एक्स्प्लोर

Coronavirus in Maharashtra Live Updates | राज्यात आज 2091 नवे कोरोनाबाधित, 97 जणांचा मृत्यू

Coronavirus in Maharashtra Live Updates: राज्यात सोमवारी (25 मे) कोरोनाच्या तब्बल 2436 नवीन रुग्णांची नोंद झाली असून राज्यातील कोरोनाबाधितांची संख्या 52,667 वर गेली आहे. या पैकी सध्या राज्यात 35,178 अॅक्टिव्ह रुग्ण आहे. दरम्यान, सोमवारी राज्यात 60 कोरोनाबाधित रुग्णांचा मृत्यू झाला आहे. आज झालेल्या मृत्यूपैकी 38 जण मुंबई, पुण्यात 11, नवी मुंबईमध्ये 3, ठाणे, औरंगाबाद प्रत्येकी 2, सोलापूर, कल्याण डोंबिवली , रत्नागिरीमध्ये प्रत्येकी एका रुग्णाचा मृत्यू झाला आहे. राज्यात आतापर्यंत 1695 जणांचा मृत्यू झाला आहे. आज 1186 कोरोनाबाधित रुग्णांना सोमवारी डिस्चार्ज देण्यात आला आहे. राज्यातील मुंबई, पुण्यासह आता मालेगाव आणि औरंगाबाद ही कोरोना व्हायरसची हॉटस्पॉट बनली आहेत. या शहरात कोरोनाबाधितांची संख्या झपाट्याने वाढत असून हा सर्वांच्याच चिंतेचा विषय झाला आहे. कोरोना व्हायरसविषयी सर्व महत्वाचे अपडेट आणि घडामोडी आपल्याला या लाईव्ह ब्लॉगमध्ये वाचायला मिळतील.

Written By : एबीपी माझा वेब टीम | Updated at : 27 May 2020 07:25 AM (IST)

Coronavirus in Maharashtra Live Updates, total number of COVID 19 cases, lockdown Coronavirus in Maharashtra Live Updates | राज्यात आज 2091 नवे कोरोनाबाधित, 97 जणांचा मृत्यू

Background

Coronavirus in Maharashtra Live Updates: राज्यात सोमवारी (25 मे) कोरोनाच्या तब्बल 2436 नवीन रुग्णांची नोंद झाली असून राज्यातील कोरोनाबाधितांची संख्या 52,667 वर गेली आहे. या पैकी सध्या राज्यात 35,178 अॅक्टिव्ह रुग्ण आहे. दरम्यान, सोमवारी राज्यात 60 कोरोनाबाधित रुग्णांचा मृत्यू झाला आहे. आज झालेल्या मृत्यूपैकी 38 जण मुंबई, पुण्यात 11, नवी मुंबईमध्ये 3, ठाणे, औरंगाबाद प्रत्येकी 2, सोलापूर, कल्याण डोंबिवली , रत्नागिरीमध्ये प्रत्येकी एका रुग्णाचा मृत्यू झाला आहे. राज्यात आतापर्यंत 1695 जणांचा मृत्यू झाला आहे. आज 1186 कोरोनाबाधित रुग्णांना सोमवारी डिस्चार्ज देण्यात आला आहे.

राज्यात सोमवारपर्यंत पाठवण्यात आलेल्या 3 लाख 78 हजार 555 नमुन्यांपैकी 52,667 जण पॉझिटिव्ह आले आहेत. सध्या राज्यात 5 लाख 30 हजार 247 व्यक्ती घरगुती अलगीकरणात (होम क्वॉरंटाईन) असून 35 हजार 479 जण संस्थात्मक क्वॉरंटाईनमध्ये आहेत. आतापर्यंत 15,786 कोरोना बाधित रुग्णांना बरे झाल्यानंतर घरी सोडण्यात आले आहे.

07:25 AM (IST) • 27 May 2020

नागपूर : काल संध्याकाळी आणखी 1 कोरोना बाधित रुग्ण आढळला आहे. नागपुरात एकूण कोरोना बाधित रुग्ण संख्या 433 झाली आहे. संध्याकाळी पॉझिटिव्ह आलेला रुग्ण हावरापेठ परिसरातला आहे. नागपुरात आतापर्यंत 8 कोरोना बाधित रुग्णांचा मृत्यू झाला आहे. तर काल पर्यंत 344 रुग्ण बरे होऊन घरी परतले आहेत. आता नागपुरात केवळ 89 रुग्णांवर उपचार सुरु.

20:19 PM (IST) • 26 May 2020

राज्यातील कोरोनाबाधितांचा आकडा 2091 ने वाढला असून राज्यातील एकूण रुग्णसंख्या 54,758 आहे. तर दिवसभरात सर्वाधिक 97 कोरोनाबाधित रुग्णांचा मृत्यू झाला आहे. तर आज 1168 रुग्णांना डिस्चार्ज देण्यात आला आहे.