Cornavirus Updates | नवी मुंबईत होम कॉरंटाईनचा दुसरा गुन्हा दाखल

Background

 

1. लोकलसह देशभरातली प्रवासी रेल्वेसेवा 31 मार्चपर्यंत बंद, मेट्रो, मोनोची सेवाही रद्द, फक्त अत्यावश्यक सेवेसाठीच बससेवा उपलब्ध असणार

 

2. कोरोनाला रोखण्यासाठी महाराष्ट्रात 31 मार्चपर्यंत लॉकडाऊन, मुख्यमंत्र्यांची घोषणा, नागरी भागात जमावबंदीचे आदेश, फक्त जीवनावश्यक वस्तू मिळणार

 

3. 11 नवे रुग्ण आढळल्यानं राज्यात एकूण 75 कोरोनाग्रस्त, तर देशातल्या रुग्णांचा आकडा 396च्या पार, मुंबई, पाटणा आणि सूरतमध्ये प्रत्येकी एका रुग्णाचा मृत्यू

 

4. मुंबई, ठाण्यात वृत्तपत्र विक्रेते व्यवसाय बंद ठेवणार, दारोदारी वृत्तपत्र येणार नाही, ३१ मार्चपर्यंत वृत्तपत्र न विकण्याचा पवित्रा

 

5. कोरोनाच्या पार्श्वभूमीवर एमपीएससीच्या परीक्षार्थींची मागणी मान्य, 5 एप्रिल रोजी होणारी राज्यसेवा पूर्वपरीक्षा 26 एप्रिलला होणार

 

6. कोरोनामुळे जगभरात 14 हजार पेक्षा अधिक जणांचा मृत्यू, इटलीत मृतांची संख्या साडेपाच हजार, अमेरिकेत 24 तासात 100 दगावले

 

22:40 PM (IST)  •  23 Mar 2020

नवी मुंबई :नवी मुंबईत होम कॉरंटाईनचा दुसरा गुन्हा दाखल. सानपाडा येथे महिलेवर गुन्हा दाखल. होम कॉरंटाईन केलेली महिला घर सोडून मुंबईत गेली होती. मनपा प्रशासनाकडून दुसरा गुन्हा दाखल.

22:02 PM (IST)  •  23 Mar 2020

सांगलीत कोरोनाचे चार रुग्ण आढळल्याने पोलीस यंत्रणा अधिक अलर्टवर, शहरामध्ये हुल्लडबाजी आणि विनाकारण रस्त्यावर थांबणाऱ्या तरुणांवर पोलिसांची कारवाई, जिल्ह्यामध्ये संचारबंदी असतानासुद्धा नागरिकबाहेर पडत असल्याने पोलीस रस्त्यावर

20:01 PM (IST)  •  23 Mar 2020

महाराष्ट्रात कोरोनाग्रस्तांची संख्या वाढून 97 झाली आहे. सांगलीत चार नवीन रुग्ण आढळले. तर मुंबईत तीन आणि साताऱ्यातही एक रुग्ण पॉझिटिव्ह सापडला आहे.

20:28 PM (IST)  •  23 Mar 2020

साताऱ्यातील एका महिलेला कोरोनाची लागण झाली आहे. संबधित 45 वर्षाची महिला ही सातारा जिल्ह्यात राहणारी असून ती दुबई येथून मुंबईत आली होती. मुंबईतून ती रात्री साताऱ्याला येत असताना तीला रस्त्यातच त्रास होऊ लागल्यामुळे ती साता-यातील खंडाळा ग्रामिण रुग्णालयात गेली. अधिक उपचारासाठी तिला जिल्हा शासकिय रुग्णालयात दाखल करण्यात आले होते. काही वेळापुर्वी जिल्हा रुग्णालयात रिपोर्टआले असून ही महिला कोविड19 बाधित असल्याचे समोर आले आहे. या बाबतची माहिती जिल्हाधिकारी यांनी दिली.

19:26 PM (IST)  •  23 Mar 2020

करोना व्हायरसचा प्रादुर्भाव लक्षात घेऊन सर्वत्र जमावबंदी लागू केली असतानाही रस्त्यावर अनावश्यकपणे वाहन घेऊन फिरणाऱ्यांची संख्या वाढत आहे. भिवंडी तालुक्यातील अंबाडी या ठिकाणी असेच एक टोळके बाईक घेऊन फिरत असताना पोलिसांनी त्यांना पकडून भर रस्त्यावर त्यांना उठाबशा काढण्याची शिक्षा ठोठावली. या शिक्षेचा व्हिडीओ व्हायरल झाल्याने सर्वत्र पोलिसांच्या कर्तबगारीची कौतुक होत आहे.