Lok Sabha Elections 2024 : लोकशाहीच्या सर्वोच्च उत्सवाचे विदेशी प्रतिनिधी मंडळालाही कुतूहल; अनेक देशातील प्रतिनिधींचे अलिबागला आगमन
निवडणूक आयोगाने इतर देशांच्या निवडणूक व्यवस्थापन संस्थांबरोबर आयइव्हीपी कार्यक्रम आयोजित केला आहे. त्याअंतर्गत अनेक देशातील विदेशी प्रतिनिधीचे मंडळ निवडणूक प्रक्रियेची पाहणी करण्याकरीता आले आहेत.
Lok Sabha elections 2024 Phase Three : लोकसभा निवडणुकांच्या तिसऱ्या टप्प्यातील निवडणुकांची रणधुमाळी उद्या रंगणार आहे. या निवडणुकांमध्ये अनेक दिग्गज नेत्यांची प्रतिष्ठा पणाला लागली असून सर्व स्थरातील यंत्रणा यासाठी सज्ज झाली आहे. अशातच, भारत निवडणूक आयोगाने (Election Commission of India) इतर देशांच्या निवडणूक व्यवस्थापन संस्थांबरोबर आंतरराष्ट्रीय सहकार्य आणि सहभागासाठी आयइव्हीपी (International Election Visitors Programme) कार्यक्रम आयोजित केला आहे.
त्याअंतर्गत विदेशी प्रतिनिधीचे मंडळ निवडणूक प्रक्रियेची पाहणी करण्याकरीता रायगड लोकसभा मतदारसंघात (Raigad Lok Sabha Constituency) आगमन झाले आहे. या प्रतिनिधी मंडळाने आज अलिबाग विधानसभा मतदारसंघातील मतदान अधिकारी आणि इतर टीमच्या साहित्य वाटप, वाहतूक, स्ट्रांग रूम आणि मतमोजणी कक्षाची पाहणी केली. यावेळी लोकशाहीच्या सर्वोच्च उत्सवाचे या विदेशी प्रतिनिधी मंडळालाही कुतूहल असल्याचे बघायला मिळाले.
लोकशाहीच्या सर्वोच्च उत्सवाचे विदेशी मंडळीलाही कुतूहल
भारत निवडणूक आयोगाने इतर देशांच्या निवडणूक व्यवस्थापन सस्था (EMBs) यांच्याबरोबर आंतरराष्ट्रीय सहकार्य आणि सहभागासाठी (International Election Visitors Programme) (IEVP) कार्यक्रम आयोजित केला आहे. या विदेशी प्रतिनिधी मंडळाचे रायगड जिल्ह्यात मांडवा जेट्टी येथे जिल्हाधिकारी तथा जिल्हा निवडणूक अधिकारी किशन जावळे यांनी त्यांचे स्वागत केले. यावेळी भारतीय संस्कृतीनुसार पारंपरिक पद्धतीने औक्षण, फेटा आणि हार घालून त्यांचे स्वागत करण्यात आले.
या विदेशी प्रतिनिधी मंडळामध्ये बांग्लादेशचे 2 प्रतिनिधी, महंमद मोनिरुझ्झमन टी , जी एम शाहताब उद्दीन (बांग्लादेश निवडणूक आयोग अधिकारी) कझाकिस्तान देशाचे 2 प्रतिनिधी, नुरलान अब्दिरोव, आयबक झीकन(केंद्रीय निवडणूक आयोग कझाकीस्तान), श्रीलंका देशाच्या सिलया हिलक्का पासिलीना (संचालक, श्रीलंका) झिम्बाबे देशाचे न्यायमूर्ती प्रिशीला चिगूम्बा आणि सिम्बराशे तोंगाई (केंद्रीय निवडणूक आयोग, झिम्बाबे) यांचा समावेश आहे.
निवडणूक प्रक्रियेची जाणून घेतली माहिती
यावेळी उपस्थित या प्रतिनिधींनी जी.एस.एम. महाविद्यालयात सुरु असलेल्या मतदान केंद्रस्थरीय पथकाचे साहित्य वाटपाची पाहणी केली. तसेच प्रत्येक मतदान केंद्रावर जाण्यासाठी केलेल्या वाहतूक व्यवस्थेचीही प्रत्यक्ष पाहणी केली. याबरोबरच मतदान यंत्राविषयी सविस्तर माहिती जाणून घेतली. जिल्हाधिकारी किशन जावळे यांनी त्यांना एकूण मतदान प्रक्रियेविषयी सविस्तर माहिती दिली. डॉ ज्योस्ना पडियार यांनी ई व्ही एम, व्ही. व्ही पॅट याविषयी प्रत्यक्ष हाताळणी करून दाखविले.
या मंडळाने नेहूली येथील स्ट्रांगरूमची पाहणी केली. मतदानानंतर स्ट्रांग रूम मध्ये जमा करण्यात येणाऱ्या मतदान यंत्राची विधानसभा मतदार संघनिहाय रचना केली जाते, त्याचीही पाहणी केली आणि त्याविषयी सविस्तर माहिती घेतली. तसेच मतमोजणी कशा पद्धतीने होते, मतमोजणी केंद्राची रचना, आवश्यक त्या सर्व बाबींची माहिती घेतली.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
