Maharashtra Breaking 12th July LIVE Updates: नवाब मलिक यांचा मेडिकल जामिन दोन आठवड्यांनी वाढवला

Maharashtra Breaking 12th July LIVE Updates: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...

Background

Maharashtra Breaking News: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...

1. विधान परिषदेच्या 11 जागांसाठी आज निवडणूक; महायुतीचे 9 तर मविआकडून 3 उमेदवार रिंगणात, कोण कोणाला शह देणार याची उत्सुकता

2. विधान परिषदेची निवडणुकीआधी सर्व पक्षांकडून मतांची जुळवाजुळव, भाजप, राष्ट्रवादी, शिंदे गट, ठाकरे गट, काँग्रेसच्या बैठका, काँग्रेसच्या बैठकीला दोन आमदारांची दांडी

3. विधान परिषद निवडणुकीत काँग्रेसची 3-4 मतं फुटणार, शेकापच्या जयंत पाटलांचा दावा, काँग्रेसच्या तीन ते चार डाऊटफुल आमदारांची व्यवस्था पक्ष करेल, कैलास गोरंट्याल यांचा इशारा

4. पहिल्या पसंतीच्या मतांवर दोन्ही उमेदवार निवडून आणण्याची अजितदादांचं प्लॅनिंग, आमदारांच्या बैठकीला छगन भुजबळ गैरहजर 

5. विधानसभा निवडणुकीत महाविकास आघाडी 288 पैकी 225 पेक्षा जास्त जागा जिंकणार, शरद पवारांचा विश्वास

14:50 PM (IST)  •  12 Jul 2024

Yavatmal News : 20 दुचाकी जप्त; लालखेड पोलिसांची कारवाई

Yavatmal News : नांदेड, हिंगोली, बुलढाणा, वाशिम, येथील दुचाकी चोरून यवतमाळ येथे विक्री करनाऱ्या चोरट्यांस लालखेड पोलिसांनी अटक केली. त्याच्याजवळून 10 लाख रुपये किमतीच्या 20 चोरलेल्या दुचाकीसह जप्त करण्यात आल्या. लखन देवीदास राठोड, रा. मोरगव्हाण ह.मु. सुलतानपूर, जि. बुलडाणा, वैभव घुले रा सुलतानपूर, बादल राठोड, शुभम राठोड अशी अटक करण्यात आलेल्यांची 4 आरोपींची नावे आहे. 

14:49 PM (IST)  •  12 Jul 2024

Ahmednagar News : अहमदनगर जिल्ह्यातील 333 गावांत स्मशानभूमीच नाही

Ahmednagar News : स्मशानभूमी ही प्रत्येक गावाची मूलभूत सार्वजनिक सुविधा मानली जाते. मात्र, अहमदनगर जिल्ह्यातील 333 गावांत अद्याप स्मशानभूमीसाठी जागा उपलब्ध नसल्याने तेथे उघड्यावर किंवा मिळेल त्या ठिकाणी अंत्यसंस्कार करावे लागत आहेत. तर काही ठिकाणी जागा उपलब्ध असूनही प्रशासनाच्या उदासीनतेमुळे स्मशानभूमी नसल्याचे चित्र आहे.

14:48 PM (IST)  •  12 Jul 2024

Aashadhi Ekadashi 2024 : आषाढी काळात व्हीआयपी दर्शन बंदच राहणार

Aashadhi Ekadashi 2024 : मुख्यमंत्र्यांच्या पूजेच्यावेळी होणारी व्हीआयपी गर्दी टाळण्यासाठी देण्यात येणाऱ्या पासेसवर नियंत्रण आणण्यात येणार असल्याचे जिल्हाधिकारी यांनी सांगितले. वास्तविक मंदिराचा गाभारा, सोळखांबी लहान असल्याने जास्त व्हीआयपी आत आले तर मुख्यमंत्र्यांसह महत्वाच्या व्यक्तींना अनावश्यक गर्दीला सामोरे जावे लागते यामुळे मंदिर समितीशी ठरवून महवपुजेला मर्यादित व्हीआयपीन प्रवेश देण्याचा प्रयत्न असल्याचे जिल्हाधिकाऱ्यांनी Abp माझाशी बोलताना सांगितले. याशिवाय महापूजा सुरु असताना मुखदर्शनाची रांग सुरूच राहणार असून महापूजा कमीतकमी वेळेत करण्यासाठी मंदिर समितीशी चर्चा केली जाणार असल्याचेही जिल्हाधिकाऱ्यांनी सांगितले. 

14:47 PM (IST)  •  12 Jul 2024

Shirdi News : संगमनेर आंतरजातीय विवाह, हिंदू संघटना आक्रमक, गाव बंद ठेऊन निषेध

Shirdi News : संगमनेर तालुक्यातील आंबीखालसा येथील मुस्लिम युवकाने हिंदु मुलीशी एकमेकांच्या परस्पर सहमतीने लग्न केल्याने परिसरातील हिंदू संघटना आक्रमक झाल्या आहेत. या मुलीला फुस लावुन  पळवला असल्याचा आरोप करत हा प्रकार लव्ह जिहाद असल्याचा आरोप हिंदू संघटनांनी केलाय. या प्रकरणी आज संगमनेर तालुक्यातील आंबीखालसा गावातून सकल हिंदू समाजाच्या वतीने मोर्चा काढत घारगाव पर्यंत नेण्यात आला होता. या मोर्चामध्ये अनेक धर्मीयांचे झेंडे देखील पाहायला मिळाले व प्रभू श्री रामचंद्र की जय, छत्रपती शिवाजी महाराज की जय, गर्व से कहो हम हिंदू है अशा घोषणा देण्यात आल्या. यावेळी घारगाव गाव व परिसर बंद ठेवत हिंदू संघटनानी या घटनेचा निषेध केलाय. 

14:46 PM (IST)  •  12 Jul 2024

Kolhapur News: उन्हाळी सुट्टीनंतर करवीर निवासिनी अंबाबाईच्या मंदिरातील दानपेट्यांची मोजदाद सुरू

Kolhapur News: उन्हाळी सुट्टीनंतर करवीर निवासिनी अंबाबाईच्या मंदिरातील दानपेट्यांची मोजदाद सुरू झाली आहे.अंबाबाई मंदिरातील दानपेट्यांची मोजदाद दर महिन्याला केली जाते. मात्र आता उन्हाळी सुट्टीनंतर मोजदाद सुरू आहे. त्यामुळे अंबाबाई देवीच्या चरणी सुमारे दीड कोटीचे दान झालेलं पाहायला मिळतंय. दोन दिवसांपासून पश्चिम महाराष्ट्र देवस्थान समितीचे कर्मचारी ही मोजदाद करत आहेत. अंबाबाई मंदिरात एकूण 12 दानपेट्या आहेत. या सगळ्या रकमेची मोजदाद सीसीटीव्ही कॅमेऱ्याच्या समोर केली जाते. यानंतर बँकेच्या कर्मचाऱ्यांना बोलवून ही रक्कम बँकेत जमा केली जाते.