Maharashtra assembly budget session 2021 live updates : विधानपरिषदेत रामदास कदमांनी शिवसेनेलाच दिला घरचा आहेर

Maharashtra assembly budget session 2021 live updates : विधिमंडळाचं अर्थसंकल्पीय अधिवेशन कालपासून सुरु झालं आहे. या अधिवेशनातील महत्वाच्या घडामोडींसाठी फॉलो करा हा लाईव्ह ब्लॉग...

02/03/2021 14:30:52

विधानपरिषदेत आज प्रश्नोत्तराच्या तासात एका प्रश्नाच्या चर्चेवेळी शिवसेनेचे रामदास कदम यांनी , शिवसेनेच्याच मंत्र्यावर आरोप केले.रत्नागिरी जिल्ह्यातील खेडमध्ये कोरोना प्रतिबंधक नियम डावलून विविध कार्यक्रमांना परवानगी देणाऱ्या आणि राजकीय पक्षाच्या कार्यक्रमात सहभागी होणाऱ्या पोलीस अधिकाऱ्यावर कारवाई करण्याची मागणी कदम केली. एका शिवसेनेच्या मंत्र्यांचा वरदहस्त असल्यामुळे या अधिकाऱ्यावर कारवाई होत नाही असा आरोप कदम यांनी केला. यावेळी त्यांनी सभागृहात कार्यक्रमांची छायाचित्र सादर केली आणि
गृहमंत्र्यांना वेळोवेळी सांगूनही या अधिकाऱ्यावर कारवाई झाली नाही याबद्दल खंत व्यक्त करत या अधिकाऱ्यावर तातडीने कारवाई करण्याची मागणी केली , यावर उत्तर देताना गृहमंत्री अनिल देशमुख यांनी सांगितलं की, कायद्याचं उल्लंघन झालं असेल तर कारवाई करण्यात येईल.

02/03/2021 12:45:02

आमदार प्रकाश भारसाखळे यांना जीवे मारण्याची धमकी आली आहे,

अकोला जिल्ह्यातील अकोट मतदारसंघातील भाजप आमदार आहेत,

खंडणी द्या, अन्यथा चाळीस जणांची गॅंग आहे जीवे मारण्याची धमकी,

आमदार मुख्यमंत्र्यांना भेटून तक्रार देणार आहेत,
देवेंद्र फडणवीस यांची सभागृहाला माहिती

02/03/2021 12:34:48

वाढीव वीज देयकांच्या मुद्यावरून विरोधकांनी विधानपरिषदेत केलेल्या गदारोळामुळे सभागृहाचं कामकाज 20 मिनिटांसाठी स्थगित करावं लागलं. विरोधी पक्षनेते प्रवीण दरेकर यांनी यासंदर्भात स्थगन प्रस्ताव मांडत वीज देयकांच्या मुद्द्यावर तातडीने निर्णय घेण्याची आणि चर्चा करण्याची मागणी केली.

कोविड महामारीमुळे राज्याची आर्थिक स्थिती बिकट आहे , मात्र जशी सरकारला आर्थिक चणचण आहे तशी चणचण शेतकरी आणि वीज ग्राहकांनाही आहे त्यामुळे राज्य सरकारने आवश्यतेनुसार कर्ज उभारवं आणि शेतकऱ्यांची विजदेयकं माफ करावी किंवा वाढीव वीज देयकात सवलत द्यावी अशी मागणी दरेकर यांनी केली.निर्णय होत नाही तो पर्यंत वीजपुरवठा खंडित करू नये त्याचप्रमाणे वीज देयकांची खात्री करून नोटीस पाठविल्याशिवाय कोणतीही कारवाई करू नये असं ते म्हणाले.
यासंदर्भात संबंधित मंत्र्यांनी उत्तर घ्यावं असं सभापतींनी सांगितलं तर गृहमंत्री अनिल देशमुख यांनी विरोधकांच्या मुद्द्याची नोंद घेतल्याचं सांगितलं. मात्र विरोधकांचं समाधान झालं नाही त्यांनी हौद्यात उतरून फलक झळकावत घोषणाबाजी केली त्यामुळे सभापतींना कामकाज 20 मिनिटांसाठी स्थगित करावं लागलं.

02/03/2021 11:13:08

जोवर वीजेच्या विषयवार सभागृहात चर्चा होऊन निर्णय होत नाही, तोवर राज्यातील घरगुती आणि शेतकऱ्यांचे कनेक्शन तोडले जाणार नाही, उपमुख्यमंत्र्यांची विधानसभेत ग्वाही

02/03/2021 10:12:12

धनंजय मुंडेंनी राजीनामा द्यावा, अधिवेशनाच्या दुसऱ्या दिवशी भाजप मुंडेंविरोधात आक्रमक, वीज खंडित करण्याच्या मुद्द्यावरुन देखील आक्रमक राहणार, विधान परिषद विरोधी पक्षनेते प्रवीण दरेकर यांची माहिती

02/03/2021 10:46:00

वीजदरवाढीविरोधात भाजप आमदार राम सातपुते आक्रमक, अंगावर बल्ब, वीजपंप लावून विधिमंडळ परिसरात प्रवेश, सातपुते म्हणाले,वीज दरवाढ कमी केली नाही तर वीजपंप सरकारच्या डोक्यात घालू,

पार्श्वभूमी

मुंबई : विधिमंडळाचं अर्थसंकल्पीय अधिवेशन (Maharashtra assembly Budget Session 2021 Live) कालपासून सुरु झालं. या अधिवेशनात महाविकास आघाडी सरकार समोर अडचणींचा डोंगर दिसून येत आहे. कारण सत्ताधारी मंत्र्यांवर लागलेल्या आरोपांवरुन विरोधक सरकारला धारेवर धरणार असल्याचं चित्र आहे. विरोधकांकडे या अर्थसंकल्पीय अधिवेशनात महाविकास आघाडी सरकारला घेरण्याचे अनेक मुद्दे आहेत. शिवसेनेचे काल मंत्रीपदाचा राजीनामा दिलेले संजय राठोड, मंत्री धनंजय मुंडे यांच्यावरील आरोप, वीज बिल, कोरोना रुग्णांची वाढती संख्या अशा अनेक मुद्द्यांवरुन विरोधक सरकारला अडचणीत आणू शकतात. सरकारला कामकाज करायचं नाही म्हणून कमी काळ अधिवेशन घेणार असल्याचा आरोप विरोधी पक्षांनी केला आहे.

 

यंदा दहा दिवस होणार आहे. 1 ते 10 मार्च असे दहा दिवस अर्थसंकल्पीय अधिवेशनाचा कालावधी असेल. 8 मार्च रोजी राज्याचा अर्थसंकल्प सादर होणार असून 9 आणि 10 मार्च रोजी बजेटवर चर्चा होणार आहे. त्यानंतर अधिवेशन समाप्त होईल. यंदाच्या अधिवेशनात अशासकीय ठराव तसंच लक्षवेधी होणार नाही.

 

Maharashtra Assembly Budget Session | 1 ते 10 मार्च दरम्यान यंदाचं अर्थसंकल्पीय अधिवेशन, विधानसभा अध्यक्षपदाची निवडणूकही होणार नाही!

 

वर्ष 2020 च्या अर्थसंकल्पीय अधिवेशनात पहिल्यांदा कोरोनाचे रुग्ण महाराष्ट्रात आढळायला लागले. त्यामुळे अर्थसंकल्प मांडल्यानंतर ते अधिवेशन गुंडाळण्यात आले होतं. एक वर्षांनी पुन्हा कोरोनाच्या संकटामुळे अधिवेशनाचा कार्यकाळ कमी करावा लागला आहे.

 

विधानसभा अध्यक्ष निवडीसाठी सरकारचा प्लॅन; तर घाबरट सरकार, फडणवीसांची टीका

 

अधिवेशनात नेमके किती दिवस कामकाज होणार?
- पहिला दिवस (1 मार्च) - राज्यपालांचं अभिभाषण, अभिभाषणाबद्दल आभार प्रदर्शन प्रस्ताव
- दुसरा, तिसरा दिवस (2 मार्च, 3 मार्च) - राज्यपालांच्या अभिभाषणावर चर्चा
- चौथा, पाचवा दिवस - (4 मार्च, 5 मार्च) - पुरवणी मागण्यांवर चर्चा आणि मतदान
- सहावा, सातवा दिवस (6 मार्च, 7 मार्च) - शनिवार, रविवारची सुट्टी
- आठवा दिवस (8 मार्च) - अर्थसंकल्प सादर होणार
- नववा दिवस (9 मार्च) - शासकीय कामकाज
- दहावा दिवस (10 मार्च) - अर्थसंकल्पावर चर्चा, अधिवेशनाची सांगता