एक्स्प्लोर

मोठी बातमी : महाविकास आघाडीत ठाकरे गटाला 22 जागा मिळणार?, कुणाला कुठून उमेदवारी?

Uddhav Thackeray Shiv Sena Candidate List : पुढील दोन दिवसांत मतदारसंघासह उमेदवारांच्या नावाची उद्धव ठाकरेंकडून अधिकृत घोषणा केली जाण्याची शक्यता आहे.

By : वेदांत नेब | Edited By: मोसीन शेख | Updated at : 18 Mar 2024 03:04 PM (IST)

Maha Vikas Aghad Seat Sharing Uddhav Thackeray Shiv Sena 22 Seat Uddhav Thackeray Shiv Sena Candidate List In Lok Sabha Election मोठी बातमी : महाविकास आघाडीत ठाकरे गटाला 22 जागा मिळणार?, कुणाला कुठून उमेदवारी?

Uddhav Thackeray ( Image Source :PTI )

Uddhav Thackeray Shiv Sena Candidate List : महाविकास आघाडीमधील (Maha Vikas Aghadi) जागावाटपाबाबत मोठी अपडेट समोर येत असून, ठाकरे गटाला एकूण 22 जागा मिळणार असल्याची माहिती सूत्रांनी दिली आहे. लोकसभा निवडणुकीच्या (Lok Sabha Election) तारखा जाहीर झाल्याने महाविकास आघाडीमधील जागावाटपाच्या (Maha Vikas Aghad Seat Sharing) घडामोडींना वेग आला होता. अखेर ठाकरे गटाच्या (Thackeray Group) जागेवर शिक्कामोर्तब झाल्याची माहिती मिळत आहे. ज्यात उद्धव ठाकरेंच्या (Uddhav Thackeray) शिवसेनेला 22 जागा मिळणार असल्याची माहिती मिळत आहे.

निवडणूक आयोगाने लोकसभा निवडणुकीच्या तारखा जाहीर केल्याने आता उमेदवारांना देखील प्रचारासाठी वेळ मिळायला पाहिजे यासाठी महाविकास आघाडीत जागावाटपाच्या घडामोडींना वेग आला आहे. ज्यात उद्धव ठाकरेंना 22 जागा मिळणार असल्याचे निश्चित असल्याची माहिती सूत्रांनी दिली आहे. तसेच पुढील दोन दिवसांत मतदारसंघासह उमेदवारांच्या नावाची देखील उद्धव ठाकरेंकडून घोषणा केली जाण्याची शक्यता आहे.

'या' जागांवर अजूनही निर्णय नाही...

उद्धव ठाकरे यांना महाविकास आघाडीत 22 जागा मिळणार असल्याची माहिती सूत्रांनी दिली आहे. विशेष म्हणजे ठाकरे गटाकडून कोणत्या मतदारसंघात कुणाला उमेदवारी द्यायची याबाबत देखील निर्णय झाला असल्याची माहिती मिळत आहे. असे असतांना 22 पैकी 4 अशा जागा आहेत, जिथे कोणता उमेदवार द्यायचा याबाबत निर्णय झाला नाही. ज्यात जळगाव, कल्याण, पालघर, उत्तर मुंबई लोकसभा मतदारसंघाचा समावेश आहे. सोबतच, हातकणंगले मतदारसंघात उमेदवार न देता राजू शेट्टी यांच्या स्वाभिमानी संघटनेला बाहेरून पाठिंबा देण्याचा निर्णय झाला असल्याची माहिती मिळत आहे.