Maharashtra News Updates 16th April 2023 : यवतमाळ: शेतीच्या जुन्या वादातून युवकाची हत्या, उमरखेड तालुक्यातील अमडापुर येथील बस स्थानकावर झाला हल्ला
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Nashik Crime : नाशिक (Nashik) जिल्ह्यातील लासलगाव (Lasalgaon) येथील तरुणाला ऑनलाईन गेमिंग चांगलेच महागात पडले आहे.
Phakaat Movie: प्रत्येकाच्या आयुष्यात एक तरी सिक्रेट असतं, हे सिक्रेट दुसऱ्या कोणाला तरी कळालं तर काय जबरदस्त धिंगाणा होऊ शकतो याची कल्पनाच करता येत नाही. याच भन्नाट विषयावर आधारित एक चित्रपट प्रेक्षकांच्या भेटीला येत आहे. 'फकाट' असे हटके नाव असलेल्या या चित्रपटाचे दिग्दर्शक श्रेयश जाधव असून नुकतेच या चित्रपटाचे पोस्टर सोशल मीडियावर शेअर करण्यात आले असून येत्या 19 मे रोजी हा चित्रपट प्रदर्शित होणार आहे. या पोस्टरमध्ये हेमंत ढोमे (Hemant Dhome) , सुयोग गोऱ्हे, अविनाश नारकर, कबीर दुहान सिंग, अनुजा साठे, रसिका सुनील, नितीश चव्हाण, किरण गायकवाड आणि महेश जाधव दिसत आहेत. दमदार कलाकारांची फळी असलेला हा एक अ‍ॅक्शन कॉमेडी चित्रपट आहे.
Yavatmal News: यवतमाळच्या उमरखेड तालुक्यातील अमडापुर येथील बसस्थानकावर युवकावर प्राण घातक चाकू हल्ला करून हत्या करण्यात आली. प्रकाश प्ररसराम राठोड (25) असे मृतकाचे नाव आहे. मृतक प्रकाश राठोड आणि कुंडलिक राठोड यांच्यात मागील अनेक वर्षांपासून शेतीचा जुना वाद होता. बस स्थानकावर बसला असताना अचानक त्याच्यावर चाकू हल्ला झाला. त्यात तो गंभीर झाला.
Latur News: राज्यातील नावाजलेल्या बाजार समितीपैकी एक असलेली लातूर कृषी उत्पन्न बाजार समितीची निवडणूक आता रंगात आली आहे.. काँग्रेसला सुकर असणारी निवडणूक आता अटीतटीची होणार असल्याची चिन्हे आहेत.. भाजपातील दोन गट एकत्रितपणे निवडणुकीला सामोरे जाणार असल्याची स्थिती निर्माण झाल्याने काँग्रेस समोरची आव्हाने वाढली आहेत.
Beed News: अधिक मासामध्ये पुरुषोत्तमपूरी येथील पुरुषोत्तमाचे दर्शन मंदिरात घेता येणार नाही.. मंदिराच काम सुरू असल्याने शेडमध्ये ठेवण्यात येणार मूर्ती. यावर्षी अधिक मासामध्ये भारतात एकमेव असलेल्या माजलगाव तालुक्यातील पुरुषोत्तमपुरी येथील पुरुषोत्तमाच दर्शन भाविकांना मंदिरामध्ये जाऊन घेता येणार नाही कारण पुरुषोत्तमाच्या मंदिराच्या जीर्णोद्धाराचं काम सध्या सुरू करण्यात आला असून त्यामुळे अधिक मासामध्ये भाविकांना मंदिरामध्ये दर्शन न घेता एका शेडमध्ये भगवान पुरुषोत्तमाची मूर्ती ठेवण्यात येणार असून त्या ठिकाणी भाविकांसाठी दर्शनाची व्यवस्था करण्यात आली असल्याचं मंदिर व्यवस्थापनाकडून सांगण्यात आला आहे. पुरुषोत्तम पुरी येथे यादवकालीन असलेल्या या मंदिराचा सध्या जीर्णोद्धार करण्यात येत असून देशांमध्ये एकमेव असलेलं भगवान पुरुषोत्तमाचं हे मंदिर असून अधिक मासामध्ये भाविकांना मंदिरात दर्शन घेता येणार नाही त्यासाठी 28 एप्रिल रोजी मूर्ती एका शेडमध्ये हलविण्यात येणार आहे.
Buldhana Accident : बुलढाणा शहरापासून काही अंतरावर येळगाव या गावानजीक असलेल्या टोल नाक्याच्या जवळील पैनगंगा नदीवरील पुलावर लक्झरी बस आणि कार यांच्यामध्ये समोरासमोर भीषण अपघात झाला. मध्यरात्री दरम्यान झालेल्या अपघातात कारमधील एक जण घटनास्थळीच ठार झाला तर इतर तीन जण गंभीर जखमी झाले आहेत. संगीतम कंपनीची ही लक्झरी बस बुलढाण्याहून पुण्यासाठी जाण्याकरीता निघाली होती तर भरधावं कार चिखली कडून बुलढाणा कडे येत होती. अपघात एवढा भीषण होता की कारचा चक्काचूर झाला. दरम्यान रुग्णवाहिकेतून तिन्ही जखमींना जिल्हा सामान्य रुग्णालयात आणण्यात आले आहे. मिलिंद पवार असे मृतकाचे नाव असून चौघेजण सर्व या गावातील रहिवासी असल्याची माहिती मिळाली आहे.
Gulabrao Patil : विरोधी पक्षनेते अजित पवार (Ajit Pawar) हीच राष्ट्रवादी आहे. त्यामुळं अजित पवार जे बोलतील तोच आमदारांचा आकडा त्यांच्यासोबत असेल असं वक्तव्य मंत्री गुलाबराव पाटील (Gulabrao Patil) यांनी केलं. लग्न व्हायचं असेल तर तिथी ची गरज असते. तो तिथी लवकरच येणार असल्याचं सूचक वक्तव्य पाटील यांनी केलं आहे. ते जळगावमध्ये (Jalgaon) प्रसारमाध्यमांशी बोलत होते.
CM Eknath Shinde : धर्माधिकारी कुटुंब भरकटलेल्यांना मार्ग दाखवणारे दिपस्तंभ आहे. डॉ. आप्पासाहेब धर्माधिकारी (Dr. Appasaheb Dharmadhikari) यांना महाराष्ट्र भूषण पुरस्कार दिल्यामुळं पुरस्काराची उंची वाढली आहे. महाराष्ट्राचा मान सन्मान वाढला असल्याचे मुख्यमंत्री एकनाथ शिंदे (CM Eknath Shinde) म्हणाले. मी मुख्यमंत्री असताना आप्पासाहेबांना पुरस्कार दिला जात आहे, यापेक्षी दुसरा कोणताही आनंदाचा क्षण असू शकत नसल्याचे मुख्यमंत्री म्हणाले. माणूस घडवण्याचे विद्यापीठ म्हणजे मुक्काम पोस्ट रेवदंडा असल्याचे मुख्यमंत्री म्हणाले.
Maharashtra Bhushan Award: ज्येष्ठ निरूपणकार आप्पासाहेब धर्माधिकारी (Appasaheb Dharmadhikari) यांना यंदाच्या महाराष्ट्र भूषण पुरस्कारानं गौरवण्यात आलं. केंद्रीय गृहमंत्री अमित शाह (Amit Shaha) यांच्या हस्ते आप्पासाहेब धर्माधिकारी यांना महाराष्ट्र भूषण पुरस्कार पुरस्कार प्रदान करण्यात आला. नवी मुंबई येथील खारघरमधील सेंट्रल पार्क मैदानावर महाराष्ट्र भूषण पुरस्कार सोहळा दिमाखात पार पडला. या पुरस्कार सोहळ्यासाठी केंद्रीय गृहमंत्री अमित शाह, मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि सांस्कृतिक कार्यमंत्री सुधीर मुनगंटीवार यांच्यासह अनेक नेतेमंडळींनी हजेरी लावली होती. यासोबतच हा अभूतपूर्व सोहळा याची देही, याची डोळा पाहण्यासाठी लाखो अनुयायांनी उपस्थिती लावली होती.
Femina Miss India 2023 Winner Nandini Gupta: 59 व्या फेमिना मिस इंडिया (Femina Miss India 2023) या स्पर्धेच्या विजेतीची काल (15 एप्रिल) घोषणा करण्यात आली. राजस्थानची नंदिनी गुप्ता (Nandini Gupta) ही मिस इंडिया 2023 या स्पर्धेची विजेती ठरली. या स्पर्धेत श्रेया पुंजा आणि स्ट्रॅल थौनाओजम लुवांग या फर्स्ट आणि सेकंड रनर-अप ठरल्या. मिस इंडिया स्पर्धेत नंदिनी गुप्तानं ब्लॅक कलरच्या गाऊनमध्ये रॅम्प वॉक केला. गेल्या वर्षीची मिस इंडिया सिनी शेट्टी हिने नंदिनीला क्राउन घातला. नंदिनी ही 19 वर्षांची आहे. मिस इंडिया ही स्पर्धा जिंकल्यानंतर नंदिनी आता मिस वर्ल्ड सौंदर्य स्पर्धेत भारताचे प्रतिनिधित्व करणार आहे.जाणून घेऊया नंदिनीबद्दल...
पार्श्वभूमी
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
आज मुंबईसह राज्यात महत्त्वाच्या घडामोडी घडणार आहेत. राज्य शासनाच्यावतीने देण्यात येणारा महाराष्ट्र भूषण पुरस्कार ज्येष्ठ निरुपणकार, पद्मश्री डॉ. आप्पासाहेब धर्माधिकारी यांना आज (रविवारी) 16 एप्रिल रोजी केंद्रीय गृहमंत्री अमित शहा यांच्या हस्ते प्रदान करण्यात येणार आहे. त्याशिवाय महाविकास आघाडीची नागपूरात दुसरी वज्रमुठ सभा पार पडणार आहे. तर दिल्लीचे मुख्यमंत्री अरविंद केजरीवाल यांना सीबीआयने समन्स दिले आहे. आज सकाळी 11 वाजता केजरीवाल यांना चौकशीसाठी कार्यालयात बोलावलं आहे...
नवी मुंबई – आप्पासाहेब धर्माधिकारी यांना आज महाराष्ट्र भूषण पुरस्कार प्रदान केला जाणार आहे. केंद्रिय गृहमंत्री अमित शहांच्या उपस्थित खारघरमध्ये भव्यदिव्य कार्यक्रम आयोजित करण्यात आळा आहे. सकाळी साडे दहाच्या सुमारास हा सोहळा होणार आहे. त्यासाठी महापालिका, सिडको, सार्वजनिक बांधकाम, पोलिस, आरोग्य आदी विभागांचे अधिकारी, कर्मचारी आणि श्री सदस्य त्यासाठी परिश्रम घेत आहेत. या सोहळ्यादरम्यान, पद्मश्री आप्पासाहेब धर्माधिकारी यांच्यावर हेलिकॉप्टरद्वारे पुष्पवृष्टी करण्यात येणार आहे. सोहळ्यासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस, सांस्कृतिक कार्यमंत्री सुधीर मुनगंटीवार यांच्यासह धर्माधिकारी कुटुंबिय उपस्थित राहणार आहेत.
नागपूर – महाविकास आघाडीची नागपूरात दुसरी वज्रमुठ सभा पार पडणार आहे. महाविकास आघाडीकडून जोरदार शक्तिप्रदर्शन करण्यात येणार आहे. महाविकास आघाडीच्या नागपूरच्या सभेला विरोधी पक्षनेते अजित पवार उपस्थित रहाणार आहेत.
प्रयागराज – गॅंगस्टर अतिक अहमद आणि अशरफ अहमद यांची गोळ्या घालून हत्या. करण्यात आली. मेडिकल तपासणीसाठी घेऊन जात असताना बाईकवरून आलेल्या तिघांनी गोळ्या घालून हत्या केली. पोलिसांनी तिघांनाही ताब्यात घेतलेय, पोलिसांकडून अधिक तपास सुरू आहे.
नाशिक – नाशिक जिल्ह्यातील अनेक ठिकाणी वादळी वाऱ्यासह पाऊस आणि गारपीट... गारपीटीचा सडा पडल्याचे अनेक ठिकाणी चित्र आहे. आजही राज्यात अनेक ठिकाणी अवकाळी पावसाची शक्यता वर्तवण्यात आली आहे.
दिल्ली – दिल्लीचे मुख्यमंत्री अरविंद केजरीवाल यांना सीबीआयने समन्स दिले आहे. आज सकाळी 11 वाजता केजरीवाल यांना चौकशीसाठी कार्यालयात बोलावलं आहे... दिल्लीचे सर्व खासदार, पंजाबचे मुख्यमंत्री भगवंत मान आणि पंजाबचे इतर मंत्री केजरीवाल यांच्यासोबत सिबीआय मुख्यालयापर्यंत पोहचून शक्तिप्रदर्शन करणार आहेत.
बंगळुर – काँग्रेस नेते राहुल गांधी यांचा दोन दिवसीय कर्नाटक दौरा... आज राहुल गांधी कोलारमधून प्रचाराचा शुभारंभ करतील... याच कोलारमध्ये राहुल यांनी मोदी आडनावाची टिपन्नी केली होती.. त्यावरून राहुल यांची खासदारकी रद्द झाली आहे... दुपारी राहुल गांधी कोलारमध्ये सभा घेणार आहेत.
मुंबई - नाट्य परिषदेच्या निवडणूकीसाठी मतदान होणार आहे. सकाळी 9.30 ते 5.30 या वेळेत मतदान होईल... मुंबईत यशवंत नाट्य मंदिर माटुंगा, याठिकाणी मतदान होणार आहे... प्रशांत दामले आणि प्रसाद कांबळी यांच पॅनेल समोरासमोर उभ आहे.
पुणे - कै. खा. गिरीश बापट यांच्या स्मरणार्थ सर्वपक्षीय श्रद्धांजली सभेच आयोजन करण्यात आलयं.... सायंकाळी 5.30 वाजता बालगंधर्व रंगमंदिरात या कार्यक्रमाच आयोजन करण्यात आलंय... शरद पवार, नितीन गडकरी, रामदास आठवले, चंद्रकांत पाटील, उदय सामंत, बाळा नांदगावकर, सचिन आहीर, प्रकाश जावडेकर, श्रीनिवास पाटील, रामराजे निंबाळकर यांच्यासह इतर महत्वाचे नेते असतील.
पुणे - खासदार सुप्रिया सुळे कात्रज चौकातील विकासकामांची सकाळी 8.30 वाजता पाहणी करणार आहेत.
सांगली - राष्ट्रीय लिंगायत समाज, मेळावा... जगदज्योती महात्मा बसव्वाण्णा जयंती निमित्त लिंगायत समाज मेळावा आणि बसवरत्न गौरव पुरस्कार सोहळ्याच आयोजन करण्यात आलंय... कामगार मंत्री सुरेश खाडे, शिवसेना नेते चंद्रकांत खैरे, सुमित कदम यांची उपस्थिती असेल.
सांगली - ऊस वाहतूकदारांचा निर्णायक मेळावा... एकमताने निर्णायक घोषणा होणार... ऊस तोडणी मुकादमांकडून दरवर्षी होणारी कोट्यावधीची फसवणूक, त्यातून देशोधडीला लागणारे ऊस वाहतूकदार, त्यांच्या वाढलेल्या आत्महत्या, हे सत्र थांबले पाहिजे. त्यासाठी ऊस तोडणी टोळी करार स्व. गोपीनाथ मुंडे महामंडळाच्या माध्यमातून आणि केंद्रीकरण पद्धतीनेच झाले पाहिजे यासह इतर मागण्यांसाठी ऊस वाहतूकदार मेळावा.. माजी खासदार राजू शेट्टी आणि संघटना नेते पृथ्वीराज पवार यांच्यासह जिल्ह्यातील शेतकरी नेते उपस्थित असणार आहेत..
नाशिक - वरुथिनी एकादशी निमित्ताने दुपारी 1 वाजता त्र्यंबकेश्वरला निवृत्तीनाथ महाराजांना उटीचा लेप लावण्यात येणार असून हजारो भाविक हजेरी लावणार आहेत...
धुळे - महाराष्ट्र राज्य नाट्य परिषदेच्या पंचवार्षिक निवडणुकीसाठी आज मतदान प्रक्रिया पार पडणार आहे.... यात प्रशांत दामले यांच्या नटराज पॅनलचे उमेदवार चंद्रशेखर पाटील आणि अपक्ष उमेदवार यशवंत येवलेकर यांच्यात लढत होत आहे... धुळे जिल्ह्यातील 300 मतदार आपला या नाट्य परिषदेच्या निवडणुकीत मतदान करणार आहेत.... नाट्य परिषदेच्या निवडणुकीसाठी धुळ्यात पहिल्यांदा ही निवडणूक होत आहे.
- - - - - - - - - Advertisement - - - - - - - - -