Maharashtra News LIVE Updates : संतोष बांगर यांच्याविरोधात फेसबुक पोस्ट भोवली, ठाकरे गटाच्या अयोध्या पोळ यांच्यावर गुन्हा दाखल
Maharashtra News LIVE Updates : राज्यासह देशातील महत्त्वाच्या घडामोडींचा संक्षिप्त आढावा वाचा एका क्लीकवर..
LIVE
Background
सध्या देशात लोकसभा निवडणुकीच्या पार्श्वभूमीवर मोठ्या घडामोडी घडत आहेत. या वेळीही आमचाच विजय होणार, असा दावा सत्ताधारी भाजपकडून केला जातोय. तर दुसरीकडे यावेळी सत्तांतर होणार, असा विश्वास विरोधकांकडून व्यक्त केला जात आहे. दुसरीकडे महाराष्ट्रातही अनेक राजकीय घडामोडी घडत आहेत. राष्ट्रवादी (शरद पवार गट) यांनी मनुस्मृतीचे दहन करत महाडमध्ये राज्य सरकारविरोधात आंदोलनक केले. या आंदोलनादरम्यान आव्हाड यांनी डॉ. बाबासाहेब आंबेडकर यांचा फोटो फाडल्याचा दावा भाजपकडून केला जातोय. या प्रकरणी त्यांच्याविरोधात अॅट्रॉसिटीचा गुन्हा दाखल केला आहे. त्यामुळे या प्रकरणावरूनही आज महाराष्ट्रात आरोप-प्रत्यारोप केले जात आहेत. दुसरीकडे महाराष्ट्राला मान्सूनची चाहूल लागली आहे. शेतकऱ्यांनी पेरणीसाठी तयारी चालू केली आहे.
या घडामोडींसह राज्य, देश तसेच जगभरातील महत्त्वाच्या घडामोडींचा संपूर्ण आढावा वाचा एका क्लीकवर!
Ayodhya Pol : ठाकरे गटाच्या अयोध्या पोळ यांच्यावर गुन्हा दाखल
ठाकरे गटाच्या हिंगोलीच्या नेत्या अयोध्या पोळ यांच्यावर गुन्हा दाखल करण्यात आला आहे. शिंदे गटाचे आमदार संतोष बांगर यांच्या घरासमोर गोळीबार झाल्याचा दावा त्यांनी केला होता. त्यानंतर हा गुन्हा दाखल करण्यात आला आहे.
Hasan Mushrif On Jitendra Awhad : जितेंद्र आव्हाड यांना अद्दल घडवण्याची गरज, हसन मुश्रीफ यांची टीका
हसन मुश्रीफ यांची आव्हाड यांच्यावर टीका
मनुस्मृतीचे दहन करायचे होते तर डॉ. बाबासाहेब आंबेडकर यांचा त्यावर फोटो छापण्याची गरज काय?
त्यांनी डॉ. बाबासाहेब आंबेडकर आणि जनतेचा अपमान केला आहे
केवळ माफी मागून होणार नाही
जितेंद्र आव्हाड यांना अद्दल घडवण्याची गरज
मुंबईकडे येणाऱ्या चालत्या रेल्वेतून धूर यायला लागला धूर; प्रवाशांत घबराट!
चालत्या रेल्वेतून धूर यायला लागला धूर
अचानक धूर येत असल्यामुळे गाडी थांबली
खंडाळा स्टेशनहून गाडी मुंबईकडे निघाली तेव्हा घडली घटना
लोक घाबरून पळत सुटले
जवळपास १५ मिनिटे झाला गोंधळ
आता परिस्थिती नियंत्रणात
Thane BJP Protest Against Jitendra Awhad : ठाण्यात भाजपतर्फे आव्हाड यांच्याविरोधात आंदोलन; प्रतिमेला जोडे मारून निषेध
ठाण्यात जितेंद्र आव्हाड यांच्या विरोधात वसंत विहार येथे करण्यात आले आंदोलन
भाजप वाहतूक सेल अध्यक्ष प्रशांत मोरे आणि पदाधिकारी यांनी केले आंदोलन
आव्हाड यांच्या पोस्टरला काळे फासून केले आंदोलन, तसेच जोडे मारून करण्यात आला निषेध
Mumbai Mega Block : ठाणे आणि सीएसएमटी स्थानकांवर 63 तासांचा मेगाब्लॉक; तब्बल 956 लोकल रद्द!
मध्य रेल्वेच्या ठाणे आणि सीएसएमटी स्थानकांवर एकाच वेळी महा मेगाब्लॉक घेतला जाणार आहे. ठाणे स्थानकात आज रात्रीपासून पुढील 63 तास मेगाब्लॉक असेल. तर सीएसएमटी स्थानकात शनिवारी आणि रविवारी असा 36 तासांचा मेगाब्लॉक असेल. या दोन्ही मेगाब्लॉकमुळे शुक्रवार, शनिवार आणि रविवार या तीन दिवशी मध्य आणि हार्बर मार्गावर एकूण 956 लोकल रद्द केल्या जाणार आहेत. तर या तीन दिवसात एकूण 72 लांब पल्ल्यांच्या गाड्यादेखील रद्द असतील. ज्या लोकल सुरू असणार आहेत त्यादेखील कर्जत, कसारा ते दादर आणि भायखळापर्यंतच धावतील. सीएसएमटी ते भायखळा पूर्णतः बंद असेल. त्याचप्रमाणे हार्बर लाइनवरदेखील पनवेल पासून घड्याळापर्यंतच लोकल धावतील. त्यापुढे लोकल धावणार नाहीत. इतक्या मोठ्या प्रमाणात लोकल आणि लांब पल्ल्यांच्या गाड्या रद्द केल्याने प्रवाशांना याचा नक्कीच त्रास होणार आहे.
महत्त्वाच्या बातम्या
ट्रेंडिंग न्यूज
