Breaking News LIVE : आज दिवसभरात अकोला जिल्हाभरात कोरोनाचे 473 नवे रूग्ण

Breaking News LIVE Updates, 28 February 2021 : दिवसभरातील ताज्या घडामोडी, महत्त्वाचे अपडेट्स या लाईव्ह ब्लॉगमध्ये आपल्याला मिळतील. देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट लाईव्ह ब्लॉगमध्ये...

Background

वनमंत्री संजय राठोड यांना राजीनामा देण्याचे आदेश, शिवसेनेतील विश्वसनीय सूत्रांची माहिती
मुंबई : वनमंत्री संजय राठोड यांना आता राजीनामा देण्यास सांगितलं असल्याची माहिती शिवसेनेतील विश्वसनिय सुत्रांनी दिली आहे. त्यामुळे अधिवेशनापूर्वी राठोड यांना राजीनामा द्यावा लागण्याची शक्यता आहे. संजय राठोड प्रकरणावरुन सरकारची नामुश्की झाल्यामुळे हा मोठा निर्णय होणार असल्याची माहिती शिवसेनेतील विश्वसनीय सुत्रांनी दिली आहे.
संजय राठोड अधिवेशानपूर्वी राजीनामा देऊ शकतात, अशी माहिती विश्वसनीय सुत्रांनी दिली आहे. अशातच शिवसेना खासदार संजय राऊत यांनीही संजय राठोड प्रकरणी एक सूचक वक्तव्य केलं होतं की, मुख्यमंत्री सर्व काही पाहत आहेत. आणि योग्य वेळी योग्य निर्णय घेतील. त्यामुळे एकंदरीत मुख्यमंत्र्यांवर या प्रकरणामुळे प्रश्नचिन्ह निर्माण होत आहेत.

 

पंतप्रधान मोदींची आज मन की बात
पंतप्रधान नरेंद्र मोदी आज सकाळी 11 वाजता मन की बात च्या माध्यमातून देशातील जनतेशी संवाद साधणर आहेत. आजची ही 74 वी 'मन की बात' असणार आहे. या द्वारे पंतप्रधान मोदी काय बोलणार याकडे देशवासियांचे लक्ष लागून आहे. याआधीच्या मन की बात कार्यक्रमात मोदी यांनी प्रजासत्ताक दिनावेळी शेतकऱ्यांच्या रॅली वेळी झालेला हिंसा पाहून ज्या पद्धतीने तिरंग्याचा अपमान झाला त्याचे दु:ख मोदी यांनी व्यक्त केले होते

 

फ्लिपकार्टमधील डिलिव्हरी बॉयची करामत, कंपनीला 8 लाखाचा चुना, नवी मुंबईत अटक
नवी मुंबई : ऑनलाईन साईटवर जावून ॲार्डर दिल्यानंतर अनेकांच्या पदरी बनावट वस्तू मारल्याच्या तक्रारी या आदी अनेक वेळा घडलेल्या आहेत. मात्र फ्लिपकार्ट ॲानलाईन कंपनीच्याच गळ्यात चक्क बनावट वस्तू मारण्याचा प्रताप समोर आला आहे. महागड्या वस्तू चुकीच्या पत्त्यावर मागवून त्या प्रत्यक्ष ग्राहकांना न देता मध्येच हडप करून लाखो रूपयांचा चुना डिलिव्हरी बॉयने फ्लिपकार्ट कंपनीला लावला आहे. संघपाल मोरे असं या डिलिव्हरी बॉयचं नाव आहे. ऐरोली येथे राहणारा आरोपी संघपाल मोरे हा फ्लिपकार्ट कंपणीत डिलिव्हरी बाॅय म्हणून काम करत होता. आपल्या मित्रांना घेवून तो बनावट पत्त्यावर महागडे मोबाईल, लॅपटॉप, टॅब, घड्याळे, ट्रॅव्हल्स बॅग आदी सामान मागवत असे. प्रत्यक्ष डिलिव्हरी करण्यासाठी सामान घेवून गेल्यानंतर दिलेला मोबाईल नंबर स्विचॲाफ करून ठेवत होते. तीन वेळा जावूनही ग्राहक मिळाले नाही असे दाखवून मागवलेल्या वस्तू तीन आरोपी काढून घेत असत. यानंतर पार्सलमध्ये साबन , कांदा बटाटा भरून ते पार्सल कमीत जमा केले जात होते. अनेक दिवस हा प्रकार सुरू असल्याने कंपनीच्या लक्षात येताच त्यांनी कोपरखैरणे पोलिसांकडे तक्रार केली होती. यानंतर केलेल्या तपासात आरोपींनी बनावट पत्ता देवून 8 लाख 24 हजारांच्या महागड्या वस्तू लाटल्याचे निष्पन्न झाले आहे. याप्रकरणी डिलिव्हरी बाॅय बरोबर इतर दोन आरोपींना अटक करण्यात आली आहे.

19:38 PM (IST)  •  28 Feb 2021

याबाबत हुपरी पोलिसांच्याकडून मिळालेली अधिक माहिती अशी की, मोहम्मद बंडू जमादार (वय 50) रा. तळंदगे फाटा ही स्क्रॅपचा व्यवसाय करणारी व्यक्ती (दिनांक 26) पासून गायब असल्याची तक्रार त्यांच्या पत्नीने हुपरी पोलीस स्टेशनमध्ये दिली होती. तक्रारीला अनुसरून तपास यंत्रणा कार्यान्वित केल्यानंतर संशयित आरोपी म्हणून दोन व्यक्तीना एलसीबी (स्थानिक गुन्हे अन्वेषण विभाग) कोल्हापूर यांनी ताब्यात घेतले. शनिवारी सायंकाळी कसून चौकशी केली. संशयित आरोपींकडून सखोल माहिती उपलब्ध होताच आम्ही सदर व्यक्तीचा खून करून कर्नाटकातील कोगनोळी येथे असणाऱ्या गावाच्या पूर्वेकडील ओड्यात टाकला असल्याची कबुली दिली होती.

19:41 PM (IST)  •  28 Feb 2021

जालन्यातील प्रतिष्ठीत उद्योजक राजेश सोनी यांच्यावर पिस्टल रोखून दिवसा ढवळ्या अपहरणाचा प्रयत्न करणाऱ्या आरोपींना शोधण्यात जालना पोलिसांना यश आलंय. या प्रकरणी स्थानिक गुन्हे शाखेच्या पोलिसांनी पाच जणांच्या टोळीला जेरबंद केलं असून, त्यांच्याकडून 2 गावठी पिस्टल एक पाच जिवंत काडतुस, चाकू आणि कार जप्त केलीय. सदर आरोपींनी गुन्ह्याची कबुली दिली असून या आरोपींनी दोन कोटीच्या खंडणीसाठी या उद्योजकाच्या अपहरणाचा प्रयत्न केला होता अशी माहिती पोलिसांकडून देण्यात आलीय. 23 फेब्रुवारी रोजी शहराजवळील दत्ता आश्रम भागात राजेश सोनी यांच्यावर पिस्टल रोखून त्यांच्या अपहरणाचा प्रयत्न झाला होता,यावेळी प्रसंगासावधानता बाळगून त्यांनी आरोपीच्या तावडीतून आपली सुटका केली होती, या प्रकरणी अज्ञात आरोपी विरोधात गुन्हा दाखल झाला होता.

20:13 PM (IST)  •  28 Feb 2021

सरकारी कामात अडथळा निर्माण केल्यामुळे पूजा चव्हाणची आजी आणि भुमाता ब्रिगेड अध्यक्ष तृप्ती देसाई यांना नोटीस बजावण्यात आलेली. शांता राठोड व तृप्ती देसाई वानवडी पोलीस स्टेशनला आल्या होत्या. शासकीय कामात अडथळा आणला म्हणूण पोलिसांनी दिली नोटीस.

22:06 PM (IST)  •  28 Feb 2021

आज दिवसभरात अकोला जिल्हाभरात कोरोनाचे 473 नवे रूग्ण आढळलेत. आतापर्यंतची सर्वात मोठी संख्या. दिवसभरात एका रूग्णाचा मृत्यू. आतापर्यंतच्या एकूण मृतांची संख्या पोचली 367 वर. सध्या 3476 रूग्णांवर उपचार सुरू.

19:34 PM (IST)  •  28 Feb 2021

अनाथ, निराश्रीत, बेघर किंवा अजुन काही कारणाने पीडित असलेल्या मुलांना संस्थांमध्ये ठेवण्याऐवजी कुटुंबात ठेवावं यासाठी महिला व बालविकास विभागाकडून बाल संगोपन योजना राबविण्यात येते. सध्या अशी 17,000 (सतरा हजार) बालकं, मुलं कुटुंबात आहेत. यावर स्वयंसेवी संस्था, जिल्हा महिला बाल विकास अधिकारी लक्ष ठेवतात. संगोपन करणाऱ्या पालकांना प्रती बालक दरमहा 425 रु अनुदान देण्यात येते ते वाढवून 1,100 करण्यास आज मंत्रिमंडळाने मंजुरी दिली आहे. तर याची अमंलबजावणी करणार्या ज्या संस्था आहेत त्यांना प्रती बालक 75 वरुन 125 रु अनुदान देण्याचा निर्णय झाला आहे. यासाठी आता 14 कोटी 57 लाख 40 हजार अतिरिक्त निधी लागणार आहे. याआधी 9 कोटी खर्च होता तो आता 24 कोटी 45 लाख झाला आहे.