Maharashtra Breaking LIVE Updates: दोन मागण्या मान्य, आंदोलन फक्त स्थगित, अद्याप आंदोलन संपलेलं नाही- लक्ष्मण हाके
Maharashtra Breaking News: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
LIVE
Background
मुंबई : सध्या राज्यात मोठ्या राजकीय घडामोडी घडत आहेत. शिक्षक आणि पदवीधर मतदारसंघाच्या निवडणुकीची रणधुमाळी रंगली आहे. तर दुसरीकडे विधान परिषदेच्या 11 आमदारांच्या निवडणुकीचा कार्यक्रमही निवडणूक आयोगाने जाहीर केलेला आहे. त्यामुळे राज्यात राजकीय पक्ष जुळवाजुळवी करत आहेत. दुसरीकडे राज्यभर कुठे पावसाच्या सरी बसरत आहेत. तर कुठे अजूनही शेतकऱ्यांना मोठ्या पावसाची प्रतीक्षा आहे. या घडामोडींसह देश राज्य तसेच आंतरराष्ट्रीय पातळीवरच्या सर्व ताज्या घडामोडी वाचा एका क्लिकवर!
दोन मागण्या मान्य, आंदोलन स्थगित अद्याप आंदोलन संपलेलं नाही- लक्ष्मण हाके
शासनाने आमच्या दोन मागण्या मान्य केलेल्या नाहीत. सगेसोयरे याबाबतचा अध्यादेश अद्याप यायचा आहे. सर्वपक्षीय नेत्यांच्या उपस्थितीत बैठक होईल. त्याशिवाय आम्ही सगेसोयरे याबाबतीत आम्ही अध्यादेश काढणार नाही. खोटे कुणबी प्रमाणपत्रे देणाऱ्यांवर तसेच घेणाऱ्यांवर कारवाई करू, असे सरकारने आश्वासन दिलं आहे. पण आम्हाला जोपर्यंत आम्हाला याबाबत श्वेतपत्रिका मिळत नाही, तोपर्यंत हे आंदोलन स्थगित करण्यात आलंय. हे आंदोलन संपलेलं नाही.
Pune Police Bharti Protest : पुण्यातील जिल्हाधिकारी कार्यालयासमोर पोलीस भरतीच्या विद्यार्थ्यांनी केला रास्ता रोको
पुणे : पुण्यातील जिल्हाधिकारी कार्यालयासमोर पोलीस भरतीच्या विद्यार्थ्यांनी केला रास्ता रोको
रास्ता रोको करत विद्यार्थ्यांनी केलं आक्रमक आंदोलन
गेल्या सहा दिवसांपासून पोलीस विद्यार्थी करत आहेत आंदोलन
प्रशासनाला जाग येत नसल्याने विद्यार्थ्यांनी केला रस्ता रोको
वय वाढवून द्यावं आणि पावसाळ्यात पोलीस भारतीसाठीची मैदानी चाचणी पुढे ढकलावी यासाठी हे विद्यार्थी आंदोलन करत आहेत
Amol Mitkari : अजित पवार यांनी प्रकाश आंबेडकरांसोबत जावं, अमोल मिटकरी यांची नवी भूमिका
अजित पवारांनी वंचित बहुजन आघाडीचे अध्यक्ष प्रकाश आंबेडकरांसोबत जावं, असं खळबळजनक वक्तव्य राष्ट्रवादीचे आमदार अमोल मिटकरींनी केलं आहे. अकोला येथे 'एबीपी माझा'शी साधलेल्या 'एक्सक्लूझिव्ह' संवादादरम्यान त्यांनी ही मागणी केलीय. दरम्यान, हे आपलं वैयक्तिक मत असलं तरी पक्षानं यावर विचार करण्याची मागणी त्यांनी केली आहे. महायुतीत अजितदादांना एकटं पाडण्याचा प्रयत्न होत आहे. काहीही करून त्यांनी महायुती सोडावी यासाठी दोन्ही मित्र पक्षातील काही लोक प्रयत्न करीत असल्याचा आरोप मिटकरींनी केला आहे. यासाठी काही लोक मानसिक खच्चीकरण करण्याचा प्रयत्न करीत असल्याचा गंभीर आरोपही त्यांनी यावेळी व्यक्त केलाय. अजित पवार आणि प्रकाश आंबेडकर एकत्र आले तर विधानसभा निवडणुकीत हे दोन्ही नेते महाराष्ट्राचं राजकारण बदलू शकतील असा आशावादही त्यांनी व्यक्त केलाय.
कोल्हापूर जिल्ह्यात अजित पवार गटाला एकाच आठवड्यात दुसरा धक्का, ए वाय पाटील महाविकास आघाडीच्या वाटेवर
कोल्हापूर जिल्ह्यात अजित पवार गटाला एकाच आठवड्यात दुसरा धक्का
अजित पवार गटाचे प्रदेश उपाध्यक्ष ए वाय पाटील महाविकास आघाडीच्या वाटेवर
विधानसभेला महाविकास आघाडीची उमेदवारी मलाच, कार्यकर्त्यांनो कामाला लागा- ए वाय पाटील
राधानगरी तालुक्यातील आवळी बुद्रुक येथे झालेल्या कार्यकर्त्यांच्या मेळाव्यात ए वाय पाटील यांची घोषणा
विधानसभा निवडणूक महाविकास आघाडीकडून लढण्यावर ए वाय पाटील ठाम
महाविकास आघाडीत येण्यासाठी के पी पाटील आणि ए वाय पाटील यांच्यात चढाओढ
विधानसभेला महाविकास आघाडीकडून लढण्यासाठी दोघेही इच्छुक
नातेवाईक असूनही ए वाय पाटील आणि के पी पाटील यांच्यामध्ये राजकीय वैर
विधान परिषदेसाठी भाजपमध्ये इच्छुकांची भाऊगर्दी, 35 जणांनी केले अर्ज
विधान परिषदेसाठी भाजपमध्ये इच्छुकांची भाऊगर्दी
भाजप प्रदेशकडे आतापर्यंत 35 जणांनी केले अर्ज
भाजपचे पाच उमेदवार निवडून येतील इतकी मते भाजपकडे आहेत पण भाजपकडे आतापर्यंत 35 इच्छुकांनी अर्ज केले
भाजप प्रदेशकडे आलेल्या अर्जावर पुन्हा एकदा कोअर कमिटी बैठकीत चर्चा होणार
कोअर कमिटी बैठकीत चर्चा झाल्यानंतर यादी दिल्लीला पाठवली जाणार
भौगोलिक, सामाजिक समिकरण निकषावरच दिली जाणार उमेदवारी
संघटनेतील सक्रिय पदाधिकाऱ्यांची भाजप प्रदेश कडे मागणी
महत्त्वाच्या बातम्या
ट्रेंडिंग न्यूज
