Fake Currency Racket: एचडीएफसी बँकेत जमा केल्या नकली नोटा, बुलढाण्यातील एमआयएमच्या माजी जिल्हा अध्यक्षास अटक
Fake Currency Racket: अलीकडेच बुलढान्यातील मलकापूर येथील एचडीएफसी बँकेत (HDFC BANK) गेल्या 23 फेब्रुवारीला एका व्यापाऱ्याने 500 रुपयांच्या 38 नकली नोटांचा भरणा केला होता.
Fake Currency Racket: अलीकडेच बुलढान्यातील मलकापूर येथील एचडीएफसी बँकेत (HDFC BANK) गेल्या 23 फेब्रुवारीला एका व्यापाऱ्याने 500 रुपयांच्या 38 नकली नोटांचा भरणा केला होता. त्यावेळी बँकेच्या कॅशियरने मलकापूर पोलीसात तक्रार दिली होती. यावरून पोलिसांनी गुन्हा दाखल करून दोघांना अटक केली होती. त्यांनी चौकशी केल्यानंतर पोलिसांनी आतापर्यंत एकूण सहा जणांना वेगवेगळ्या ठिकाणाहून अटक केली आहे. या सर्वांची चौकशी केल्यानंतर आज मलकापूर पोलिसांनी बुलढाणा जिल्ह्यातील एमआयएमच्या माजी जिल्हा अध्यक्षास अटक केली आहे. सैजाद खान सलीम खान असं त्यांचं नाव असून आपल्या राजकीय पदाचा वापर करून त्यांनी मलकापूर परिसरात अवैध बायोडिझेलचं मोठं जाळ उभारलं आहे.
आज एमआयएमच्या माजी अध्यक्ष सैजाद खान यांना अटक केल्याने जिल्ह्यात खळबळ उडाली असून पोलिसांना या प्रकरणात मोठं रॅकेट असण्याची शक्यता वर्तवण्यात येत आहे. पोलिसांनी सैजाद खान यांना न्यायालयात उभे केले असता न्यायालयाने त्यांना चार दिवसांची पोलीस कोठडी सुनावली आहे.
23 फेब्रुवारी रोजी मलकापूर शहरातील एचडीएफसी बँकेत नकली नोटा जमा करण्याचा प्रकार उघडकीस आला होता. या प्रकरणातील मुख्य आरोपी ईरफान हनीफ पटनी (मुळ रा. गुजरात ह. मु. वडनेर, भोलजी) याच्यासह खामगाव, मलकापूर, नांदुरा येथून आतापर्यंत सहा आरोपींना शहर पोलिसांनी यापूर्वी अटक केली. यात खामगाव तालुक्यातील एका ग्रामपंचायत सदस्यांचा समावेश आहे.
दरम्यान, मंगळवारी पहाटे तीन वाजेदरम्यान शहर पोलिसांनी 'ऑल इंडिया मजलिस ए इत्तेहादुल मुस्लिमीन' म्हणजेच एएमआयएम या पक्षातून महिनाभरापूर्वी पायउतार झालेले माजी जिल्हाध्यक्ष तथा नगरसेवक शहेजाद खान यांना मलकापूरातील माळीपुरा मंगलगेट परिसरातून अटक केली. या पूर्वी अटकेत असलेल्या आरोपीने सैजाद खान याच्या नावाची कबुली दिल्याने ही अटक करण्यात आली. त्यांना बुधवारी न्यायालयासमोर हजार केले असता न्यायालयाने 19 मार्च पर्यंत पोलीस कोठडीत ठेवण्याचे आदेश दिले आहे. या पूर्वी अटकेत असलेल्या आरोपीने सैजाद खान यांच्या नावाची कबुली दिल्याने ही अटक करण्यात आली. त्यांना बुधवारी न्यायालयासमोर हजार केले असता न्यायालयाने 19 मार्चपर्यंत पोलीस कोठडीत ठेवण्याचे आदेश दिले आहे. नकली नोटा चलनात आणण्याचं रॅकेट जिल्ह्याभरात सुरू असून लवकरच या साखळीचा पर्दाफाश करण्यात येणार असल्याचे तपास अधिकाऱ्यांनी सांगितले.
Before You Go
Raj Thackeray PC : कोकणातले खड्डे, जमिनीची विक्री, कंत्राटदारते नितीन गडकरी, राज ठाकरेंची FULL PC
महत्त्वाच्या बातम्या
