![ABP Premium](https://cdn.abplive.com/imagebank/Premium-ad-Icon.png)
Anil Deshmukh : अनिल देशमुखांच्या घरी, मालमत्तांवर इन्कम टॅक्स विभागाची छापेमारी
अनिल देशमुख यांच्या मालमत्तेवर आज इन्कम टॅक्स विभागाने छापेमारी केली आहे. नागपुरातील त्यांच्या मालमत्तेवर इन्कम टॅक्स विभागाने छापा टाकला आहे.
![Anil Deshmukh : अनिल देशमुखांच्या घरी, मालमत्तांवर इन्कम टॅक्स विभागाची छापेमारी Income tax department raids Anil Deshmukh's house and property Anil Deshmukh : अनिल देशमुखांच्या घरी, मालमत्तांवर इन्कम टॅक्स विभागाची छापेमारी](https://feeds.abplive.com/onecms/images/uploaded-images/2021/07/05/9b0d005761054b2cfd74e473b02cb0e9_original.jpg?impolicy=abp_cdn&imwidth=1200&height=675)
मुंबई : सीबीआय, ईडीनंतर आता आयकर विभागाच्या रडारवरही राज्याचे माजी गृहमंत्री अनिल देशमुख (Anil Deshmukh) आले आहेत. अनिल देशमुख यांच्या मालमत्तेवर आज इन्कम टॅक्स (Income Tax) विभागाने छापेमारी केली आहे. नागपुरातील त्यांच्या मालमत्तेवर इन्कम टॅक्स विभागाने छापा टाकला आहे.
अनिल देशमुखांच्या काटोल येथील घरी, ट्रॅव्होटेल हॉटेलसह नागपूर जिल्ह्यातील सहा ठिकाणी आयकर विभागाची छापेमारी सुरु आहे. मुंबईतल्या सुखदा आणि ज्ञानेश्वरी या निवासस्थानीही आयकर विभागाकडून चौकशी सुरु आहे. अनिल देशमुख आणि कुटुंबियांच्या नावे असलेल्या शेल कंपन्यांच्या माध्यमातून झालेल्या पैशांच्या व्यवहारांबाबत माहिती घेतली जातेय. मुंबई, पुणे आणि नागपुरातील घरी आणि मालमत्तांवर आयकर विभागाची छापेमारी सुरु आहे.
मुंबईचे माजी पोलीस आयुक्त परमबीर सिंग यांनी केलेल्या 100 कोटींच्या वसुलीच्या आरोपानंतर अनिल देशमुख यांना आपल्या पदाचा राजीनामा द्यावा लागला होता. त्यानंतर त्यांच्या मागे ईडी आणि सीबीआयचा ससेमिरा लागला.
देशमुखांच्या विरोधात लूक आऊट सर्क्युलर जारी
मुकेश अंबानी यांच्या घराबाहेर सापडलेली स्फोटकं आणि 100 कोटींच्या वसुलीच्या आरोपांनंतर माजी गृहमंत्री अनिल देशमुख आणि आयपीएस अधिकारी परमबीर सिंह हे वेगवेगळ्या तपास यंत्रणांच्या रडारवर आहेत. पण हे दोघेही तपास यंत्रणांच्या हाती मात्र लागत नाहीत. चार ते पाच वेळा समन्स बजावल्यानंतरही अनिल देशमुख ईडीसमोर हजर न राहिल्यामुळं त्यांच्या नावानं लूक आऊट सर्क्युलर जारी करण्यात आलं आहे. अशातच आता अनिल देशमुखांचा शोध घेण्यासाठी ईडीनं सीबीआयकडे मदत मागितली आहे.
Anil Deshmukh Case : ED च्या आरोपपत्रात अनिल देशमुखांचं नावच नाही; अद्याप चौकशी झाली नसल्याचं कारण
अनिल देशमुख यांना पाचवेळा तर त्यांचे चिरंजीव ऋषिकेश देशमुख यांना दोन वेळा ईडीकडून समन्स बजावण्यात आले. मात्र सुरुवातीला अनिल देशमुख यांनी व्हिडीओ कॉन्फरन्सिंगद्वारे त्यांचा जबाब नोंदवला जाण्याची मागणी ईडीकडे केली आणि त्यानंतर प्रकरण न्यायप्रविष्ट असल्याचं कारण देत पाचही वेळा ते ईडीसमोर आले नाहीत.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)