Breaking News LIVE : पालघर जिल्ह्यात सध्या मोठ्या प्रमाणात जंगलांना आग लावण्याच्या घटना समोर

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा marathi.abplive.com

Background

या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा marathi.abplive.com

1. प्राथमिक शवविच्छेदन अहवालानंतरही मनसुख हिरेन यांच्या मृत्यूचं रहस्य कायम,  रासायनिक विश्लेषणासाठी नखाचं सॅम्पल फॉरेन्सिक लॅबला पाठवणार, तपास एनआयएकडे जाण्याची शक्यता

2. नाशिकमध्ये निर्बंध वाढवणे किंवा लॉकडाऊन हेच पर्याय, जिल्हाधिकारी सूरज मांढरेंचा इशारा, साहित्य संमेलनही लांबणीवर पडण्याची चिन्ह, तर औरंगाबादमध्येही लॉकडाऊनची शक्यता

3. पुढील आदेशापर्यंत मुंबईत दर रविवारी लसीकरण बंद, तर सलग दुसऱ्या दिवशी राज्यात दहा हजाराहून अधिक नव्या कोरोना रुग्णांची नोंद
4. ठाणे-मुंब्रा बायपास आज वाहतुकीसाठी बंद, मध्य रेल्वेच्या खाडी पुलावर गर्डर टाकणार, पर्यायी मार्गाने वाहतूक वळवली

5. सध्याच्या परिस्थितीपेक्षा आणीबाणी बरी होती, तापसी-अनुराग, दिशा विरोधातल्या कारवाईवर सामनातून टीका

6. अयोध्येतल्या राम मंदिरासाठी तब्बल अडीच हजार कोटींचा निधी जमा, चार मार्चपर्यंतची आकडेवारी विश्व हिंदू परिषदेकडून जाहीर, घरोघरी जाऊन निधी गोळा करणं बंद

7. पंतप्रधान मोदींची आज पश्चिम बंगालमध्ये रॅली, अभिनेता मिथुन चक्रवर्ती भाजपमध्ये प्रवेश करण्याची शक्यता तर सौरव गांगुलीही व्यासपीठावर उपस्थित राहणार का याकडं नजरा

8. कुख्यात गुंड गजा मारणेला पाचगणीतून अटक, सातारा पोलिसांची धडक कारवाई, चार साथीदारांसह गजाची पुण्याकडे रवानगी

9. हापूस आंब्याला 1 लाखांचा विक्रमी भाव, 100 वर्षातील ऐतिहासिक दर, उद्योजक राजेश अथायडेंकडून आंब्याची खरेदी

10. वाऱ्यावरची वरात, ग्यानबा तुकारामसारखी नाटकं गाजवणारे अभिनेते श्रीकांत मोघे पडद्याआड, वृद्धापकाळाने पुण्यात निधन

22:15 PM (IST)  •  07 Mar 2021

उस्मानाबाद : पोलीस कर्मचारी हरिभाऊ कोळेकर याच्या वारंवार होणाऱ्या शारीरिक व मानसिक त्रासाला कंटाळून काही दिवसांपूर्वी एका महिलेने आत्महत्या केली होती. दरम्यान आत्महत्या केलेल्या महिलेच्या पतीने देखील एक व्हिडिओ शेअर करत आत्महत्या केल्याचा धक्कादायक प्रकार घडला आहे. आत्महत्या करण्यापूर्वी त्याने स्वतःचा व्हिडिओ शेअर केलाय. व्हिडिओमध्ये पत्नीच्या आत्महत्येस देखील पोलीस कर्मचारी हरिभाऊ कोळेकर यालाच जबाबदार धरले असून, सोबत सासरकडील मंडळी देखील माझ्या जिवावर उठली असल्याचा आरोप त्याने व्हिडीओमध्ये केला आहे. सदर व्हिडिओमध्ये तो आत्महत्या करणार असल्याचं बोलत असून, त्यानंतर त्याने गळफास घेऊन आत्महत्या केल्याची माहिती समोर आली आहे.

23:30 PM (IST)  •  07 Mar 2021

बुलढाणा तहसील कार्यालयाला कोरोनाचा विळखा. बुलढाणा तहसील कार्यलयात 18 कर्मचारी कोरोनाबाधित. पुढील काही दिवस कार्यलयात फक्त महत्वपूर्ण कामच होतील. 27 पैकी 18 कर्मचारी कोरोनाबाधित.

21:18 PM (IST)  •  07 Mar 2021

बुलढाणा कोरोना अपडेट्स. जिल्ह्यात आज 379 नवीन रुग्नांची नोंद. जिल्ह्यात आज दोन कोरोनाबाधितांचा मृत्यु. आतापर्यंत कोरोनाबाधितांचा आकड़ा 21304, जिल्ह्यात आज 2669 एक्टिव रुग्ण आहेत.

22:32 PM (IST)  •  07 Mar 2021

पालघर जिल्ह्यात सध्या मोठ्या प्रमाणात जंगलांना आग लावण्याच्या घटना समोर येत असून,आज वाडा तालुक्यातील कोहोज किल्ला डोंगराला गेल्या चार दिवसा पासून आग लावण्याचे प्रकार सुरू असून आजही या डोंगराला मोठी आग लागली आहे

21:16 PM (IST)  •  07 Mar 2021

परळी महामार्गावर ट्रक चालकाचा थरार ; रिक्षा-दुचाकी-टाटा एसीला दिल्या भीषण धडक. 5 जण ठार तर 7 जण गंभीर जखमी. भरधाव वेगातील ट्रक चालकाने बीड - परळी महामार्गावर थरार केलाय. प्रवाशी वाहतूक करणाऱ्या रिक्षाला जोराची धडक दिल्याने,पळून जातांना पुन्हा एका दुचाकीसह टाटा एसी (छोटा हत्तीला ) गाडीला भीषण धडक दिलीय. या झालेल्या तिहेरी अपघात , रिक्षातील पाच जण ठार झाले असून इतर 7 जण गंभीर जखमी झाले आहेत.तर मृतात 2 लहान बालकांचा व 3 महिलांचा समावेश आहे.हा अपघात बीड - परळी महामार्गावरील मोची पिंपळगाव फाटा , घोडका राजुरी फाटा या दोन ठिकाणी झालाय.तर पुढं गेल्यानंतर ट्रक देखील पलटी झाला आहे.सध्या अपघातातील जखमींवर बीड जिल्हा रुग्णालय उपचार सुरू आहे.