Central Railway : मध्य रेल्वेचा मोठा अपघात टळला, चिंचवड ते आकुर्डी स्थानकादरम्यान रुळावर रचले होते मोठे दगड

Central Railway : चिंचवड ते आकुर्डी स्थानकादरम्यान रुळावर मोठे दगड ठेवण्यात आले आहेत. त्यामुळे मध्य रेल्वेचा मोठा अपघात होण्याची शक्यता होता.

Central Railway

मुंबई : मध्ये रेल्वेचा (Central Railway) पुन्हा एकदा मोठा अपघात होता होता टळला असल्याचं निर्दशनास आलं. चिंचवड (Chinchwad) ते आकुर्डी (Aakurdi) स्थानकावर रुळावर (Railway Track) मोठे दगड रचून ठेवल्याची बाब समोर आलीये. पण हे दगड अद्याप कोणी रुळावर ठेवले याचा तपास लागलेला नाही. त्यामुळे मोठ्या घातपाताची शक्यता यामुळे वर्तवण्यात येत आहे. काहीच दिवसांपूर्वी वंदे भारत एक्सप्रेस ज्या रुळावरुन जाणार होती, त्या रुळावर देखील दगड-धोंडे ठेवले होते. 

नेमकं काय घडलं ?

चिंचवड ते आकुर्डी स्थानकादरम्यान मध्य रेल्वेचा मेंटेनन्स स्टाफ पेट्रोलिंग करिता गेला होता. त्यावेळी या रुळावर एकावर एक दगड रचून ठेवल्याचं त्यांच्या लक्षात आलं. ही बाब लक्षात येताच तातडीने त्यांनी ते दगड बाजूला केले. त्यामुळे एक मोठा घातपात होताहोता टळला. चिंचवड वरून आकुर्डीकडे येणाऱ्या रेल्वे रुळावर हे दगड ठेवण्यात आले होते. पण सुदैवानं पेट्रोलिंग करताना ही बाब लक्षात आल्यानं दगड लगेचच बाजूला करण्यात आले. 

वंदे भारत एक्सप्रेसच्या रुळावर रचले होते दगड

काही दिवसांपूर्वी वंदे भारत एक्सप्रेसच्या रुळावर देखील अशाच प्रकारचे दगड आणि धोंडे ठेवण्यात आले होते. यावेळी उदयपूर-जयपूर वंदे भारत एक्स्प्रेसचा मोठा घातपात टळला होता. लोको पायलटने दाखवलेल्या प्रसंगावाधानामुळे सुपरफास्ट वंदे भारत एक्स्प्रेसची मोठी दुर्घटना टळली. उदयपूर- जयपूर वंदे भारत एक्स्प्रेसचा घातपात घडवण्याच्या उद्देशाने ट्रॅकवर दगड-धोंडे ठेवले होते. अख्खी ट्रेन ट्रॅकवरुन उलटवण्याचा कट होता. मात्र लोकोपायलटच्या चाणाक्षपणामुळे मोठी दुर्घटना टळली. उदयपूर- जयपूर वंदे भारत एक्स्प्रेसच्या लोको पायलटला रेल्वे रुळावर मोठी दगडे आणि इतर गोष्टी दिसल्यानंतर त्याने तातडीने रेल्वे थांबवली. अन्यथा मोठा अपघात झाला असता. या घटनेची माहिती जीरआरपीला दिल्यानंतर त्यांनी घटनास्थळी धाव घेतली. 

लोको पायलटने वाचवले प्रवाशांचे प्राण

उदयपूर ते जयपूर दरम्यान धावणारी वंदे भारत ट्रेन सोमवारी चित्तोडगड जिल्ह्यातील सोनियाना गांगरार येथे पोहोचली. तेव्हा लोको पायलटला ट्रॅकवर दगड दिसले. दगड पाहिल्यानंतर पायलटने ट्रेनचे ब्रेक लावले. यानंतर त्यांनी रेल्वे स्थानकावर याबाबत माहिती दिली. समाजकंटकांनी रुळांवर मोठमोठे दगड, बार टाकले होते. गाडी वेळेत थांबवली नसती तर रुळावरून घसरण्याची शक्यता होती. या अपघातामागे कोणाचे षडयंत्र आहे हे अद्याप समजू शकलेले नाही.

हेही वाचा :