![ABP Premium](https://cdn.abplive.com/imagebank/Premium-ad-Icon.png)
Palghar Road Accident: लग्न समारंभ बेतला जिवावर, दादडे येथे विचित्र अपघातात चौघांचा मृत्यू
पालघर जिल्ह्यातील दादडे येथे विचित्र अपघातात चौघांचा मृत्यू झाला असून इतर 5 जणांपैकी दोघांची प्रकृती चिंताजनक आहे.
![Palghar Road Accident: लग्न समारंभ बेतला जिवावर, दादडे येथे विचित्र अपघातात चौघांचा मृत्यू Maharashtra 4 killed in accident Dadade Palghar district 4 of 5 others critical condition Palghar Road Accident: लग्न समारंभ बेतला जिवावर, दादडे येथे विचित्र अपघातात चौघांचा मृत्यू](https://feeds.abplive.com/onecms/images/uploaded-images/2021/03/22/512db2911f08a5095aaef2f195375bca_original.jpeg?impolicy=abp_cdn&imwidth=1200&height=675)
पालघर : कासा-विक्रमगड या मार्गावर दादडे गावाजवळ रविवारी रात्री 11 च्या सुमारास भरधाव येणाऱ्या दोन ट्रकचा समोरासमोर धडक होऊन अपघात झाला. या अपघातात रस्त्याच्या कडेला बसलेल्या काही तरुणांवर ट्रकमधील विटा कोसळून यात एकाचा जागीच तर तिघांचा उपचारादरम्यान मृत्यू झाला असून ट्रक चालकांसह 5 जण गंभीर जखमी झाले आहेत. यापैकी दोघांची प्रकृती चिंताजनक आहे.
कासा-विक्रमगड मार्गावर भरधाव वेगात आलेल्या ट्रकने समोरून येणाऱ्या दुसऱ्या ट्रकला धडक दिल्याने एक ट्रक बाजूला कोसळून दादडे गावाजवळ भीषण अपघात झाला. ट्रक मधील सिमेंटच्या विटा लग्न कार्यातुन येऊन रस्त्याच्या बाजूला गप्पा करीत बसलेल्या 7 तरुणांवर कोसळल्या. यात जयेंद्र रावते, अनिल खरपडे, राहुल दुमाडा व सचिन खांजोडे हे चौघे मित्र ठार झाले असून अजय डाबरे, संग्राम पालव, सुरज गुरव यासह एकूण पाच जण गंभीर जखमी झाले आहेत.
अपघात घडताच ट्रकमधील कोसळलेल्या विटा स्थानिकांनी तातडीने बाजूला करून जखमींना विक्रमगड ग्रामीण रुग्णालय, कासा रुग्णालयात तसेच जव्हार येथील रुग्णालयात उपचारासाठी दाखल केले. मात्र, यावेळी दोघांचा विक्रमगड तर एकाच कासा व अन्य एकाच सायन येथे मृत्यू झाल्याची माहिती पोलिसांनी दिली. उर्वरित जखमींवर उपचार सुरू असून यातील काहींची प्रकृती चिंताजनक आहे, अशी माहिती देण्यात आली आहे. दरम्यान विक्रमगड पोलीस या घटनेबाबत गुन्हा नोंदवून अधिक चौकशी करीत आहेत.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)