चाकरमान्यांनू कोकणात चाललंत, मगे आधी हे वाचा... उद्या कोकण रेल्वेवर तीन तासांचा 'मेगाब्लॉक'

Konkan Railway Megablock: उद्या कोकण रेल्वे मार्गांवर तीन दिवसांचा मेगाब्लॉक घेण्यात येणार आहे. मालमत्तेच्या देखभालीच्या कामासाठी मेगाब्लॉक घेतला जाणार असल्याचं रेल्वे प्रशासनानं सांगितलं आहे.

Konkan Railway Mega Block

Konkan Railway Megablock Updates: कोकण रेल्वेवर (Konkan Railway) उद्यापासून (21 जून 2023) तीन तासांसाठी मेगाब्लॉक (Mega Block) घेण्यात येणार आहे. रत्नागिरी (Ratnagiri) ते वैभववाडी (Vaibhavwadi) दरम्यान, देखभाल आणि दुरुस्तीच्या कामांसाठी तीन दिवसांचा मेगाब्लॉक (MegaBlock Updates) घेतला जाणार आहे. सकाळी 7.30 ते 10.30 या कालावधीत तीन तासांचा मेगाब्लॉक घेण्याचा निर्णय कोकण रेल्वेकडून घेण्यात आला आहे. 

कोकण रेल्वे मार्गावर रत्नागिरी ते वैभववाडी दरम्यान मालमत्तेच्या देखभालीच्या कामासाठी उद्या (बुधवार) तीन तासांचा 'मेगाब्लॉक' घेण्यात येणार आहे. सकाळी 7.30 ते 10.30 या कालावधीत तीन तासांचा मेगाब्लॉक घेण्याचा निर्णय कोकण रेल्वेनं घेतला आहे. यामुळे कोकण रेल्वे मार्गावर धावणाऱ्या तीन गाड्यांच्या वेळापत्रकावर याचा थेट परिणाम होणार आहे. 

खालील गाड्यांच्या वेळापत्रकात बदल

रत्नागिरी (Ratnagiri News) ते सिंधुदुर्ग (Sindhudurg) दरम्यान वैभववाडी या सेक्शनमध्ये घेण्यात येणाऱ्या मेगाब्लॉकमुळे गाडी क्र. 11003 दादर - सावंतवाडी रोड तुतारी एक्स्प्रेस (Tutari Express) रोहा ते रत्नागिरी दरम्यान 2.30 तास रोखून ठेवली जाणार आहे. इतर गाड्या देखील थांबवल्या जातील. यात कोकण कन्या एक्सप्रेस (Konkan Kanya Express), मांडवी एक्स्प्रेस (Mandovi Express) याही गाड्या थांबवल्या जातील.

20 जून रोजी सुटणारी गाडी क्र. 16346 तिरुवनंतपुरम सेंट्रल - लोकमान्य टिळक (टी) नेत्रावती एक्सप्रेस (Netravati Express) उडुपी - कणकवली विभागादरम्यान 3 तासांसाठी थांबवून ठेवली जाणार आहे.

21 जून रोजी गाडी क्र. 10106 सावंतवाडी रोड - दिवा एक्स्प्रेसचा प्रवास सावंतवाडी रोड - कणकवली विभागादरम्यान 30 मिनिटांसाठी रोखून ठेवली जाणार आहे. 

दरम्यान, रेल्वे रूळ, ओव्हरहेड वायर, सिग्नल यंत्रणेची देखभाल दुरुस्ती, या कामांसाठी आज ट्रान्स हार्बरवर मेगाब्लॉक घेतला जाणार आहे. त्यामुळे प्रवाशांना प्रवास करताना होणाऱ्या अडथळ्यांमुळे आणि गैरसोयीबद्दल रेल्वे प्रशासन दिलगीरी व्यक्त केली आहे. तसेच, मेगाब्लॉकच्या कालावधीत कोकण रेल्वे मार्गानं प्रवास करणाऱ्या प्रवाशांनी वेळापत्रक पाहावं आणि गाड्यांमध्ये होणाऱ्या बदलाची नोंद घ्यावी, असं आवाहनही कोकण रेल्वे प्रशासनाकडून करण्यात आलं आहे.  

कोकण रेल्वे मार्गावर पावसाळी वेळापत्रक लागू

कोकण रेल्वेने प्रवास करणाऱ्या प्रवाशांसाठी महत्त्वाची बातमी आहे.  कोकण रेल्वे मार्गावर धावणाऱ्या तब्बल 37 गाड्यांचा वेग आजपासून मंदावणार आहे. कारण आजपासून कोकण रेल्वे मार्गावर पावसाळी वेळापत्रक लागू होणार आहे. त्यामुळे गाड्यांचा वेग 40 किलोमीटर प्रतितास असेल. पावसाळ्यात प्रवास सुरक्षित व्हावा, यासाठी ही वेगमर्यादा करण्यात आली आहे.

कोकण रेल्वेने मान्सूनसाठी नवे वेळापत्रक जाहीर केले आहे. त्यानुसार सर्वच गाड्यांच्या वेळा बदलल्या आहेत. हे नवे वेळापत्रक 10 जून ते 31 ऑक्‍टोबरसाठी लागू असेल. या कालावधीत रेल्वेची वेगमर्यादा 40 ते 90 प्रतितास असणार आहे. तसेच सर्वच धोकादायक ठिकाणी 24 तास गस्त असणार आहे. कोकण रेल्वेने ज्या कालावधीसाठी रेल्वेगाड्यांच्या वेळापत्रकात बदल केला आहे, त्या कालावधीत गणेशोत्सव सुद्धा येतो आहे. त्यामुळे वेळापत्रकातील कोकणवासियांसाठी महत्त्वाचे आहे. 

महत्त्वाच्या इतर बातम्या :