Breaking News LIVE : बंगालचा उपसागरातील अतीतीव्र कमी दाबाच्या क्षेत्राचे पुढील 6 तासात गुलाब चक्रीवादळात रुपांतर
Breaking News LIVE Updates, 25 September 2021: दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये.
LIVE
Background
आरोग्य विभागाची आज होणारी परीक्षा रद्द; विद्यार्थ्यांना होणाऱ्या मनस्तापाबद्दल आरोग्य मंत्र्यांची माफी
राज्यात आज आणि उद्या आरोग्य विभागाच्या गट क व गट ड पदाची परीक्षा (Maharashtra Health Department Exam) घेतली जाणार होती. पण नेहमीप्रमाणे ऐनवेळी ही परीक्षा रद्द झाल्याची माहिती राज्य सरकारच्या वतीनं देण्यात आली. आज आणि उद्या होणारी परीक्षा ही रद्द झाल्याची माहिती शुक्रवारी रात्री नऊ वाजता राज्याच्या आरोग्य मंत्री राजेश टोपे यांनी दिली. त्यामुळे परीक्षांच्या आयोजनाच्या बाबत राज्य सरकारचा गोंधळ कायम असून त्यामुळे जवळपास आठ लाख विद्यार्थ्यांना मानसिक त्रासाला सामोरं जावं लागतंय. परीक्षा ऐनवेळी रद्द झाल्यामुळे विद्यार्थ्यांना झालेल्या त्रासाबद्दल मी माफी मागतो, अशी प्रतिक्रिया आरोग्य मंत्री राजेश टोपे यांनी दिली आहे.
आरोग्य विभागाची आज आणि उद्या होणारी परीक्षा रद्द करण्याचा निर्णय राज्य शासनाने घेतलाय. राज्याचे आरोग्य मंत्री राजेश टोपे यांनी एबीपी माझाला ही माहिती दिलीय. या बातमीनंतर विद्यार्थ्यांमधून संमिश्र प्रतिक्रिया येत आहेत. अनेक विद्यार्थ्यांचे परीक्षा केंद्र ही परजिल्ह्यात आल्या आहेत. त्यामुळे अनेकजण खबरदारी म्हणून आधीच परीक्षा केंद्रावर पोहोचले आहेत. शासनाने अचानक घेतलेल्या या निर्णयामुळे अनेक विद्यार्थी संताप व्यक्त करतायत. तर दुसरीकडे परीक्षा केंद्राबाबत झालेल्या घोळमुळे परीक्षा पुढे ढकलण्याचा झालेला निर्णय योग्यच असल्याचे मत काही विद्यार्थ्यांनी व्यक्त केलय.
UPSC मध्ये महाराष्ट्राचे घवघवीत यश! 100 हून अधिक विद्यार्थ्यी उतीर्ण
केंद्रीय लोकसेवा आयोगाचा (UPSC) निकाल शुक्रवारी जाहीर झाला. बिहारच्या शुभम कुमारने देशात पहिला येण्याचा मान मिळवला. या परीक्षेत महाराष्ट्रानेही आपली यशस्वी कामगिरी कायम ठेवली असून एकूण 761 उमेदवारांपैकी राज्यातील 100 हून अधिक उमदेवारांनी यश संपादन केले आहे. राज्यातून मृणाली जोशी हिने प्रथम क्रमांक पटकावला आहे तर विनायक नरवाडे हा दूसऱ्या क्रमांकावर आहे. यूपीएससीतील गुणवत्ता यादीत या दोघांनी अनुक्रमे 36 आणि 37 वा क्रमांक पटकावला आहे.
केंद्रीय लोकसेवा आयोगातर्फे घेण्यात आलेल्या 2020 सालच्या परीक्षेचा अंतिम निकाल शुक्रवारी जाहीर झाला. या निकालात पहिल्या 100 उमेदवारांमधे महाराष्ट्रातील 5 उमेदवारांचा समावेश आहे. यामध्ये मृणाली जोशी (36), विनायक कारभारी नरवाडे (37), रजत रविंद्र उभयकर(49), जयंत नाहाटा (56), विनायक महामुनी (95) यांचा समावेश आहे.
आरसीबीचा सलग दुसरा पराभव, बेंगळुरूला पराभूत करत चेन्नई सुपर किंग्स गुणतालिकेत अव्वल
शारजा येथे खेळल्या गेलेल्या आयपीएल 2021 च्या 35 व्या सामन्यात चेन्नई सुपर किंग्सने रॉयल चॅलेंजर्स बंगळुरूचा सहा विकेट्सने पराभव केला. या मोसमात आरसीबीचा हा सलग दुसरा पराभव आहे. बेंगळुरूने पहिल्यांदा फलंदाजी करत 20 षटकांत 6 बाद 156 धावा केल्या होत्या. प्रत्युत्तरात चेन्नईने 11 चेंडू राखत 4 गडी गमावून लक्ष्याचा पाठलाग पूर्ण केला. चेन्नईचा या मोसमात 9 सामन्यांमधील सातवा विजय आहे. यासह तिने पॉइंट टेबलमध्ये 14 गुणांसह पहिला क्रमांक गाठला आहे.
चेन्नईसाठी सलामीवीर ऋतुराज गायकवाडने 26 चेंडूत चार चौकार आणि एका षटकारासह 38 धावा केल्या. दुसरीकडे, फाफ डु प्लेसिसने 26 चेंडूत 31 धावा केल्या. त्याने आपल्या डावात दोन चौकार आणि दोन षटकार मारले. यानंतर तिसऱ्या क्रमांकावर फलंदाजीसाठी आलेल्या मोईन अलीने 23 आणि चौथ्या क्रमांकावर फलंदाजीसाठी आलेल्या अंबाती रायुडूने 32 धावा केल्या. सरतेशेवटी, सुरेश रैना 10 चेंडूत 17 धावांवर आणि एमएस धोनी 9 चेंडूत 11 धावांवर नाबाद राहिला. रैनाने दोन चौकार आणि एक षटकार ठोकला. तर धोनीने दोन चौकार लगावले.
बंगालचा उपसागरातील अतीतीव्र कमी दाबाच्या क्षेत्राचे पुढील 6 तासात गुलाब चक्रीवादळात रुपांतर
बंगालचा उपसागरातील अतीतीव्र कमी दाबाच्या क्षेत्राचे पुढील 6 तासात गुलाब चक्रीवादळात रुपांतर. दक्षिण उडीशा, उत्तर आंध्र प्रदेशदरम्यानच्या कलिंगपट्टणमजवळ किनारपट्टीला 26 सप्टेंबरला संध्याकाळी हे चक्रीवादळ धडकण्याची शक्यता. बंगालच्या उपसागरात 2021 मध्ये निर्माण होणारं तिसरे चक्रीवादळ असणार, ह्याआधी तौक्ते, यास चक्रीवादळे 2011-21 सालात सप्टेंबर महिन्यात निर्माण होणारं हे तिसरं चक्रीवादळ, 1990-2021 सालात सप्टेंबर महिन्यात 14 चक्रीवादळं निर्माण झालीत, गुलाब पकडून 15 वं चक्रीवादळ.
चक्रीवादळाचे तीव्रता कमी झालेले क्षेत्र महाराष्ट्र ओलांडून अरबी समुद्रात प्रवेश करण्याचा अंदाज.
महाराष्ट्रात 26 ते 29 सप्टेंबरदरम्यान पावसाचा जोर वाढण्याची शक्यता, वाऱ्यांचा वेग अधिक राहण्याचा अंदाज, विजांच्या कडकडाटासह पावसाची शक्यता.
ह्याच पार्श्वभूमीमुळे रविवारपासून महाराष्ट्रात पावसाचा जोर वाढणार.
विदर्भ, मराठवाडा आणि मध्य महाराष्ट्रात पावसाचा काही ठिकाणी पावसाची शक्यता
उत्तर मध्य महाराष्ट्र, कोकण, विदर्भात प्रभाव अधिक राहण्याचा अंदाज
ड्रग्स प्रकरणात एनसीबीने अर्जुन रामपालची गर्लफ्रेंड गॅब्रिएलाचा भाऊ एगिसिलाओस डेमेट्रीएड्सला गोव्यात अटक केली
ड्रग्स प्रकरणात एनसीबीने अर्जुन रामपालची गर्लफ्रेंड गॅब्रिएलाचा भाऊ एगिसिलाओस डेमेट्रीएड्सला गोव्यात अटक केली आहे.
कार्यक्रमस्थळी ज्या लोकांनी मास्क घातले नाही, त्यांना पोलिसांनी पकडा आणि घेऊन जा : अजित पवार
कार्यक्रमस्थळी ज्या लोकांनी मास्क घातले नाही, त्यांना पोलिसांनी पकडा आणि घेऊन जा : अजित पवार
युवकांच्या भविष्याशी कोणतेही सरकार असो त्यांनी खेळू नये : आमदार रोहित पवार
परीक्षा अचानक रद्द झाल्या हे अत्यंत चुकीचे आहे. एका कंपनीमुळे जर युवकांना अडचणी येणार असतील तर त्या आमच्यासारख्या युवा आमदारांना चालणार नाही. लवकरात लवकर परीक्षा घेण्यात याव्या, वेळ पडली तर वरिष्ठ अधिकारी नेमावा. युवकांच्या भविष्याशी कोणतेही सरकार असो त्यांनी खेळू नये.
कोल्हापूर-सांगली या रस्त्याचे पुढच्या सहा महिन्यात भूमिपूजन करून काम सुरू करु : केंद्रीय मंत्री नितीन गडकरी
एकाच मंडपात 100 लग्न अशी आज अवस्था झालीय. सगळेच आमदार, खासदार या कार्यक्रमाला उपस्थित आहेत. सांगली, कोल्हापूर, सातारा जिल्ह्यातील कामाबाबत एकच कार्यक्रम होतोय. कोल्हापूर-सांगली या रस्त्याचे पुढच्या सहा महिन्यात भूमिपूजन करून काम सुरू करु. लोकांची इच्छा आणि अपेक्षा असल्याने काम होत राहते : नितीन गडकरी
महत्त्वाच्या बातम्या
ट्रेंडिंग न्यूज
