सिंधुदुर्गच्या समुद्रात जहाज बुडालं, थरारक दृश्य कॅमेऱ्यात कैद

सिंधुदुर्ग : सिंधुदुर्गातील रेडी समुद्रात खनिज मालवाहू जहाज बुडालं. जहाजावरील चारही खलाशांना वाचवण्यात यश आलं आहे. जहाज बुडतानाचा थरारक प्रसंग एका प्रत्यक्षदर्शीने त्याच्या मोबाईलच्या कॅमेऱ्यात कैद केला आहे. गुरुवारी दुपारी ही घटना घडली.   समुद्राला उधाण आल्याने आणि क्षमतेपेक्षा जास्त सामान असल्याने हे जहाज बुडाल्याची प्राथमिक माहिती मिळत आहे. या घटनेत सुमारे 4 कोटी रुपयांचं नुकसान झालं आहे. तर जहाजावरील चारही खलाशांची सुखरुप सुटका करण्यात आली.   भर समुद्रात उभ्या असलेल्या मालवाहू जहाजात सामान भरण्याचं काम सुरु असतानाच ते बुडालं. या घटनेत अंदाजे 1 हजार टन माल बुडाल्याने कोट्यवधी रुपयांचं नुकसान झालं आहे.   पाहा व्हिडीओ