाच्या पावसाची शक्यता पुणे हवामान विभागातर्फे वर्तवण्यात आली आहे. आता सर्वसामान्य नागरिक तसेच कोकणवासीयांच्या घराचं स्वप्न लवकरच पूर्ण होणार आहे. याचे कारण म्हाडा कोकण गृहनिर्माण मंडळाच्या सोडतीला अखेर मुहूर्त मिळाला आहे. मुख्यमंत्री एकनाथ शिंदे यांच्या हस्ते ठाण्यात ही सोडत काढली जाणार असल्याची माहिती मिळत आहे. दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये.
Sushma Andhare : अभिषेक घोसाळकर आणि मॉरिस यां दोघांची हत्या झाल्याचा सुषमा अंधारे यांना संशय
Sushma Andhare : मॉरिशने अभिषेक घोसाळकर यांच्यावर गोळीबार करून त्यांची हत्या केली आणि त्यानंतर स्वतःही गोळी झाडून आत्महत्या केल्याचा प्रकार घडल्यानंतर आता याप्रकरणी सुषमा अंधारे यांनी मोठे वक्तव्य केलं असून अभिषेक घुसाळकर आणि मॉरिस या दोघांचीही कुणीतरी हत्या केली असावी असं म्हणत या प्रकरणाची सखोल चौकशी करण्यात यावी अशी मागणी सुषमा अंधारे यांनी केली आहे
शरद पवार काँग्रेसच्या काळात सीबीआयला पोपट बोलायचे, आता तेच ईडीवरून टीका करतायेत' : दीपक केसरकर
Deepak Kesarkar : राष्ट्रवादीचे सर्वेसर्वा शरद पवार (Sharad Pawar) यांनी पंतप्रधान नरेंद्र मोदी (PM Narendra Modi), भाजपावर सडकून टीका केली. भाजपाकडून सत्तेचा दुरुपयोग केला जात आहे. विरोधी पक्षातील नेत्यांवर ईडीच्या माध्यमातून कारवाई केली जात आहे, असे त्यांनी म्हटले आहे. यावर मंत्री दीपक केसरकर (Deepak Kesarkar) यांनी शरद पवारांना टोला लगावला आहे. दीपक केसरकर म्हणाले की, ज्यावेळी काँग्रेसचे (Congress) सरकार होते तेव्हा सीबीआयला पोपट बोलायचे आणि आता तेच शरद पवार इडीवरून (ED) टीका करत आहेत. त्यांनी आधी उमेदवारी जाहीर करावी. मग आम्ही बघू काय करायचे, असे ते म्हणाले.
Bhiwandi Crime : भिवंडीत नकली बंदुकीने दहशत माजवण्याचा प्रयत्न; पोलिसांनी परस्पर गुन्हे दाखल करत बंदूक केली जप्त
Bhiwandi Crime : सध्या राज्यात गोळीबाराच्या घटनेमुळे दहशतीचे वातावरण ताजी असतानाच भिवंडी शहरातील ठाणगे आळी परिसरात दोघां तरुणांमध्ये एका जुन्या वादातून हाणामारी झाल्याच्या घटनेनंतर हवेत गोळीबार झाल्याची घटनेची महिती सूत्रांनी दिली आहे. या घटनेने परिसरात एकच खळबळ उडाली. लगेचच बंदूक हिसकावून घेण्यात आले मात्र या घटनेमुळे परिसरात भीतीचे वातावरण पसरले होते घटनेची माहिती मिळताच निजामपूर पोलिसांनी दोन्ही गटांच्या तरुणांवर अदखल पात्र गुन्हा दाखल करत बंदूक जप्त केली व त्यानंतर पोलिसांच्या लक्षात आले की ही बंदूक असली नसून नकली बंदूक (एअरगन) आहे. सध्या पोलिसांनी ही एअर बंदूक देखील जप्त केले आहे.
Sharad Pawar: शरद पवारांनी योगी आदित्यनाथांचा दावा खोडून काढला, म्हणाले, समर्थ रामदास शिवरायांचे गुरु नाहीत
पुणे: समर्थ रामदास स्वामींच्या मार्गदर्शनामुळेच छत्रपती शिवाजी महाराजांना स्वराज्य निर्माण करता आले, असे वक्तव्य करणारे उत्तर प्रदेशचे मुख्यमंत्री योगी आदित्यनाथ यांना शरद पवार (Sharad Pawar) यांनी प्रत्युत्तर दिले. काही लोक वेगळी भूमिका मांडण्याचा प्रयत्न करत आहेत. मात्र, खरा इतिहास काय आहे, तो जगाला माहिती आहे. आमच्यादृष्टीने राजमाता जिजाबाई याच छत्रपती शिवाजी महाराजांच्या (Chhatrapati Shivaji Maharaj) मार्गदर्शक होत्या, असे शरद पवार यांनी म्हटले. ते रविवारी पुण्यात आयोजित करण्यात आलेल्या पत्रकार परिषदेत बोलत होते.
योगी आदित्यनाथ हे रविवारी आळंदीत आले होते. यावेळी त्यांनी समर्थ रामदास स्वामींच्या मार्गदर्शनामुळे शिवरायांना पुढील कार्य करता आले, असे त्यांनी म्हटले. याविषयी शरद पवार यांना विचारणा केली असता त्यांनी म्हटले की, आमच्यादृष्टीने छत्रपती शिवाजी महाराजांच्या कर्तृत्वामध्ये राजमाता जिजामात यांचे योगदान आहे. जिजाबाईंनीच शिवाजी महाराजांच्या आयुष्याला दिशा दिली. पण जिजाबाईंनी केलेले कर्तृत्त्व बाजुला सारुन त्याचे श्रेय आणखी कोणाला देण्याची भूमिका काही लोक घेत आहेत. पण शिवाजी महाराजांचं स्वत:चं कर्तृत्व, जिजाबाईंचे मार्गदर्शन यामुळे सगळा इतिहास घडला, हे सगळ्या जगाला माहिती आहे, असे शरद पवार यांनी म्हटले.
Ajit Pawar In Pimpri : सारखं मुख्यमंत्री-मुख्यमंत्री करु नका; अजित पवारांनी कार्यकर्त्यांचे कान टोचले, म्हणाले बाबांनो...
पुणे : पिंपरी-चिंचवडमध्ये राष्ट्रवादीचा युवा मिशन कार्यक्रमाचं आयोजन करण्यात आलं आहे. यात उपमुख्यमंत्री अजित पवार (Ajit Pawar) यांनी वेगवेगळ्या विषयांवर भाष्य केलं. आपल्याला विकासावर लक्ष द्यायचं आहे. लाथ मारेल तिथं पाणी काढण्याची धमक ज्यांच्यात असते तो खरा युवक असतो. आज जग बदलत आहे, आपल्याला हा आमूलाग्र बदल स्वीकारायला लागणार आहे, असा सल्ला अजित पवार यांनी यावेळी तरुणांना दिला. त्यासोबतच अजित पवारांना मुख्यमंत्री करायचं स्वप्न आहे असं म्हणाऱ्यांचे अजित पवारांनी कान टोचले. जरा कळ सोसा, सारखं मुख्यमंत्री मुख्यमंत्री करू नका. आधी संघटन बांधू, ते मजबूत करू, असंही ते म्हणाले.
महत्त्वाच्या बातम्या
ट्रेंडिंग न्यूज
