कोपर्डी बलात्कार : आरोपींच्या अंगावर धावून जाण्याचा प्रयत्न

Written By : एबीपी माझा वेब टीम | Updated at : 25 Jul 2016 08:17 AM (IST)

अहमदनगर : कोपर्डी बलात्कारातील दोन आरोपींची पोलीस कोठडी 30 जुलैपर्यंत वाढवण्यात आली आहे. संतोष भवाळ आणि नितीन भैलुमे अशी आरोपींची नावं आहेत. या दोघांची पोलीस कोठडी आज संपली होती. त्यामुळे त्यांना आज न्यायालयात हजर करण्यात आलं. त्यावेळी जिल्हा सत्र न्यायलयाने दोन्ही आरोपींची कोठडी वाढवली. दरम्यान आज आरोपींना कोर्टात हजर करण्यात आलं, त्याचवेळी या नराधमांना रोषाला सामोरं जावं लागलं. न्यायालयीन परिसरात काही महिलांनी आरोपींच्या अंगावर धावून जाण्याचा प्रयत्न केला. मात्र पोलिसांनी आधीच दक्षता घेतल्याने, अनर्थ टळला.

बलात्काऱ्यांचे हातपाय तोडा, राज ठाकरे कोपर्डीत

बलात्कारासारखे गुन्हे रोखण्यासाठी शरीयतसारखा कायदा देशात लागू करण्याची गरज मनसे अध्यक्ष राज ठाकरेंनी व्यक्त केली आहे. राज ठाकरे यांनी कोपर्डीतील बलात्कार पीडित मुलीच्या कुटुंबियांची भेट घेतली. त्यानंतर बोलताना शरीयतप्रमाणे बलात्कार करणाऱ्यांचे हातपाय तोडले पाहिजेत, अशा कायद्याची गरज आहे, असं राज ठाकरे म्हणाले. संबंधित बातम्या