Breaking News LIVE | वाशिम जिल्ह्यात आजपासून रात्री 8 ते सकाळी 6 वाजेपर्यंत संचारबंदी

Breaking News LIVE Updates, 20 February 2021: दिवसभरातील ताज्या घडामोडी, महत्त्वाचे अपडेट्स या लाईव्ह ब्लॉगमध्ये आपल्याला मिळतील. देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट लाईव्ह ब्लॉगमध्ये...

Background

भाजपचा कुठलाही कार्यकर्ता बांग्लादेशचा नाही, पण, तुमच्या अध्यक्षा कुठल्या देशाच्या? : आशिष शेलार

 

भाजपचे काही लोक गोमातेची तस्करी करत असल्याचे समोल आलंय तर काही आयएसआय एजंटही सिद्ध झाले आहेत. पण, आता भाजपच्या मुंबईतील अल्पसंख्यांक कक्षाचे अध्यक्ष रुबेल शेख हे बांग्लादेशी असल्याचा गंभीर आरोप काँग्रेसचे प्रवक्ते सचिन सावंत यांनी केलाय. दरम्यान, यावर भाजप नेते आशिष शेलार यांनी पलटवार करत उत्तर दिले आहे. काँग्रेस प्रवक्ते सचिन सावंत यांनी ट्वीट करत पुन्हा एकदा भाजपवर निशाणा साधलाय. भाजपचा संघजिहाद, भाजप काही लोक गोमातेची तस्करी करत असल्याचं सिद्ध झालंय तर काही आयएसआय एजंट असल्याचेही समोर आलं आहे.

 

भंडारा जळीत कांडात प्रशासन जबाबदार असताना फक्त दोन नर्सला बळीचा बकरा बनवण्यात आलंय : चंद्रशेखर बावनकुळे

 

भंडारा जिल्हा सामान्य रुग्णालयातील अतिदक्षता कक्षात 8 जानेवारीच्या मध्यरात्री आग लागून 10 नवजात बालकांचा होरपळून मृत्यू झाला होता. आज तब्बल 39 दिवसानंतर दोन कंत्राटी नर्सवर या संदर्भात गुन्हा दाखल झाला आहे. दरम्यान, भंडारा जळीत कांडात दोन नर्सवर गुन्हा दाखल झाल्यावर त्यांनी स्वत:चा बचाव केलाय. अग्निशमन यंत्रणा चालत नव्हती, प्रशासन जबाबदार असताना फक्त दोन नर्सला बळीचा बकरा बनवण्यात आलंय, असा आरोप भाजप नेते चंद्रशेखर बावनकुळे यांनी केला आहे. तर दोषी डॉक्टरवर गुन्हा का नाही, असा सवाल नर्सेसनी उपस्थित केला आहे.

 

अर्थसंकल्पीय अधिवेशनामधून पळ काढण्यासाठी ठाकरे सरकारकडून कोरोनाचा बाऊ : सदाभाऊ खोत

 

माजी कृषी राज्यमंत्री सदाभाऊ खोत यांनी राज्य सरकारवर गंभीर आरोप केलाय. येत्या अर्थसंकल्पीय अधिवेशनामधून पळ काढण्यासाठी सरकारकडून कोरोनाचा आता बाऊ केला जातोय. कोरोनाचा बाऊ करूया आणि आठवड्याभरातच अधिवेशन गुंडाळुया असा सरकारचा विचार आहे, असे खोत म्हणालेत. कोरोना काळात या सरकारने दारूतून जास्त कर मिळतोय म्हणून दारूची दुकाने सुरू केली आणि मंदिरे बंद ठेवली, म्हणून महाविकास आघाडीचे सरकार हे दारुडं सरकार आहे, असे खोत म्हणाले.

20:32 PM (IST)  •  20 Feb 2021

कोरोना काळात कार्यालयीन वेळांबबात केंद्रानं धोरण आखावं. कार्यालयीन वेळांची 10 ते 5 ही पारंपरिक मानसिकता बदलण्याची गरज- मुख्यमंत्री उद्धव ठाकरे

20:47 PM (IST)  •  20 Feb 2021

वाशिम जिल्ह्यात आजपासून रात्री 8 ते सकाळी 6 वाजेपर्यंत संचारबंदी. रुग्णवाहिका, औषधी दुकाने, ठोक भाजीपाला विक्री, दूध व दुग्धजन्य पदार्थ विक्री करणाऱ्या डेअरी, ऑटोरिक्षा, हायवे वरील पेट्रोलपंप व ढाबे एमआयडीसी क्षेत्रातील उद्योग वगळता सर्व आस्थापने सकाळी 6 ते रात्री 8 वाजेपर्यंतच सुरू ठेवण्यास मुभा. आठवडी बाजार, गुरांचे बाजार बंद, लग्न समारंभासाठी पूर्व परवानगी आवश्यक.

16:57 PM (IST)  •  20 Feb 2021

वेंगुर्ले तालुक्यातील मानसीश्वराचा वार्षिक जत्रोत्सव कोरोनाच्या पार्श्वभूमीवर अत्यंत साध्या पध्दतीने गावमर्यादीत संपन्न. वेंगुर्ले मधील अतिशय जागृत व लाखो भक्तांच्या हाकेला धावणारा व नवसाला पावणारा अशी ख्याती असलेल्या श्री देव मानसीश्वराच्या जत्रौत्सवाला कोरोनाच्या पार्श्वभूमीवर शासनाच्या नियमांचे पालन करून भक्तिमय वातावरणात सुरू आहे.

20:13 PM (IST)  •  20 Feb 2021

रायगड : कोरोना विषाणू उपाययोजनांसंदर्भात रायगडच्या जिल्हाधिकारी यांचे निर्देश जाहीर. धार्मिक यात्रा, उत्सव, समारंभ, महोत्सव, स्नेहसंमेलनं, सामूहिक कार्यक्रम, सभा, बैठकासाठी 50 व्यक्तींना उपस्थित राहता येणार. मिरवणूक आणि रॅली काढण्यास पुढील आदेशापर्यंत प्रतिबंध. लग्न समारंभात जास्तीत जास्त 50 पाहुण्यांना परवानगी. मास्कचा वापर सक्तीचा. मंगल कार्यालयात 50 पेक्षा जास्त लोक आढळल्यास मालकाविरुद्ध गुन्हा दाखल होणार. रेस्टॉरंटबाबत केंद्र आणि राज्य शासनाच्या सूचनांचे पालन केले जाणे बंधनकारक. बाजारपेठांमध्ये नागरिकांची गर्दी होणार नाही याबाबत स्थानिक प्रशासनाने दक्षता घेणे आवश्यक

18:26 PM (IST)  •  20 Feb 2021

यवतमाळमध्ये किसान मोर्चाच्या पदाधिकाऱ्यांना पोलिसांनी ताब्यात घेतले आहे. सभेला परवानगी नसताना आझाद मैदानात घोषणाबाजी व भाषण दिल्याने कारवाई.