LIVE UPDATES | दिल्लीमध्ये सुरू असलेल्या शेतकरी आंदोलनाला पंजाब आणि हरियाणा मधील खेळाडूंचा पाठिंबा

सीरम इन्स्टिट्युटचे अदार पूनावाला 'एशियन ऑफ द ईयर', कोरोना महामारीचा सामना करण्यात महत्त्वपूर्ण भूमिका पालघरमधील तारापूर येथे लोकसहभागातून साकारला 39 एकरांचा 'श्रीकृष्ण तलाव' IND Vs AUS 2nd T20 | भारत विरुद्ध ऑस्ट्रेलियात आज दुसरा टी20 सामना; टीम इंडियाला मालिका जिंकण्याची संधी दिवसभरातील ताज्या घडामोडींचा आढावा या लाईव्ह ब्लॉगमध्ये...

Background

दिवसभरातील ताज्या घडामोडींचा आढावा या लाईव्ह ब्लॉगमध्ये...

सीरम इन्स्टिट्युटचे अदार पूनावाला 'एशियन ऑफ द ईयर', कोरोना महामारीचा सामना करण्यात महत्त्वपूर्ण भूमिका

जगातील सर्वात मोठी लस उत्पादक सीरम इन्स्टिट्युट ऑफ इंडियाचे सीईओ अदार पूनावाला यांची 'एशियन ऑफ दी इयर' म्हणून निवड करण्यात आली आहे. द स्ट्रेट्स टाईम्स ऑफ सिंगापूरने अदार पूनावालासह सहा जणांना एशियन ऑफ द इयर सन्मानासाठी निवडले आहे. यावर्षी कोविड 19 साथीच्या विरूद्ध लढा देण्यास योगदान देणाऱ्यांची या सन्मानासाठी निवड करण्यात आली आहे.

पुण्यातील सीरम इन्स्टिट्यूट ऑफ इंडिया, कोविड 19 लस 'कोविशिल्ट' विकसित करण्यासाठी ऑक्सफर्ड विद्यापीठ आणि ब्रिटीश-स्वीडन कंपनी अ‍ॅस्ट्रॅजेनेका यांच्याबरोबर काम करत आहे. त्यासाठी कोरोना लसीची चाचणी भारतात घेण्यात येत आहे.

पालघरमधील तारापूर येथे लोकसहभागातून साकारला 39 एकरांचा 'श्रीकृष्ण तलाव'

देशात अनेक भागाला मार्चनंतर दुष्काळाच्या झळा सोसाव्या लागत असून याला आता कोकणही अपवाद राहिलं नाही. शासनाकडून अनेक उपाययोजना सुरु केल्या जातात त्या बंदही पडतात. मात्र पालघरमधील तारापूर जवळील कुडण येथे लोकसहभागातून तब्बल 39 एकरवर दीड किलोमीटर लांबीचा तलाव तयार करण्यात आला आहे. या तलावामुळे या परिसरातील नागरिकांसह, प्राण्यांची,पक्ष्यांचीही तहान भागवण्यास मोठी मदत होत आहे.

पालघर जिल्ह्यातील तारापूर अणुशक्ती केंद्राच्या बाजूलाच असलेल कुडण गाव याच गावाच्या बाजूला खारटण जमीन. एरवी या जमिनीत समुद्राच्या भरतीचे पाणी शिरत असल्याने खारटण असल्याने काहीही उपयोग होत नव्हता. तर आजूबाजूच्या गावांमध्ये मोठ्या प्रमाणात पाणी टंचाईचे दुर्भिक्ष जाणवत होतं, मात्र हेच पाण्याचे दुर्भिक्ष कमी करण्यासाठी या भागातील सामाजिक काम करणारी लोक धावून आली. यामध्ये लायन्स क्लब तारापूर आणि स्थानिक नागरिकांच्या माध्यमातून 39 एकरवर गोड्या पाण्याच्या तलावाची निर्मिती करण्याचा विचार झाला आणि 2017 साली सुरु झालेल काम सध्या पूर्णत्वास आलं आहे.

IND Vs AUS 2nd T20 | भारत विरुद्ध ऑस्ट्रेलियात आज दुसरा टी20 सामना; टीम इंडियाला मालिका जिंकण्याची संधी

एकदिवसीय सामन्यांच्या ऑस्ट्रेलियाविरुद्धची मालिका 1-2 असा पराभव झाल्यानंतर टीम इंडियाने ऑस्ट्रेलिया विरुद्धच्या पहिल्या टी20 सामन्यात 11 धावांनी विजय मिळवला. रविवारी सिडनी क्रिकेट ग्राउंडवर दोन्ही संघांमध्ये दुसरा टी20 सामना खेळवण्यात येणार आहे. टीम इंडियासमोर दुसरा सामना जिंकत एकदिवसीय सामन्यांच्या मालिकेतील पराभवाचा वचपा काढण्याची संधी आहे. परंतु, ऑस्ट्रेलियासाठी दुसऱ्या टी20 सामन्यात वापसी करणं अवघड असणार आहे. ऑस्ट्रेलियाच्या संघात दुखापतींचं सत्र सुरुच असून अनेक खेळाडू दुखापतीमुळे संघाबाहेर आहेत.

डेव्हिड वॉर्नर आधीपासून सीरिजमधून बाहेर आहे. कर्णधार एरॉन फिंचलाही पहिल्या टी20 सामन्यात दुखापत झाली होती. त्यामुळे दुसऱ्या सामन्यात फिंच खेळणार की नाही, हे अद्याप स्पष्ट करण्यात आलेलं नाही. जर दुसऱ्या टी20 सामन्यांत फिंच खेळला नाही तर हा यजमान संघासाठी मोठा धक्का असणार आहे. जर फिंच आजच्या सामन्यात गैरहजर राहिला तर संघासाठी धावांचा डोंगर रचण्याची जबाबदारी स्टीव्ह स्मिथवर असणार आहे.

 

12:40 PM (IST)  •  06 Dec 2020

शरद पवार, सीताराम येचुरी आणि डी.राजा हे शिष्टमंडळ राष्ट्रपतींना भेटणार आहे. 9 डिसेंबर रोजी संध्याकाळी पाच वाजता राष्ट्रपतींना भेटणार असल्याची माहिती मिळत आहे. शेतकरी आंदोलनाच्या पार्श्वभूमीवर चर्चा होणार असल्याचं सांगण्यात येत आहे.

16:18 PM (IST)  •  06 Dec 2020

दिल्लीमध्ये सुरू असलेल्या शेतकर्‍यांच्या आंदोलनाला पंजाब आणि हरियाणा मधील खेळाडूंचा प्रतिसाद सुद्धा मोठ्या प्रमाणावर मिळत आहे. पंजाब आणि हरियाणामधील खेळाडू आपल्याला मिळालेले पुरस्कार सरकारला परत देत आहेत. या शेतकऱ्यांच्या मागण्या मान्य नाही झाल्या तर भारताच्या प्रसिद्ध खेळाडूंनी ही आपली पुरस्कार परत करणार असल्याचे सांगितले. यामध्ये छत्रपती पुरस्कार विजेते, द्रोणाचार्य पुरस्कार विजेते, अर्जुन पुरस्कार विजेत्या खेळाडूचा समावेश आहे. भारताचा नावाजलेला बॉक्सर विजेंद्र सिंग यांनी सुद्धा त्याला मिळालेला राजीव गांधी पुरस्कार परत करणार असल्याचे सांगितले आहे. सरकारच्या विरोधात या सगळ्या शेतकऱ्यांचा रोज वाढताना दिसतोय.

12:37 PM (IST)  •  06 Dec 2020

देशात पेट्रोल आणि डिझेलच्या किमती वाढतच चालल्यात कोरणा काळात पेट्रोल डिझेलच्या दरात विक्रमी वाढ झाली आहे महाराष्ट्रातील सात जिल्ह्यांमध्ये डिझेलचे दर 80 पार गेलेत तर शनिवारी परभणी जिल्ह्यामध्ये पेट्रोलचा दर 92 रुपये 18 पैसे एवढा झाला सरकारी तेल कंपन्यांनी डिझेल पेट्रोलच्या किमती वाढविल्या चे जाहीर केले आहे डिझेलच्या दरात 18 ते 20 पैशांची वाढ झाली पेट्रोलच्या दरात 15 ते 17 पैशांची वाढ झाली त्यात पुन्हा गेल्या पाच दिवसांपासून पेट्रोल आणि डिझेलच्या दरात सातत्याने वाढ होत आहे कोरणा काळात पेट्रोल डिझेलच्या दरात विक्रमी वाढ होताना दिसते महाराष्ट्रातील 19 जिल्ह्यांमध्ये पेट्रोलच्या किमती 90 रुपयांचा टप्पा ओलांडला आहे मुंबई या उंबरठ्यावर आहे मुंबई शहरामध्ये डिझेलची किंमत 24 रुपयांनी वाढून 79 रुपये 66 पैसे झाली त्याचप्रमाणे पेट्रोलच्या किमती 19 पैशांनी वाढले आहेत नागपूर परभणी नांदेड सोलापूर अमरावती औरंगाबाद आणि बुलढाणा या जिल्ह्यात डिझेलची किंमत एक लिटर ला 80 रुपयांच्या वर आहे परभणी पेट्रोलचा दर सर्वाधिक 29 रुपये 18 पैसे तर डिझेल 81 रुपये पाच पैसे एवढा आहे मागील काही दिवसात राज्यात पेट्रोल आणि डिझेलचे दर सातत्याने वाढत आहेत 25 नोव्हेंबरला 77 रुपये 9 पैसे प्रति लिटर दर असणारे डिझेल आज 1900 रुपये 66 पैसे इतके आहे मागील नऊ दिवसांमध्ये डिझेलमध्ये एक रुपया 76 पैसे एवढी वाढ झाली आहे मुंबईत काही दिवसापासून डिझेलच्या किमतीत होणारी दरवाढ 80 रुपये पर्यंत येऊन पोहोचली आहे तर दुसरीकडे रोल च्या किमती मध्ये देखील सातत्याने वाढ सुरू आहे आज पेट्रोलचा भाव 90 रुपये पर्यंत पोहोचला वाढत जाणाऱ्या पेट्रोल-डिझेलच्या किमती मुळे आता सर्वसामान्यांची मतं काय आहेत ते पहावे लागेल

09:48 AM (IST)  •  06 Dec 2020

मुंबई : लालबाग परिसरात गॅस सिलेंडरचा स्फोट, अग्निशमन दलाला आगीवर नियंत्रण मिळवण्यात यश, स्फोटात 6 ते 7 जण जखमी, जखमींवर केईएम रुग्णालयात उपचार सुरु

09:27 AM (IST)  •  06 Dec 2020

१४ एप्रिल २०२३ला बाबासाहेब आंबेडकरांच्या राष्ट्रीय स्मारकाचं लोकार्पण करणार, धनंजय मुंडेंनी व्यक्त केला विश्वास

20:14 PM (IST)  •  05 Dec 2020

राज्यमंत्री बच्चू कडू यांच दुसऱ्याच दिवशी आंदोलन दडपण्याचा प्रयत्न... मंगल कार्यालय बुकिंग केलं होतं पण मध्यप्रदेश पोलीसांनी दमदाटी केल्याने आम्हाला एकही मंगल कार्यालय मिळालं नसल्याचं आरोप राज्यमंत्री बच्चू कडू यांनी केलं... सध्या हा ताफा मध्यप्रदेशच्या बैतुल येथील एका गोदामात आज मुक्काम करणार असून सकाळी दिल्लीसाठी होतील रवाना...

18:17 PM (IST)  •  05 Dec 2020

अर्णब गोस्वामींचा मुंबई उच्च न्यायालयात नव्यानं अर्ज सादर ,अन्वय नाईक प्रकरणात रायगड पोलिसांनी दाखल केलेल्या आरोपपत्राला आव्हान ,पुढील आठवड्यात हायकोर्टात तातडीची सुनावणी अपेक्षित

15:08 PM (IST)  •  05 Dec 2020

बॉयलरचा स्फोट होऊन एका कामगाराचा भाजून मृत्यू तर सहा जण गंभीर जखमी , साताऱ्यातील जरंडेश्वर सहकारी कारखान्यातील घटना, रात्री दहा वाजण्याच्या दरम्यान घडली घटना , घटनेची नोंद मात्र अद्याप पोलिस ठाण्यात नसल्याची माहिती, संभाजी घोरपडे असे मृत व्यक्तीचे नाव

15:06 PM (IST)  •  05 Dec 2020

औरंगाबाद मुख्यमंत्री समृद्धी महामार्ग पहाणी दौरा, कार्यक्रमस्थळाशेजारी शेकऱ्यांची निदर्शनं, समृद्धी महामार्गाच्या कडेला भिंत उभारण्यात शेतकऱ्यांचा विरोध, समृद्धी मुळे शेतकऱ्यांच्या जमिनीचे जमिनीचे दोन तुकडे झाले आहेत, त्यामुळं शेतकऱ्यांना या भिंतीमुळे शेतात जाता येणार नाही, त्याबरोबरच घायगाव, जांबरगावात उभारल्या जाणाऱ्या नवनगर सिटी उभारण्यास ही विरोध.

14:10 PM (IST)  •  05 Dec 2020

पुण्यातील देवाच्या आळंदीत 6 डिसेंबर पासून संचारबंदी लागू होणार आहे. 11 डिसेंबरला कार्तिकी एकादशी तर 13 डिसेंबरला संजीवन समाधी सोहळा आहे. या प्रसंगी राज्यातून चार ते पाच लाख भाविक संत ज्ञानेश्वर महाराजांच्या समाधीवर माथा टेकवायला येत असतात. पण यंदा कोरोनाची मोठी पार्श्वभूमी आहे. त्यामुळे प्रशासनाने 6 ते 14 डिसेंबर दरम्यान संचारबंदी लावण्याचा निर्णय घेतलाय. त्यामुळे यंदाचा संजीवन समाधी सोहळ्याचा हा सप्ताह कमीतकमी 20 ते जास्तीतजास्त 50 वारकऱ्यांच्या उपस्थितीतच पार पडेल.