Maharashtra Breaking News : देश-विदेशसह राज्यभरातील महत्त्वाच्या बातम्या एका क्लिकवर
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
मुंबई: राष्ट्रीय-आंतरराष्ट्रीय तसेच स्थानिक पातळीवरील घडणाऱ्या सर्व घडामोडींची सर्वात पहिली बातमी 'एबीपी माझा' आपल्या प्रेक्षक-वाचकांना देण्याचा प्रयत्न करत आहे. त्यामध्ये आज राजकीय, सामाजिक, आर्थिक घडामोडींपासून ते खेळ आणि मनोरंजनाच्या बाबतीत अपडेट्स देण्याचा प्रयत्न असतो. आपल्या प्रेक्षक-वाचकांना अप-टू-डेट ठेवण्याचा एक भाग म्हणून आम्ही आज दिवसभरात काय-काय महत्त्वाच्या घडामोडी घडणार आहेत याची माहिती देत आहोत
Har Ghar Tiranga Abhiyan : भारताला स्वातंत्र्य मिळून यंदा 75 वर्ष पूर्ण (Independence Day) होत आहेत. यानिमित्त देशभरात स्वातंत्र्याच्या अमृत महोत्सवी वर्षाचा उत्साह पाहायला मिळत आहे. या पार्श्वभूमीवर केंद्र सरकारकडून आजपासून 'हर घर तिरंगा' (Har Ghar Tiranga) अभियान राबवण्यात येत आहे. या अभियानाअंतर्गत प्रत्येक घरावर तिरंगा फडकवण्याचं आवाहन करण्यात आलं आहे. 13 ऑगस्टपासून 15 ऑगस्टपर्यंत प्रत्येक घरावर देशाचा राष्ट्रध्वज फडकवण्याचं आवाहन करण्यात आलं आहे.
देशभरात 75 व्या स्वातंत्र्यदिनाची (Independence Day) तयारी शेवटच्या टप्प्यात आहे. यंदा 'स्वातंत्र्याचा अमृत महोत्सव' (Azadi ka Amrit Mahotsav) मोठ्या धूमधडाक्यात साजरा करण्यात येणार आहे. केंद्र सरकारकडून 'आजादी का अमृत महोत्सव' साजरा करण्यासाठी आजपासून 'हर घर तिरंगा' (Har Ghar Tiranga) अभियानाला सुरुवात करण्यात आली आहे. 13 ऑगस्टपासून 15 ऑगस्टपर्यंत प्रत्येक घरावर देशाचा राष्ट्रध्वज फडकवण्याचं आवाहन करण्यात आलं आहे.
'हर घर तिरंगा' अभियानाला सुरुवात
भारताच्या स्वातंत्र्य प्राप्तीस 75 वर्ष पूर्ण होत असल्याचं औचित्य साधून 13 ते 15 ऑगस्ट या कालावधीमध्ये केंद्र शासनाच्या सूचनेनूसार हर घर तिरंगा हा उपक्रम राबविण्यात येत असून राज्यातील प्रत्येक नागरिकांच्या घरावर तसेच शासकीय, निमशासकीय, खाजगी आस्थापना, सहकारी संस्था, शैक्षणिक संस्था यांच्या इमारतीवर राष्ट्रध्वजाची फडकवण्याचं आवाहन करण्यात आलं आहे.
पंतप्रधानांच्या हस्ते पदक विजेत्यांचा सन्मान
कॉमनवेल्थ क्रिडा स्पर्धेमध्ये ज्या स्पर्धकांनी पदक जिंकलं आहे त्यांचा आज पंतरप्रधान नरेंद्र मोदी यांच्या हस्ते सन्मान करण्यात येणार आहे. सकाळी 11 वाजता हा कार्यक्रम पार पडणार आहे.
मुख्यमंत्री एकनाथ शिंदेंचा आज कोल्हापूर आणि सांगली दौरा
मुख्यंत्री एकनाथ शिंदे आज कोल्हापूर आणि सांगली दौऱ्यावर जाणार आहेत.
माजी पोलीस आयुक्त संजय पांडे यांच्यासंदर्भात आज आपची पत्रकार परिषद
मुंबईचे माजी पोलीस आयुक्त संजय पांडे यांच्यासंबंधित मुंबईत आज आप पक्षाची पत्रकार परिषद होणार आहे. संजय पांडे यांना फसवण्यात येत आहे, त्यांच्या विरोधात खोटी कारवाई करण्यात येत असल्याचा आरोप आपने या आधी केला आहे. त्याच संदर्भात आज दुपारी 3 वाजता पत्रकार परिषद घेण्यात येणार आहे.
आम्ही युतीत असताना निवडणूक लढवली : मुख्यमंत्री एकनाथ शिंदे
मुख्यमंत्री एकनाथ शिंदे म्हणाले,"आम्ही युतीत असताना निवडणूक लढवली, बाळासाहेब, मोदी यांचा फोटो लावून निवडणूक लढवली त्यानंतर महाविकस आघाडी झाली आणि बाळासाहेबांचा आदेश मानणारे आम्ही होतो म्हणून आम्ही ते सहन केले. नंतर खच्चीकरण सुरू झाले. आम्ही सगळं पाहत होतो. मी उध्दव ठाकरे यांना समजावून सांगितले, आमदारांची भावना सांगितली".
शंभरावे अखिल भारतीय मराठी साहित्य संमेलन ठाण्यात होणार, मुख्यमंत्री यांची मंजुरी
शंभरावे अखिल भारतीय मराठी साहित्य संमेलन ठाण्यात होणार, मुख्यमंत्री यांची मंजुरी
शरद पवारांनी काय लिंबू फिरवला आहे: भरत गोगावले
रायगड जिल्ह्यातील गोरेगाव येथील मेळाव्या दरम्यान भरत गोगावले म्हणाले की, शरद पवारांनी काय कुठं लिंबू फिरवला, कुठल्या भक्ताकडे गेले माहीत नाही. भाजपसोबत युती करून सत्ता चालवू अस सांगितलं असत तर आम्ही पाच पावलं मागे आलो असतो.
किंग्स सर्कल रेल्वे स्थानकाच्या पुलाला कंटेनरची जोरदार धडक, परिसरात वाहतूक कोंडी
हार्बर रेल्वे मार्गावरील किंग्स सर्कल रेल्वे स्थानकाच्या पुलाला एका कंटेनरची जोरदार धडक बसून अपघात झालाय. रात्री दहाच्या सुमारास ही घटना घडली. कंटेनर माती काढण्याचा जेसीबी घेऊन वडाळयाच्या दिशेने जात होता. मात्र, ब्रीजला कंटेनरवर असणारा जेसीबी लागला आणि हा अपघात झाला. यामुळे परिसरात काही वेळ वाहतूक कोंडी निर्माण झाली आहे. मात्र पोलीस, वाहतूक पोलीस आणि स्थानिकांच्या मदतीने कंटेनर बाजूला काढला जात आहे. या अपघातामुळे वाहतूक पूर्ववत होण्यास विलंब होईल, अशी माहिती वाहतूक विभागाने दिली. सुदैवान या अपधातात कोणतीही जीवितहानी झालेली नाही.
Deepak Kesarkar On Sharad Pawar: माझं शरद पवारांवर खूप प्रेम होतं: दिपक केसरकर
शिंदे गटाचे प्रवक्ते दीपक केसरकर सावंतवाडी मधील गांधी चौकात कार्यकर्त्यांशी संवाद साधला. यावेळी बोलताना ते म्हणाले आहेत की, ''माझं शरद पवारांवर खूप प्रेम होतं. शरद पवार यांनी काँगेस पक्षाचा प्रचार करायला आले, तेव्हा मला त्या उमेदवाराचा प्रचार करायचा नसल्याने मी राजीनामा दिला. माझा राष्ट्रवादी काँग्रेसमध्ये अपमान झाल्यामुळे मी राष्ट्रवादी काँग्रेस सोडली. मनोहर परिकर यांनी दिल्लीत नेलं होतं. त्यांना मला त्यावेळेस भाजप मध्ये घ्यायचं होत.''
महत्त्वाच्या बातम्या
ट्रेंडिंग न्यूज
