Maharashtra News Updates 15th May 2023 : देश-विदेशातील महत्त्वाच्या बातम्या फक्त एका क्लिकवर...
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Make In India: आत्मनिर्भर भारतासाठी संरक्षण मंत्रालयाचा मोठा निर्णय; 928 संरक्षण उत्पादनांवर बंदी
Atmanirbhar Bharat: आत्मनिर्भर भारताच्या दिशेने एक पाऊल पुढे टाकत संरक्षण मंत्रालयाने (Defense Ministry) सुट्ट्या भागांसह 928 संरक्षण वस्तूंच्या उत्पादनाला परवानगी दिली आहे. या वस्तूंच्या सुटे भागांच्या नवीन यादीला मंजुरी दिली आहे, जे केवळ देशातील कंपन्यांकडूनच खरेदी केले जाऊ शकतात. संरक्षण उत्पादनात स्वावलंबनाला चालना देण्याच्या उद्देशाने हे पाऊल उचलण्यात आल्याचे संरक्षण मंत्रालयाने रविवारी (14 मे) सांगितले.
मंत्रालयाने एका निवेदनात म्हटले आहे की संरक्षण मंत्रालयाने संरक्षण क्षेत्रात 'आत्मनिर्भरता'ला प्रोत्साहन देण्यासाठी आणि संरक्षण सार्वजनिक क्षेत्रातील उपक्रमांची आयात कमी करण्यासाठी चौथ्या जनहित याचिका मंजूर केली आहे. ही चौथी 'पॉझिटिव्ह इंडिजनायझेशन' यादी (पीआयएल) आहे, ज्यामध्ये 'रिप्लेसमेंट युनिट्स', उप-प्रणाली आणि विविध लष्करी प्लॅटफॉर्ममध्ये वापरले जाणारे भाग, उपकरणे आणि शस्त्रे यांचा समावेश आहे. सध्या या उत्पादनांच्या आयातीवर सुमारे 715 कोटी रुपये खर्च केले जातात.
Karnataka : कर्नाटकमध्ये काँग्रेस मुख्यमंत्री कोण? आमदारांनी 'या' नेत्याला दिले अधिकार
Karnataka Congress: कर्नाटकचा पुढचा मुख्यमंत्री (Karnataka Chief Minister) कोण असेल याचा निर्णय घेण्यासाठी काँग्रेस विधिमंडळ पक्षाची बैठक बेंगळुरूमध्ये बोलवण्यात आली होती. ही बैठक संपली असून या बैठकीत गटनेत्याची निवड करण्यात आली नाही. बैठकीत उपस्थित असलेल्या काँग्रेस आमदारांनी (Congress MLA) विधिमंडळ गटनेत्याची निवड करण्याचे अधिकार हे काँग्रेसचे अध्यक्ष मल्लिकार्जुन खर्गे (Mallikarjun Kharge) यांना देण्याचा ठराव मंजूर केला आहे. येत्या दोन-तीन दिवसांत मुख्यमंत्र्यांच्या नावाची घोषणा होऊ शकते, तर गुरुवारी नव्या सरकारचा शपथविधी होण्याची शक्यता आहे.
सूत्रांनी दिलेल्या माहितीनुसार डीके शिवकुमार आणि सिद्धरामय्या सोमवारी दिल्लीत जाऊन खर्गे यांची भेट घेण्याची शक्यता आहे. हे दोघेही मुख्यमंत्रीपदासाठी प्रबळ दावेदार आहेत. कर्नाटकात काँग्रेसने 135 जागा जिंकून प्रचंड बहुमत मिळवले आहे.
डीके शिवकुमार आणि सिद्धरामय्या हे दोघेही कर्नाटकात मुख्यमंत्रीपदाचे प्रबळ दावेदार आहेत. बंगळुरू येथील हॉटेल शांग्री-ला येथे काँग्रेस विधीमंडळ पक्षाची बैठक बोलावण्यात आली होती. हॉटेलमध्ये बैठक सुरू असताना बाहेर दोन्ही नेत्यांचे समर्थक आपापल्या नेत्यांच्या बाजूने घोषणा देत होते. यापूर्वी काँग्रेसचे राष्ट्रीय अध्यक्ष मल्लिकार्जुन खर्गे म्हणाले होते की, 'आज विधिमंडळ पक्षाची बैठक होणार असून हा अहवाल हायकमांडला सादर केला जाईल. त्यानंतर मुख्यमंत्र्यांच्या नावाची घोषणा करण्यास हायकमांडला वेळ लागणार आहे.
छत्रपती संभाजीनगर: कालीचरण महाराज यांच्यावर आणखी एक गुन्हा दाखल, सिल्लोड तालुक्यातील मोढा बुद्रुक येथे हिंदू जनजागरण सभेत चिथावणीखोर भाषण केल्याप्रकरणी गुन्हा दाखल
कालीचरण महाराज यांच्यावर आणखी एक गुन्हा दाखल
छत्रपती संभाजीनगरच्या सिल्लोड तालुक्यातील मोढा बुद्रुक येथे हिंदू जनजागरण सभेत चिथावणीखोर भाषण केल्याप्रकरणी गुन्हा दाखल
सिल्लोड ग्रामीण पोलीसांनी विविध कलमान्वये गुन्हे दाखल
सिल्लोड ग्रामीण पोलीसांनी स्वतः फिर्यादी होऊन केला गुन्हा दाखल
कालीचरण महाराज व सिल्लोड येथील भाजपच्या शहराध्यक्ष सहित चार लोकांविरुद्ध गुन्हा दाखल
पुणे: तुळजापूर मधून प्रस्थान झालेली मराठा वनवास यात्रा पुणे जिल्ह्यात दाखल
Maharashtra Politics: महापालिका निवडणुका ऑक्टोबर-नोव्हेंबरमध्ये होऊ शकतात - फडणवीस
महापालिका निवडणुका ऑक्टोबर-नोव्हेंबरमध्ये होऊ शकतात, असे संकेत उपमुख्यमंत्री देवेंद्र फडणवीस यांनी दिले आहेत.
Gondia News: गोंदियातील देवपायली येथे भीषण अपघातात तिघे जण जागीच ठार
Gondia News: कोहमारा-देवरी महामार्गावर ट्रेलर व दुचाकी अपघातात तिघांचा जागीच मृत्यु झाला आहे. ही घटना आज 4 वाजताच्या सुमारास घडली आहे. कोहमारा-देवरी या महामार्गावर उड्डाणपुलाचे निर्माण कार्य सुरू आहे. त्यामुळे एकेरी वाहतुक सुरू आहे. देवरी तालुक्यातील शेरपार येथील तिघेजण दुचाकीने देवरीकडे जात असताना त्यांना भरधाव ट्रेलरने चिरडले. या अपघातात तिघांचा जागीच मृत्यू झाला आहे. संजय गावडे, पतीराम धनपाते, रामचंद गवराने असे अपघातात मृत पावलेल्या तिघांची नावे आहेत.
Thane News: रस्त्यावरील झाड पडल्याने 2 पादचारी जखमी; चार ते पाच दुचाकी वाहनांचे नुकसान; शहापुरातील घटना
Thane News: शहापुर-चेरपोली मार्गावरील शेटे मँरेज हाँल समोर एक भले मोठे झाड अचानक बुडापासून कोसळ्याने झाडाखाली सावलीसाठी उभे असलेले दोन पादचारी जखमी झालेत. झाडाखाली असलेल्या चार ते पाच दुचाकी गाड्यांचे नुकसान झाले आहे. झाडाच्या सावलीत उभे असलेल्या लोकांनी प्रसंग सावधान राखल्याने सुदैवानं मोठी हानी टळली. मात्र, दुचाकी गाड्यांचे मोठ्याप्रमाणात नुकसान झाले आहे.
महत्त्वाच्या बातम्या
ट्रेंडिंग न्यूज
