(Source: ECI/ABP News/ABP Majha)
Maharashtra Covid-19 cases Live Updates : जाणून घ्या राज्यातील कोरोनाची जिल्हानिहाय आकडेवारी
Maharashtra Covid-19 cases Live Updates 15 January 2022 : राज्यातील आजची जिल्हानिहाय कोरोना आकडेवारी अपडेट्स या लाईव्ह ब्लॉगमध्ये.
LIVE
Background
Maharashtra Corona Update : गेल्या काही दिवसांपासून राज्यातील कोरोना रुग्णांच्या संख्येमध्ये मोठी वाढ होत आहे. शुक्रवारी राज्यात कोरोनाच्या 43, 211 नव्या रुग्णांची भर झाली असून 19 जणांचा मृत्यू झाला आहे. शनिवारी राज्यात कोरोनाच्या 42,462 नव्या रुग्णांची भर झाली असून 23 जणांचा मृत्यू झाला आहे. गेल्या काही दिवसांपासून सलगपणे राज्यात 40 हजारांहून अधिक रुग्णांची नोंद होतेय. त्यामुळे राज्याच्या चिंतेत भर पडली आहे.
राज्यात 125 ओमायक्रॉनबाधितांची नोंद
दक्षिण आफ्रिकामध्ये उदयास आलेल्या ओमायक्रॉन व्हेरियंटने महाराष्ट्राची चिंता वाढवली आहे. महाराष्ट्रात दररोज ओमायक्रॉनच्या रुग्णांची संख्या झपाट्याने वाढत आहे. राज्यात शनिवारी 125 ओमायक्रॉनबाधित रुग्णांची नोंद झालेली आहे. आतापर्यंत 1730 ओमायक्रॉनबाधितांची नोंद राज्यात झाली आहे. त्यापैकी 879 रुग्ण ओमायक्रॉनमुक्त झाले आहे.
राज्यात आज 23 कोरोना रुग्णांच्या मृत्यूची नोंद
राज्यात आज 23 रुग्णांच्या मृत्यूची नोंद झाली आहे. राज्याचा मृत्यूदर 1.97 टक्के झाला आहे. राज्यात आतापर्यंत 67 लाख 60 हजार 514 रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 94.28 टक्के आहे. सध्या राज्यात 22 लाख 108 रुग्ण होम क्वॉरंटाईनमध्ये आहेत तर 6102 व्यक्ती संस्थात्मक क्वारंटाईनमध्ये आहेत. राज्यात आजपर्यंत 7,17,64,226 प्रयोगशाळा तपासण्या करण्यात आल्या आहे. राज्यात शुक्रवारी सापडेलल्या रुग्णांपैकी 197 रुग्ण हे पुण्यातील आहेत. त्यानंतर पिंपरी-चिंचवडमधील 32, पुणे ग्रामीण आणि नवी मुंबईत प्रत्येकी तीन, मुंबई दोन, अकोल्यातील एक रुग्ण सापडला आहे. राज्यात आज आढळलेल्या १६०५ रुग्णांपैकी ८५९ रुग्ण ओमायक्रॉनमुक्त झाले आहे.
ओमायक्रॉनच्या प्रसारामुळे कोरोना हा सर्वसाधारण आजार बनेल; तज्ज्ञांचं मत -
ओमायक्रॉन व्हेरियंटमुळे कोविड रुग्णसंख्या वाढीचे उच्चांक मोडले. मात्र याच ओमायक्रॉनमुळे कोविड आजार हा सर्वसामान्य आजाराप्रमाणे व्हायला मदत करेल असं तज्ज्ञांचं मत आहे. डेल्टा व्हेरियंटमुळे झालेल्या मृत्युच्या थैमानाशी तुलना करता ओमायक्रॉन हा सौम्य लक्षणी असल्याचं दिसून आलंय.त्यामुळे कोविडच्या महाभयंकर संकटाची जीवघेणी गंभीरता ओमायक्रॉन व्हेरियंटमुळे कमी होतेय असं तज्ज्ञांकडून निरीक्षण मांडलं जातंय. डेल्टा आणि ओमायक्रॉन व्हेरियंटची तुलना केली तर ओमायक्रॉनमुळे बाधित रुग्णांना हॉस्पिटलमध्ये अॅडमिट करण्याची फारशी वेळ आली नाही. तसंच तज्ञांच्या मते, ओमायक्रॉन विषाणू फुफ्फुसांना डेल्टाप्रमाणे हाणी पोहोचवू शकला नाही. ओमायक्रॉन हा विषाणू कोरोनाला एक सर्वसामान्य आजारांप्रमाणे व्हायला कारणीभूत ठरु शकेल. जितक्या झपाट्यानं सध्या रुग्णसंख्या वाढ दिसली, तितक्याच झपाट्यानं ती खाली येईल असे भाकीत देखील वर्तवले गेले आहे.
उल्हासनगर पालिका क्षेत्रात 180 नवे कोरोनाबाधित
रविवारी उल्हासनगर पालिका क्षेत्रात 180 नवे कोरोनाबाधित आढळल्याने सक्रीय रुग्णांची संख्या 2 हजार 43 झाली आहे.
नागपूरात 2 हजार 285 नवे कोरोनाबाधित, तर 3 मृत्यू
नागपूरात आज नवे 2 हजा 285 कोरोनारुग्ण आढळले. ज्यामध्ये शहरात 1 हजार 722 आणि ग्रामीण भागात 486 तर जिल्ह्याबाहेरील 77 रुग्णांची नोंद करण्यात आली आहे. तसचं तीन जणांचा उपचारादरम्यान मृत्यू झाला असून 919 जण कोरोनामुक्तही झाले आहेत.
ठाणे पालिका क्षेत्रात 1673 नवे कोरोनाबाधित
रविवारी समोर आलेल्या आकडेवारीनुसार ठाणे महानगर पालिका क्षेत्रात 1 हजार 673 नवे कोरोनाबाधित आढळले आहेत.
ठाणे जिल्ह्यात 5 हजार 625 नवे कोरोनाबाधित
ठाणे जिल्ह्यात आज 5 हजार 625 नवे कोरोनाबाधित आढळले असून दोन जणांचा उपचारादरम्यान मृत्यू झाला आहे.
ठाणे जिल्ह्यात 5 हजार 625 नवे कोरोनाबाधित
ठाणे जिल्ह्यात आज 5 हजार 625 नवे कोरोनाबाधित आढळले असून दोन जणांचा उपचारादरम्यान मृत्यू झाला आहे.
महत्त्वाच्या बातम्या
ट्रेंडिंग न्यूज
