प्रतिभा धानोरकर गटाचा महापौर असेल तर आम्ही काँग्रेसला समर्थन देणार नाही, ठाकरे गटाचा निर्णय,  काँग्रेसपुढं आव्हान 

प्रतिभा धानोरकर गटाचा महापौर असेल तर आम्ही काँग्रेसला समर्थन देणार नाही अशी अट स्थानिक उबाठा पदाधिकाऱ्यांनी घातली आहे.

Chandrapur News

Source : Getty Images

Chandrapur News : चंद्रपूरमध्ये उद्धव बाळासाहेब ठाकरे गटाच्या भूमिकेमुळं प्रदेश काँग्रेसची डोकेदुखी वाढली आहे. चंद्रपूरच्या स्थानिक उबाठा पदाधिकाऱ्यांनी अशी अट टाकली आहे, की प्रतिभा धानोरकर गटाचा महापौर असेल तर आम्ही काँग्रेसला समर्थन देणार नाही. काँग्रेसकडून धानोरकर गटाच्या चार नगरसेवकांनी महापौर पदासाठी अर्ज भरला आहे. त्यामुळे चंद्रपूरच्या महापौर, उपमहापौर पदाला घेऊन काँग्रेसचा अंतर्गत संघर्ष संपलेला दिसत असला तरी काँग्रेसला आपला महापौर बनवू शकेल का? हा प्रश्न अजूनही कायम आहे.

सध्या काँग्रेसकडे स्वतःचे 27 नगरसेवक 

सध्या काँग्रेसकडे स्वतःचे 27 नगरसेवक आहेत. स्थानिक विकास आघाडीचे 3 नगरसेवक, एमएमएमचा 1 व बसपा 1 असे मिळून 32 नगरसेवक असल्याचा दावा आहे. मात्र उबाठा व स्थानिक विकास आघाडी ही स्वतः महापौर पदाच्या शर्यतीत आहे. काँग्रेस हाय कमांडने काँग्रेसच्या प्रदेश नेतृत्वाला यातून मार्ग काढण्याची जबाबदारी सोपवली असून प्रदेश नेतृत्वाची भिस्त विजय वडेट्टीवार यांच्यावर आहे. राज्याचं लक्ष लागून राहिलेल्या चंद्रपुरतील सत्तास्थापनेबाबत मोठ्या घडामोडी घटताना दिसत आहे. अशातच चंद्रपूर महानगरपालिका निवडणुकीत महापौर पदासाठी (Chandrapur Mayor) काँग्रेस आणि भाजपशी महापौर पदासाठी चर्चा सुरू असलेल्या उबाठा शिवसेनेनेही महापौरपदासाठीचा अर्ज भरला आहे. 

10 फेब्रुवारी रोजी होणार महापौर आणि उपमहापौर पदाची निवडणूक

राज्याचं लक्ष लागून राहिलेल्या चंद्रपुरतील सत्तास्थापनेसंबधी मोठी अपडेट समोर आली आहे. विभागीय आयुक्त यांनी चंद्रपूर महापालिकेतील (Chandrapur Municipal Corporation) काही नगरसेवकांची पडताळणी पूर्ण केली नाही, त्यामुळे काँग्रेसचे (Congress) काही नगरसेवक महापौरपदाच्या निवडणुकीसाठी पात्र ठरणार नाही, असा आरोप केला जात आहे. दुसरीकडे काँग्रेसच्या विजय वडेट्टीवार(Vijay Wadettiwar) गटाने त्या संदर्भात नागपूर खंडपीठामध्ये याचिका दाखल करत विभागीय आयुक्तांवर आरोपही केले आहे. मात्र, चंद्रपूर महानगरपालिकेच्या सर्व 66 नगरसेवकांची पडताळणी नागपूर विभागीय आयुक्त कार्यालय आधीच पूर्ण झाली आहे. विभागीय आयुक्त कार्यालयाकडून चंद्रपूर महापालिका आयुक्तांना सर्व 66 नगरसेवकांची पडताळणी पूर्ण झाल्या संदर्भात सूचनाही या आधीच देण्यात आली आहे. त्यामुळे आज सर्व 66 नगरसेवक महापौर उपमहापौर पदासाठी त्यांचा उमेदवारी अर्ज दाखल करण्यासाठी पात्र आहेत. तसेच सर्व 66 नगरसेवक 10 फेब्रुवारी रोजी होणाऱ्या महापौर, उपमहापौर पदाच्या निवडणुकीत मतदानासाठी ही पात्र असल्याची माहिती समोर आली आहे.

चंद्रपुरातील पक्षीय बलाबल (Chandrapur Election 2026 Result)

एकूण नगरसेवक 66 

काँग्रेस – 27

काँग्रेस समर्थित जनविकास सेना – 3

भाजप – 23

शिवसेना (उद्धव ठाकरे गट) – 6

वंचित - 2

बसपा - 1

शिवसेना (शिंदे गट) – 1

अपक्ष – 2

एमआयएम – 1

महत्वाच्या बातम्या: