गोंदियात पोलिसांच्या सतर्कतेने नक्षल्यांच्या मनसुब्यांना सुरुंग

गोंदिया : नक्षल्यांनी दिलेली धमकी गावकऱ्यांनी पाहिली नसती, तर गोंदियाच्या अर्जुनी मोरगाव तालुक्यात सुकमासारखाच हल्ला झाला असता. कारण याच फलकाच्या जवळ गोंदिया पोलिसांना नक्षल्यांनी पेरलेला टाईम बॉम्ब मिळाला. पोलिसांनी तातडीने अॅण्टीबॉम्ब स्क्वॉडला पाचारण केलं आणि बॉम्ब निकामी करण्यात आला. गावकऱ्यांच्या सतर्कतेनं आणि गोंदिया पोलिसांच्या तत्पर कारवाईनं मोठा अनर्थ तर टळला, पण पोलिसांना चिंता वेगळीच आहे. सुखाने नांदणाऱ्या समाजाला ग्रहण लावण्यासाठी नक्षली सदैव तत्पर असतात. पण तितकाच सतर्क समाज आणि पोलिस असतील, तर नक्षल्यांचे मनसुबे कधीच सफल होणार नाहीत. वेळीच कारवाई करुन अनेकांचे प्राण वाचवणाऱ्या गोंदिया पोलिसांना सलाम. छत्तीसगडच्या सुकमा जिल्ह्यात नक्षलवाद्यांच्या हल्ल्यात सीआरपीएफचे 25 जवान शहीद, तर 6 जवान गंभीर जखमी झाले आहेत. सुकमा जिल्ह्यातील चिंतागुफा परिसरात CRPF च्या बटालियन 74 वर नक्षलवाद्यांनी हल्ला केला. या बटालियनमध्ये 90 जवान होते. 25 जवानांच्या मृत्यूमागे कोण? नक्षलवाद्यांचा गड मानला जाणाऱ्या सुकमा जिल्ह्यातील 25 जवानांच्या मृत्यूमागे कुख्यात नक्षली नेता हिडमा याचा हात असल्याचं बोललं जात आहे. हिडमाने जवळपास 300 नक्षलवाद्यांसह मिळून हा हल्ला केला. सुत्रांनी दिलेल्या माहितीनुसार पापल्स लिबरेशन ऑफ गुरिल्ला (PLGA) संघटनेने या हल्ल्याची जबाबदारी स्वीकारली आहे. ही संघटना बुरकापाल आणि चिंतागुफा भागात सक्रिय असते. कोण आहे हिडमा? 25 वर्षीय हिडमा हा पीएलजीएची पहिली बटालियन (PLGA 1) चा प्रमुख आहे. तो सुकमा जिल्ह्यातील पालोडी गावाचा रहिवासी आहे. घातपाताने हल्ला करणारा मास्टरमाईंड अशी हिडमाची ओळख आहे. हिडमा आणि त्याच्या बटालियनने आतापर्यंत CRPF वर अनेक मोठे हल्ले केले आहेत. दंतेवाडातील ताडमेटलामध्ये 2010 साली झालेल्या हल्ल्यात एक हजार नक्षलवाद्यांनी 76 जवानांची हत्या केली होती. हिडमा ग्रुपने यापूर्वीही मोठे हल्ले केले आहेत. 23 मार्च 2013 रोजी दरभातील झीरम घाटीत काँग्रेस परिवर्तन रॅलीवर करण्यात आलेल्या हल्ल्यात काँग्रेसच्या बड्या नेत्यांसह 31 जणांची हत्या करण्यात आली होती.

संबंधित बातम्या :

5 नक्षल्यांना ठार करणारे जवान शेर मोहम्मद जखमी

सुकमा हल्ला : 25 CRPF जवानांच्या हत्याकांडाचा मास्टरमाईंड कोण?