Breaking News LIVE | करोनाची इतिश्री अद्याप झाली नाही; सातत्याने सावधगिरी बाळगण्याचे राज्यपालांचे आवाहन

Breaking News LIVE Updates, 16 February 2021: दिवसभरातील ताज्या घडामोडी, महत्त्वाचे अपडेट्स या लाईव्ह ब्लॉगमध्ये आपल्याला मिळतील. देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट लाईव्ह ब्लॉगमध्ये.

Background

माझ्याविरोधातील देशद्रोहाचे आरोप बिनबुडाचे, कंगनाचं हायकोर्टात प्रतिज्ञापत्र

 

माझ्याविरोधातील देशद्रोहाचे सारे आरोप हे बिनबुडाचे आहेत. माझ्या ट्विटमुळे कोणाच्या काय भावना दुखावल्या? कुठे कायदा आणि सुव्यवस्था निर्माण झाली? असे सवाल उपस्थित करत कंगना रनौतनं मुंबई उच्च न्यायालयात सोमवारी आपलं प्रतिज्ञापत्र सादर केलं. वांद्रे कोर्टानं कंगना आणि तिच्या बहिणीविरोधात आक्षेपार्ह ट्विट केल्याबद्दल गुन्हा दाखल करण्याचे निर्देश दिल्यानं या दोन्ही बहिणींनी हायकोर्टात आव्हान दिलं आहे.

 

कोरोना फोफावतोय, कठोर निर्णय घ्यावे लागतील; अजित पवारांचे संकेत

 

राज्यात कोरोना (CoronaVirus) रुग्णसंख्या पुन्हा एकदा डोकं वर काढू लागली आहे. त्यामुळं या धर्तीवर मुख्यमंत्र्यांशी संवाद साधून पुन्हा एकदा कठोर निर्णय घ्यावे लागतील असे संकेत उपमुख्यमंत्री अजित पवार (Ajit Pawar) यांनी दिले आहेत. राज्यात डिसेंबरनंतर रविवारी एकाच दिवसात सर्वाधिक म्हणजे 4 हजारांहून अधिक कोरोनारुग्ण आढळून आले. रविवारी नव्यानं कोरोनाची लागण झालेल्यांचा आकडा 4092वर पोहोचला होता. त्यामुळं ही बाब आरोग्य यंत्रणा आणि प्रशासनाच्या चिंतेत भर टाकून गेली.

 

अभिनेता संदीप नाहरचा संशयास्पद मृत्यू, अखेरच्या फेसबुक पोस्टमधून अनेक खुलासे

 

 अभिनेता संदीप नाहर यांचा संशयास्पद मृत्यू झाल्याची धक्कादायक बाब समोर आली आहे. रुग्णालयात उपचारादरम्यान त्याचा मृत्यू झाल्याचं स्पष्ट झालं आहे. प्राथमिक अंदाजानुसार त्यांनी आत्महत्या केल्याचं बोललं जातं आहे. 'कहने को हमसफर हैं', 'एमएस धोनी', 'केसरी' या चित्रपटांतून संदीप प्रेक्षकांच्या भेटीला आले होते. फेसबुकवर जवळपास मृत्यूच्या तीन ते चार तासांपूर्वी त्यांनी एक सोशल मीडिया पोस्टही लिहिली होती. जी पाहता ही त्यांची सुसाईड नोट आहे, असंही मत अनेकांनी मांडलं.

 

पुण्यातील बांधकाम व्यावसायिक अविनाश भोसले यांना हायकोर्टाचा दिलासा

 

 परदेशी विनिमय व्यवस्थापन (फेमा) कायद्याच्या उल्लंघन प्रकरणी अंमलबजावणी संचालनालय (ईडी) च्या रडारवर असलेल्या अविनाश भोसले आणि त्यांच्या मुलगा अमित यांना सोमवारी मुंबई उच्च न्यायालयाने ताप्तुरता दिलासा दिला आहे. 24 फेब्रुवारीच्या पुढील सुनावणीपर्यंत कोणतीही कठोर कारवाई न करण्याचे निर्देश ईडीला दिले आहेत.

23:51 PM (IST)  •  16 Feb 2021

चोरट्यांची नजर आता शाळांवर अंबरनाथ भगिनी मंडळ शाळेत दोन दिवसात दोनदा चोरी 9 कॉम्प्यूटर , 25 हजार रुपयांसह महत्वाची कागदपत्र चोरली

23:07 PM (IST)  •  16 Feb 2021

पत्रकार राजदीप सरदेसाई यांच्याविरूद्ध अवमानाचा गुन्हा दाखल केलेला नाही, असं निवेदन सर्वोच्च न्यायालयाच्या रजिस्ट्रारने जारी केलं आहे. ते म्हणतात की राजदीपच्या यांच्याविरुद्ध अवमान केल्याबद्दल स्वत: ची जाणीव करून देण्याची स्थिती कोर्टाच्या वेबसाइटवर दिसते. त्याची दुरुस्ती केली जात आहे.

22:38 PM (IST)  •  16 Feb 2021

पुण्यातील गुंड गजानन मारणे आणि त्याच्या 26 साथीदारावंर कोथरुड पोलिस स्टेशनमधे आणखी एक गुन्हा दाखल करण्याची प्रक्रिया सुरू आहे. हा गुन्हा दाखल झाला की रात्री उशिरा गजानन मारणेला पोलिस अटक करण्याची शक्यता आहे. आज सकाळी गजानन मारणे आणि त्याच्या समर्थकांवर पिंपरी चिंचवड पोलिस स्टेशनमधे पहिला गुन्हा नोंद झाला आहे. काल तळोजा कारागृहातुन सुटका करण्यात आल्यानंतर गजानन मारणे आणि त्याच्या समर्थकांनी तळोजा ते पुणे शेकडो वाहनांच्या ताफ्यासह मिरवणूक काढली होती.

19:43 PM (IST)  •  16 Feb 2021

महाराष्ट्र राज्य माध्यमिक आणि उच्च माध्यमिक बोर्डाकडून दहावी आणि बारावी परीक्षेचं संभाव्य वेळापत्रक जाहीर करण्यात आलं आहे. 29 एप्रिल ते 20 मे 2021 दरम्यान दहावी बोर्डाची परीक्षा होण्याची शक्यता आहे. तर 23 एप्रिल ते 21 मे 2021 दरम्यान बारावीची परीक्षा होणार असल्याचं या संभाव्य वेळापत्रकात बोर्डाने जाहीर केलं आहे.

22:37 PM (IST)  •  16 Feb 2021

पूजा चव्हाण आत्महत्या प्रकरणात अडचणीत आलेले वनमंत्री संजय राठोड पोहरादेवी येथे १८ फेब्रुवारीला आपली भूमिका मांडणार असल्याचं बोललं जात होतंय. मात्र, असं काहीच होणार नसल्याचं पोहरादेवी येथील बंजारा समाजाचे महंत जितेंद्र महाराज यांनी स्पष्ट केलंय.