![ABP Premium](https://cdn.abplive.com/imagebank/Premium-ad-Icon.png)
Maharashtra Corona Update : राज्यात आज 1201 नवीन कोरोनाबाधित रुग्णांची नोंद तर 32 जणांचा मृत्यू
Maharashtra Coronavirus Updates : राज्यात आज 32 रुग्णांच्या मृत्यूची नोंद झाली आहे. राज्याचा मृत्यूदर 2.12 टक्के झाला आहे.
![Maharashtra Corona Update : राज्यात आज 1201 नवीन कोरोनाबाधित रुग्णांची नोंद तर 32 जणांचा मृत्यू maharashtra corona cases patients 1370 discharged today 1201 new cases in the state today Maharashtra Corona Update : राज्यात आज 1201 नवीन कोरोनाबाधित रुग्णांची नोंद तर 32 जणांचा मृत्यू](https://feeds.abplive.com/onecms/images/uploaded-images/2021/10/12/cf2c6cd5776e10d39453d1876635be44_original.jpg?impolicy=abp_cdn&imwidth=1200&height=675)
मुंबई : कोरोनाबाधितांच्या दैनंदिन रुग्णसंख्येत घट पाहायला मिळत आहे. राज्यात आज 1201 नवीन कोरोनाबाधित रुग्णांची नोंद झाली आहे. तर 1 हजार 370 रुग्ण कोरोनामुक्त झाले आहे. राज्यात आतापर्यंत 64 लाख 38 हजार 395 रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 97.48 टक्के आहे.
राज्यात आज 32 रुग्णांच्या मृत्यूची नोंद झाली आहे. राज्याचा मृत्यूदर 2.12 टक्के झाला आहे. पुणे जिल्ह्यात सध्या सर्वात जास्त 6937 अॅक्टिव्ह रुग्ण आहेत. जळगाव (14), नंदूरबार (0), धुळे (5), जालना (27), बीड (93), लातूर(50), परभणी (29), हिंगोली (22), नांदेड (18), अकोला (21), अमरावती (16), वाशिम (04), अकोला (21), बुलढाणा (05), नागपूर (81), यवतमाळ (06), नागपूर (81), वर्धा (5), भंडारा (3), गोंदिया (3), चंद्रपूर (12) गडचिरोली (4 ) या जिल्ह्यात अॅक्टिव्ह रुग्णसंख्या 100 च्या खाली आहे.
राज्यात सध्या 22 हजार 981 रुग्णांवर उपचार सुरु आहेत. सध्या राज्यात 1,76, 191व्यक्ती होम क्वॉरंटाईनमध्ये आहेत तर 961 व्यक्ती संस्थात्मक क्वारंटाईनमध्ये आहेत. आजपर्यंत तपासण्यात आलेल्या 6, 20,80, 203 प्रयोगशाळा तपासण्या करण्यात आल्या आहे.
मुंबईत गेल्या 24 तासात 293 कोरोनाबाधित रुग्णांची नोंद
मुंबईत गेल्या 24 तासात 293 कोरोनाबाधित रुग्णांची नोंद झाली आहे. तर 329 रुग्णांनी कोरोनावर मात केली आहे. मुंबईत आतापर्यंत 7,31,394 रुग्ण कोरोनामुक्त झाले आहेत. मुंबईचा रिकव्हरी रेट 97 टक्के झाला आहे. तर मुंबईत गेल्या 24 तासात पाच रुग्णाचा मृत्यू झाला आहे. सध्या मुंबईत 4101 सक्रिय रुग्ण आहेत. तर रुग्ण दुपटीचा दर 1368 दिवसांवर गेला आहे.
देशात 238 दिवसांनी दैनंदिन रुग्णसंख्येत मोठी घट
देशभरात कोरोनाचा प्रादुर्भाव सुरुच आहे, अशातच आज आठ महिन्यांनी सर्वात कमी कोरोनाबाधितांची नोंद करण्यात आली आहे. मंगळवारी सकाळी आरोग्य मंत्रालयानं जारी केलेल्या आकडेवारीनुसार, गेल्या 24 तासांत 12,428 नव्या कोरोनाबाधितांची नोंद करण्यात आली आहे. तर 356 रुग्णांचा मृत्यू झाला आहे. अशातच 15,951 रुग्ण कोरोनामुक्त झाले आहेत. कोरोना महामारीच्या सुरुवातीपासून आतापर्यंत एकूण तीन कोटी 42 लाख 2 हजार रुग्णांना कोरोनाची लागण झाली आहे. यापैकी 4 लाख 55 हजार 68 रुग्णांचा मृत्यू झाला आहे. विशेष बाब म्हणजे, आतापर्यंत 3 कोटी 35 लाख 83 हजार रुग्ण कोरोनामुक्त झाले आहेत. देशात कोरोनाच्या सक्रिय रूग्णांची संख्या दोन लाखांहून कमी झाली आहे. एकूण 1 लाख 63 हजार 816 रुग्ण अद्याप कोरोनावर उपचार घेत आहेत.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)