राज्यात आज 1233 नवे कोरोनाबाधित; कोरोनाबाधितांचा संख्या 16,758
राज्यातील कोरोना बाधितांचा आकडा 1233 ने वाढला असून आतापर्यंतचा सर्वाधिक आकडा आहे. राज्यातील एकूण रुग्णसंख्या 16,758 आहे. तर दिवसभरात 34 कोरोनाबाधित रुग्णांचा मृत्यू झाला आहे. तर 275 रुग्णांना डिस्चार्ज देण्यात आला आहे. मुंबईतील रुग्णसंख्या दहा हजाराच्यावर गेली आहे.
मुंबई : राज्यात आज कोरोनाच्या तब्बल 1233 नवीन रुग्णांची नोंद झाली असून आतापर्यंतचा हा सर्वाधिक आकडा आहे. त्यामुळे राज्यातील कोरोनाबाधितांची संख्या 16,758 असल्याची माहिती आरोग्यमंत्री राजेश टोपे यांनी दिली. दरम्यान, आज राज्यात 34 कोरोनाबाधित रुग्णांचा मृत्यू झाला आहे. आज झालेल्या मृत्यूपैकी 25 जण मुंबईचे तर पुण्यातील 3, अकोला शहरातील 3 आणि जळगाव, सोलापूर शहरात प्रत्येकी एका रुग्णांचा मृत्यू झाला आहे. राज्यात आतापर्यंत 651 जणांचा मृत्यू झाला आहे. आज 275 कोरोनाबाधित रुग्णांना डिस्चार्ज देण्यात आला आहे.
राज्यात आजपर्यंत पाठवण्यात आलेल्या 1 लाख 90 हजार 879 नमुन्यांपैकी 1 लाख 73 हजार 838 जणांचे प्रयोगशाळा नमुने कोरोनाकरता निगेटिव्ह आले आहेत; तर 16,758 जण पॉझिटिव्ह आले आहेत. सध्या राज्यात 2 लाख 11 हजार 112 व्यक्ती घरगुती अलगीकरणात (होम क्वॉरंटाईन) असून 13 हजार 107 जण संस्थात्मक क्वॉरंटाईनमध्ये आहेत. आतापर्यंत 3094 कोरोना बाधित रूग्णांना बरे झाल्यानंतर घरी सोडण्यात आले आहे.
आज झालेल्या मृत्यूंपैकी 21 पुरूष तर 13 महिला आहेत. त्यातील 18 जण हे 60 वर्षापुढील वयोगटातील आहे. 13 रुग्ण हे 40 ते 59 या वयोगटातील आहेत. 3 रुग्ण 40 वर्षाखालील आहे. 34 रुग्णांपैकी 27 जणांना मधुमेह, उच्च रक्तदाब, हृदयरोग अशा स्वरुपाचे अति जोखमीचे आजार आहेत.
महाराष्ट्र एकूण रूग्ण – 16,758
मृत्यू - 651
मुंबई महानगरपालिका- 10,714 (मृत्यू 412)
ठाणे- 86 (मृत्यू 2 )
ठाणे महानगरपालिका- 543 (मृत्यू 8)
नवी मुंबई मनपा- 519(मृत्यू 4)
कल्याण डोंबिवली- 247 (मृत्यू 3)
उल्हासनगर मनपा - 13
भिवंडी, निजामपूर - 21 (मृत्यू 2)
मिरा-भाईंदर- 187 (मृत्यू 2)
पालघर- 36 (मृत्यू 1 )
वसई- विरार- 175(मृत्यू 4)
रायगड- 60 (मृत्यू 1)
पनवेल- 115 (मृत्यू 2)
नाशिक - 24
नाशिक मनपा- 48
मालेगाव मनपा - 391 (मृत्यू 12)
अहमदनगर- 44 (मृत्यू 2)
अहमदनगर मनपा - 9
धुळे - 8 (मृत्यू 2)
धुळे मनपा - 24 (मृत्यू 1)
जळगाव- 51 (मृत्यू 11)
जळगाव मनपा- 14 (मृत्यू 2)
नंदुरबार - 19 (मृत्यू 1)
पुणे- 103 (मृत्यू 4)
पुणे मनपा- 1861 (मृत्यू 115)
पिंपरी-चिंचवड मनपा- 123 (मृत्यू 3)
सातारा- 89 (मृत्यू 2)
सोलापूर- 6
सोलापूर मनपा- 169 (मृत्यू 8)
कोल्हापूर- 10(मृत्यू 1)
कोल्हापूर मनपा- 6
सांगली- 32
सांगली, मिरज, कुपवाड मनपा- 3 (मृत्यू 1)
सिंधुदुर्ग-4 (मृत्यू 1)
रत्नागिरी- 16 (मृत्यू 1)
औरंगाबाद - 3
औरंगाबाद मनपा - 370 (मृत्यू 11)
जालना- 8
हिंगोली- 58
परभणी- 1 (मृत्यू 1)
परभणी मनपा-1
लातूर -19 (मृत्यू 1)
उस्मानाबाद-3
बीड - 1
नांदेड - 3
नांदेड मनपा - 28 (मृत्यू 2)
अकोला - 8 (मृत्यू 1)
अकोला मनपा- 75 (मृत्यू 8)
अमरावती- 4 (मृत्यू 1)
अमरावती मनपा- 69 (मृत्यू 9)
यवतमाळ- 92
बुलढाणा - 24 (मृत्यू 1)
वाशिम - 1
नागपूर- 2
नागपूर मनपा - 180 (मृत्यू 2)
भंडारा - 1
चंद्रपूर -1
चंद्रपूर मनपा - 3
गोंदिया - 1
राज्यातील ज्या भागात रुग्णांचे क्लस्टर सापडले आहेत, त्या ठिकाणी केंद्र सरकारच्या मार्गदर्शनानुसार क्लस्टर कंटेनमेंट कृतियोजना अंमलात आणण्यात येत आहे. राज्यात सध्या 1048 कंटेनमेंट झोन क्रियाशील असून एकूण 11,692 सर्वेक्षण पथके काम करत असून त्यांनी 51.14 लाख लोकांचे सर्वेक्षण केले आहे.
संबंधित बातम्या :
मुंबईत 15 हजार डॉक्टरांची गरज; खासगी डॉक्टरांना सेवा देण्याचा आदेश
महाराष्ट्राच्या कोरोनाच्या स्थितीबाबत केंद्रीय आरोग्यमंत्र्यांनी व्यक्त केली चिंता
महत्त्वाच्या बातम्या
ट्रेंडिंग न्यूज
