Maharashtra News Live Updates : मुंबईच्या ईस्टर्न एक्सप्रेस हायवेवर भीषण अपघात, तीन जण जखमी
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो.
राज्यात 7751 ग्रामपंचायतींसाठी मतदान (Maharashtra Gram Panchayat Election 2022)
राज्यातील विविध जिल्ह्यांतील 7 हजार 751 ग्रामपंचायतींच्या सदस्यपदांसह थेट सरपंचपदाच्या सार्वत्रिक निवडणुकीसाठी आज मतदान होणार आहे. सकाळी 7.30 ते संध्याकाळी 5.30 या वेळेत मतदान होईल. नक्षलग्रस्त भागात दुपारी 3 वाजेपर्यंत मतदानाची वेळ असेल. मतमोजणी 20 डिसेंबरला होईल.
अधिवेशनाच्या पूर्वसंध्येला आज नागपूरमध्ये चहापान, पत्रकार परिषद (Maharashtra Winter Assembly 2022 )
राज्यातील हिवाळी अधिवेशनाच्या पूर्वसंध्येला आज नागपूरमध्ये चहापानचा कार्यक्रम होणार आहे. यानंतर दुपारी 1 वाजता विरोधी पक्ष नेत्यांची पत्रकार परिषद होणार आहे. प्रथेप्रमाणे अधिवेशनाच्या पूर्वसंध्येला आज मुख्यमंत्र्यांनी विरोधकांना चहापानासाठी आमंत्रित केले आहे. यानंतर संध्यकाळी 6 वाजता मुख्यमंत्र्यांची पत्रकार परिषद होणार आहे
हिवाळी अधिवेशनाची तयारी पूर्ण, मुख्यमंत्र्यांसह मंत्रिमंडळ आज नागपुरात येणार
हिवाळी अधिवेशनाची (Winter Assembly Session) तयारी पूर्ण झाली असून, कालपासून सरकारचे नागपुरात आगमन होण्यास सुरूवात झाली आहे. राज्याचे उपमुख्यमंत्री देवेंद्र फडणवीस (Devendra Fadnavis) शनिवारी रात्री नागपुरात (Nagpur) पोहोचले. तर, मुख्यमंत्री एकनाथ शिंदे (CM Eknath Shinde) रविवारी सकाळच्या वेळी नागपुरात दाखल होतील. विदर्भातील बहुतांश मंत्री शनिवारीच नागपुरात पोहोचले आहेत. इतर मंत्री रविवारी सकाळी नागपुरात डेरेदाखल होतील. दरम्यान, विधानपरिषदेच्या उपनसभापती निलम गोऱ्हे यांचे शनिवारी सकाळी नागपुरात आगमन झाले आहे.
बेळगावात संभाजीराजेंच्या हस्ते शिवाजी महाराजांच्या पुतळ्याचं अनावरण
संभाजीराजे छत्रपतींच्या हस्ते बेळगावमधील होणगा गावात शिवाजी महाराजांच्या अश्वारुढ मूर्तीचे अनावरण करण्यात येणार आहे. बेळगाव सीमाप्रश्नाचा आणि शिवाजी महाराजांबद्दलच्या वक्तव्याचा वाद सध्या सुरु असताना संभाजीराजेंचा हा दौरा महत्वाचा आहे. छत्रपती संभाजीराजे नियोजित बेळगाव दौरा व स्वराज्य संघटनेचे झी स्टुडीओ वरील हल्लाबोल आंदोलन याबाबत पत्रकार परिषद घेणार आहेत, सकाळी 8 वाजता.
आज फीफा वर्ल्डकप (Fifa World Cup Final)
कतारमध्ये आज अर्जेंटीना आणि फ्रांसमध्ये मेगा फायनल होणार आहे, भारतीय वेळेनुसार रात्री 8.30 वाजता सामना सुरु होईल. फ्रान्स सध्याचा विश्वविजेता आहे, तर अर्जेंटिनाने अखेरचा विश्वचषक 1968 मध्ये जिंकला होता.
Fifa World Cup Final : 90 मिनिटं झाली, आता एक्स्ट्रा टाईम
फिफा विश्वचषक फायनलमध्ये 90 मिनिटांचा खेळ संपला असून दोन्ही संघ 2-2 गोल अशा स्कोरलाईनवर असल्याने आता अतिरिक्त वेळ देण्यात आली आहे.
Fifa World Cup Final : एम्बाप्पेचे लागोपाठ दोन गोल फ्रान्स सामन्यात परत
फ्रान्सचा स्टार प्लेअर कायलिन एम्बाप्पे याने लागोपाठ दोन गोल करत फ्रान्सला सामन्यात परत आणत स्कोरबोर्ड 2-2 असा बरोबरीत आणला आहे.
मुंबईच्या ईस्टर्न एक्सप्रेस हायवेवर भीषण अपघात, तीन जण जखमी
मुंबईच्या ईस्टर्न एक्सप्रेस हायवेवर भीषण अपघात झालाय. या अपघातात तीन जण जखमी झाले आहेत. यातील एकाची प्रकृती गंभीर आहे.
Fifa World Cup Final : गोल!!!!!! अर्जेंटिनाचा दुसरा गोल, डी मारियाची कमाल
फिफा विश्वचषकाच्या फायनलमध्ये अर्जेंटिना संघाने आणखी एक गोल करत सामन्यात 2-0 अशी आघाडी घेतली आहे. एन्जल डी मारिया याने हा गोल केला आहे.
Fifa World Cup Final : सुरुवात! लिओनल मेस्सीकडून सामन्यातील पहिला गोल
फ्रान्स विरुद्ध अर्जेंटिना यांच्यात सुरु फिफा विश्वचषकाच्या फायनलमध्ये लिओनल मेस्सीनं सामन्यातील पहिला गोल पेनल्टीच्या मदतीनं करत सामन्यात अर्जेंटिनाला 1-0 अशी आघाडी मिळवून दिली आहे.
महत्त्वाच्या बातम्या
ट्रेंडिंग न्यूज
