Maharashtra Live Blog Updates: राज्यात आजपासून पावसाचा जोर ओसरणार
Maharashtra Live Blog Updates: राज्यातील आणि देश-विदेशातील ताज्या घडामोडी आणि बातम्यांचे अपडेट्स मिळवण्यासाठी येथे क्लिक करा.
LIVE
Background
Maharashtra Live Blog Updates: मागील काही दिवसांपासून संपूर्ण राज्यात मुसळधार पाऊस (Heavy Rain) कोसळत होता. गेल्या चार दिवसांच्या तुलनेत बुधवारी काही भागात पावसाचा जोर कमी झाला. दरम्यान, संपूर्ण राज्यात गुरुवारपासून पावसाचा जोर ओसरणार असल्याची माहिती हवामान विभागाने दिली आहे. काही भागात अधूनमधून हलक्या सरी ते मुसळधार पाऊस पडेल असा अंदाज व्यक्त करण्यात आला आहे. राज्यात पडलेल्या मुसळधार पावसामुळे अनेक ठिकाणी पूरस्थिती निर्माण झाली. काही भागात जनजीवन विस्कळित झाले. राज्यातील बहुतांश भागात मात्र, बुधवारी पावसाचा जोर कमी होता. रायगड, रत्नागिरी या जिल्ह्यात अधूनमधून मुसळधार पाऊस कोसळला. मात्र, मुंबई, ठाणे परिसरात बुधवारी पाऊस ओसरला होता. दरम्यान, संपूर्ण राज्यात गुरुवारपासून पावसाचे प्रमाण कमी होणार असल्याचे हवामान विभागाने सांगितले आहे. तसेच राज ठाकरे (Raj Thackeray) आणि उद्धव ठाकरे (Uddhav Thackeray) हे दोघे एकत्र आल्यामुळे यंदाची बेस्ट पतपेढीची निवडणूक चर्चेचा विषय ठरली होती. या निवडणुकीत ठाकरे बंधू आणि महायुतीच्या पॅनेलमध्ये मुख्य लढाई होईल, असा अंदाज होता. मात्र, हा अंदाज चुकवत शशांक राव यांच्या पॅनेलने 21 पैकी 14 जागा जिंकत बाजी मारली. महायुतीच्या सहकार समृद्धी पॅनेलने 7 जागांवर विजय मिळवला. तर ठाकरे बंधूंना भोपळाही फोडता आला नाही.
बीडमध्ये बेपत्ता होमगार्ड महिलेचा मृतदेह आढळला नाल्यात
बीड शहरातील शिवाजीनगर पोलीस ठाणे हद्दीत एका होमगार्ड महिलेचा मृतदेह आढळल्याने खळबळ उडाली आहे. आयोध्या राहुल व्हरकटे असे मयत महिलेचे नाव असून त्या गेवराई येथे होमगार्ड म्हणून कार्यरत होत्या. चार दिवसांपूर्वी शिवाजीनगर पोलीस ठाण्यात आयोध्या बेपत्ता असल्याची तक्रार नोंदविण्यात आली होती. आणि आज दुपारच्या सुमारास त्यांचा मृतदेह एका नाल्यात आढळून आला. ही हत्या की आत्महत्या? याचा तपास पोलीस करत आहेत. मात्र एका होमगार्ड महिलेचा मृतदेह आढळून आल्यानं परिसरात खळबळ उडालीय..
डंपरखाली चिरडून महिलेचा मृत्यू, सांगलीतल्या विटा शहरात घडली घटना
सांगली जिल्ह्यातील विटा येथील श्री छत्रपती शिवाजी महाराज चौकातून निघालेल्या एका दुचाकी गाडीला डंपरने दिलेल्या धडकेत महिलेचा चिरडून जागीच मृत्यू झाला आहे. प्रमिला तांबे (वय 62) असे मृत्युमुखी पडलेल्या महिलेचे नाव असून दुचाकी वरील चालकही जखमी झाला आहे. अपघातानंतर डंपर चालकास पकडून नागरिकांनी पोलिसांच्या ताब्यात देण्यात आले आहे.
महत्त्वाच्या बातम्या
