Maharashtra News Updates 4 October 2022 : केंद्रात भाजपसोबत आल्यानंतर शिंदे गटाला मोदी सरकारकडून पहिलं गिफ्ट
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो. त्या घटना-घडामोडींची पार्श्वभूमी-पूर्वपिठिका हाताशी असल्यावर या घटना-घडामोडी समजून घेणं सोपं होतं. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी आम्ही तुमच्यापर्यंत सविस्तर पोहोचवू याची ही थोडक्यात उजळणी... या नियोजित-घटना कार्यक्रमांसोबतच आयत्यावेळी येणाऱ्या घडामोडीही आम्ही तुमच्यापर्यंत पोहोचवू...
अजूनही सिद्धेश कदम ठाकरे गटाच्या युवासेनेच्या कोअर कमिटी कार्यकारणीत
शिवसेनेत (Shivsena) फूट पडल्यानंतर अनेक आमदार आणि खासदार शिंदे गटात सामील झाले. मात्र असे असले तरी पक्षांतर्गत कलह सुरूच आहे. रामदास कदम आणि त्यांचे चिरंजीव आमदार योगेश कदम हे देखील शिंदे गटात गेले आहेत. मात्र रामदास कदम (Ramdas Kadam) यांचे दुसरे पुत्र सिद्धेश कदम ठाकरे गटाच्या युवासेनेच्या (Yuva Sena) कोअर कमिटी कार्यकारणीत आहे. त्यामुळे त्यांना कार्यकरणीत अजूनही स्थान कसे काय? सवाल उपस्थित होत आहे. शिवसेना ठाकरे गटाची काल शिवसेना भवनात दसरा मेळावा (Dasara Melava) पूर्व तयारीसाठी महत्त्वाची बैठक झाली. या बैठकीला शिवसेना नेते विनायक राऊत, अनिल देसाई आणि मुंबईतील सर्व विभाग प्रमुख तसेच युवासेना सचिव वरुण सरदेसाई आणि शिवसेना सचिव सूरज चव्हाण उपस्थित होते. याच बैठकीत सिद्धेश रामदास कदम अजूनही युवासेनेच्या कोअर कमिटी कार्यकारणीत कसे ? असा प्रश्नं विभाग प्रमुख सुधाकर सुर्वे आणि विलास पोतनीस यांनी उपस्थित केला.
आज विदर्भात पावसाचा यलो अलर्ट
राज्यात पावसाचा (Rain) जोर कमी झाला आहे. मुंबईसह ठाणे परिसरात तुरळक ठिकाणी पावसानं हजेरी लावली. राज्यात अन्य ठिकाणी मात्र पावसानं उघडीप दिली आहे. सध्या परतीच्या मान्सूनसाठी पोषक वातवरण तयार झालं आहे. दरम्यान, हवामान विभागानं (Meteorological Department) दिलेल्या अंदाजानुसार आजही राज्यात पावसाचा अंदाज वर्तवण्यात आला आहे. आज विदर्भात पावसाचा यलो अलर्ट देण्यात आला आहे. मराठवाड्यातील काही जिल्ह्यातही आज पावसाचा यलो अलर्ट देण्यात आला आहे.
कुस्तीचा सराव करताना 23 वर्षीय पैलवानाचा मृत्यू
कुस्तीचा (Wrestling) सराव करताना 23 वर्षीय पैलवानाचा (Wrestler) दुर्दैवी मृत्यू झाल्याची घटना घडली आहे. कोल्हापुरातील (Kolhapur) तालमीत हा काल (3 ऑक्टोबर) प्रकार घडला. मारुती सुरवसे असं या पैलवानाचं नाव आहे. मारुची मूळचा पंढरपूर (Pandharpur) जिल्ह्यातील वाखरीमधील आहे. हृदयविकाराच्या झटक्याने (Heart Attack) त्याचा मृत्यू झाल्याची प्राथमिक माहिती आहे. दरम्यान मारुतीच्या मृत्यूमुळे कुस्ती क्षेत्रात हळहळ व्यक्त केली जात आहे.
विजयादशमी- दसरा सणा निमित्त मुख्यमंत्री एकनाथ शिंदे यांनी दिल्या शुभेच्छा
विजयादशमी अर्थात दसरा हा आपल्या सर्वांसाठी आनंदाची लयलूट करण्याचा सण. वाईट गोष्टींना दूर करून पुढे जाण्याचा, विजय साजरा करण्याचा क्षण. या सणाकडून प्रेरणा घेऊन आपण महाराष्ट्राला बलशाली करण्यासाठी एकजूट करूया, अशा शब्दांत मुख्यमंत्री एकनाथ शिंदे यांनी विजयादशमीच्या पुर्वसंध्येला राज्यातील नागरिकांना शुभेच्छा दिल्या आहेत.
‘विजयादशमीचा हा चैतन्यदायी सण आपल्या सर्वांच्या आयुष्यात आरोग्य, सुख, समृद्धी घेऊन येवो, त्यासाठी सर्वांना मनापासून शुभेच्छा,’ असेही मुख्यमंत्र्यांनी म्हटले आहे.
मुख्यमंत्री शुभेच्छा संदेशात म्हणतात, विजयादशमी म्हणजे वाईटावर विजय मिळविल्याचा आनंदोत्सव. कोविडच्या बिकट संकटावर मात केल्यानंतर खऱ्य़ा अर्थानं आपल्या सर्वांसाठी हा आरोग्याचा विजयोत्सवच आहे. या सणाकडून प्रेरणा घेऊन आता आपल्याला पुढे जायचे आहे. बलशाली महाराष्ट्र उभा करायचा आहे. राज्याचा सर्वांगीण विकास हा आमचा ध्यास आहे. महाराष्ट्राने सर्वच क्षेत्रातील प्रगतीच्या शिखरांना गवसणी घालावी, अशी आकांक्षा आहे. या विकास पर्वातूनच आपल्या सर्वांच्या आयुष्यात परिवर्तन घडेल, असा विश्वास आहे. या ध्यासपूर्तीसाठी आपण एकजुट करूया या आवाहनासह पुन्हा एकदा सर्वांना विजयादशमी – दसरा सणाच्या मनापासून शुभेच्छा.!
विजया दशमीनिमित्त देवेंद्र फडणवीस यांच्या शुभेच्छा
विजयादशमीनिमित्त उपमुख्यमंत्री देवेंद्र फडणवीस यांनी राज्यातील जनतेला शुभेच्छा दिल्या आहेत. विजयादशमीच्या पावनपर्वात समाजातील दृष्ट प्रवृत्तींचा नाश व्हावा आणि चांगल्या प्रवृत्तीचे सृजन व्हावे, अशा शब्दात त्यांनी शुभेच्छा दिल्या आहेत.
उपमुख्यमंत्री देवेंद्र फडणवीस आपल्या संदेशात म्हणतात, विजयादशमी हा आपल्या संस्कृतीतील अतिशय महत्त्वाचा सण आहे. लोकभावनेला अभिव्यक्त करण्यात आपल्या सणांचे खूप मोठे योगदान आहे. विजयादशमी हा सण समाजातील चांगुलपणाचा, मांगल्याचा तसेच दुष्ट प्रवृत्ती आणि अवगुणावर विजय आहे. या पावनपर्वानिमित्त समाजात चैतन्याला उधाण येते. राज्यातील जनतेला सुख-समृद्धी लाभावी तसेच यानिमित्ताने दुःख, नकारात्मकता यांचे सीमोल्लंघन होऊन आनंद व सकारात्मकता सर्वांना लाभावी.
धम्मचक्र प्रवर्तन दिनाच्या उपमुख्यमंत्री देवेंद्र फडणवीस यांच्या शुभेच्छा
धम्मचक्र प्रवर्तन दिनानिमित्त उपमुख्यमंत्री देवेंद्र फडणवीस यांनी राज्यातील जनतेला शुभेच्छा दिल्या आहेत. उपमुख्यमंत्री फडणवीस आपल्या संदेशात म्हणतात, ‘भारतरत्न डॉ. बाबासाहेब आंबेडकर यांनी मानवतेचा संदेश देत समाजात घडवलेले परिवर्तन अतुलनीय आहे. तथागत गौतम बुध्दांचा विचार सर्वसामान्यांपर्यंत पोहोचवून त्यातून समाजसुधारणेचे खूप मोठे कार्य त्यांनी केले आहे. धम्मचक्र प्रवर्तनदिनाच्या निमित्ताने गौतम बुध्द, डॉ. बाबासाहेब आंबेडकर यांनी दिलेला समतेचा, न्यायाचा आणि बंधुत्वाचा विचार सर्वांनी अंगीकारल्यास समाज प्रगतीच्या दिशेने अधिक गतीमान होईल.
केंद्रात भाजपसोबत आल्यानंतर शिंदे गटाला मोदी सरकारकडून पहिलं गिफ्ट
केंद्रात भाजपसोबत आल्यानंतर शिंदे गटाला मोदी सरकारकडून पहिलं गिफ्ट
संसदेच्या स्थायी समितीच्या बदलांमध्ये शिंदे गटाला महत्त्वाच्या समितीचे अध्यक्षपद
माहिती तंत्रज्ञान विषयावरील स्थायी समितीचे अध्यक्षपद बुलडाण्याचे खासदार प्रतापराव जाधव यांच्याकडे
शशी थरूर यांच्याकडे हे अध्यक्षपद होतं आणि ही कमिटी कायम चर्चेत असते त्यामुळे हे पद कुणाला मिळणार याची उत्सुकता होती..
मातोश्री, कलानगर जंक्शन ते शिवतीर्थ, दादरपर्यंत शिवसैनिकांना दिंडीसोबत पायी चालत जाण्याची परवानगी पोलिसांनी नाकारली
दसरा मेळाव्यानिमित्त मातोश्री, कलानगर जंक्शन ते शिवतीर्थ, दादरपर्यंत शिवसैनिकांना दिंडीसोबत पायी चालत जाण्याची परवानगी पोलिसांनी नाकारली
५ ऑक्टोबर रोजी दोन गटांचा मेळावा असल्यानं आणि कला नगर जंक्शन संवेदनशील ठिकाण असल्याचं कारण देत ठाकरे गटातील शिवसैनिकांना पायी चालत जाण्याची परवानगी नाकारली
कलानगर जंक्शनवर होणारा शिंदे गट विरुद्ध ठाकरे गटातील संभाव्य संघर्ष टळला?
२०१२ पासून दरवर्षी दसरा मेळाव्यानिमित्त वारकरी संप्रदायातील भजनी मंडळ, अनेक रक्तदाते, डॉक्टर्स, विविध महिला बचत गट, उत्तर भारतीय मंडळं इत्यादी मातोश्री ते शिवतीर्थ पायी चालत, वाजत-गाजत जात असतात
मात्र यावर्षी पोलिसांनी सध्याची राजकीय परिस्थिती बघता परवानगी नाकारली
वरळी विधानसभेचे उपविभाग प्रमुख अरविंद भोसले यांना खेरवाडी पोलिस ठाण्याचे पत्र
३० सप्टेंबर ते १४ ऑक्टोबरपर्यंत हद्दीत जमावबंदीचे आदेश असल्याचा उल्लेख, उल्लंघन झाल्यास कारवाईची करण्याचे आदेश
शिवसैनिक उद्या पहाटे शिवतीर्थावरील गणेश मंदिरात पूजा करणार, त्यानंतर सकाळी ११ वाजता शिवसेना भवनावरील तुळजाभवानी मातेची पूजा करणार, शिवसेना पक्षप्रमुख बाळासाहेब ठाकरेंच्या स्मृतिस्थळावर पुष्पहार अर्पण करत सकाळी ११ ते दुपारी १२ पर्यंत शिवतीर्थला प्रदक्षिणा मारणार
शिवसेना भवनावरुन दुपारी ३ ते संध्याकाळी ५ पर्यंत स्वागत मिरवणूक पार पडणार
महत्त्वाच्या बातम्या
ट्रेंडिंग न्यूज
