![ABP Premium](https://cdn.abplive.com/imagebank/Premium-ad-Icon.png)
Jaykumar Gore : कोरोना काळात 200 मृत रुग्णांना जिवंत दाखवत कोट्यवधी रुपये लाटले, आमदार जयकुमार गोरेंवर गंभीर आरोप, अडचणीत वाढ?
Jaykumar Gore : कोरोना काळात भाजप आमदार जयकुमार गोरे यांनी 200 मृत रुग्णांना जिवंत दाखवून कोट्यवधी रुपये लाटल्याचा गंभीर आरोप करण्यात आला आहे.
![Jaykumar Gore : कोरोना काळात 200 मृत रुग्णांना जिवंत दाखवत कोट्यवधी रुपये लाटले, आमदार जयकुमार गोरेंवर गंभीर आरोप, अडचणीत वाढ? BJP MLA Jayakumar Gore accused of scam during Corona Period petition filed in Bombay High Court Maharashtra Marathi News Jaykumar Gore : कोरोना काळात 200 मृत रुग्णांना जिवंत दाखवत कोट्यवधी रुपये लाटले, आमदार जयकुमार गोरेंवर गंभीर आरोप, अडचणीत वाढ?](https://feeds.abplive.com/onecms/images/uploaded-images/2024/07/01/c46e8405a365a8e6625a8aadd90b4b251719807149218923_original.jpg?impolicy=abp_cdn&imwidth=1200&height=675)
मुंबई : कोरोना (Corona) काळात भाजप आमदार जयकुमार गोरे (Jaykumar Gore) यांनी 200 मृत रुग्णांना जिवंत दाखवून कोट्यवधी रुपये लाटल्याचा गंभीर आरोप करण्यात आला आहे. जयकुमार गोरेंविरोधात मुंबई उच्च न्यायालयात (Mumbai High Court) याचिका दाखल करण्यात आली असून त्यांच्या अडचणीत वाढ होण्याची शक्यता वर्तवली जात आहे.
सातारा जिह्यातील मायणी (ता. खटाव) येथील दीपक आप्पासाहेब देशमुख यांनी याबाबत मुंबई उच्च न्यायालयात याचिका दाखल केली आहे. त्यात म्हटले आहे की, मायणी-खटाव येथे इन्स्टिट्यूट ऑफ मेडिकल सायन्स अँड रिसर्स सेंटर आहे. हे सेंटर सातारा जिल्हाधिकाऱ्यांनी कोरोनाग्रस्तांचे उपचार करण्यासाठी ताब्यात घेतले होते. या संस्थेचे तत्कालीन अध्यक्ष जयकुमार गोरे होते. याकाळात डॉक्टरांच्या खोट्या सह्या, बनावट कागदपत्रं वापरण्यात आली. राज्य आणि केंद्र सरकारच्या योजनांचा गैरफायदा घेण्यात आला.
जयकुमार गोरे यांच्यावर गंभीर आरोप
भाजप आमदार जयकुमार गोरे यांनी 200 मृत रुग्णांना जिवंत दाखवून कोट्यवधी रुपये लाटले. 200 हून अधिक मृत रुग्णांना जिवंत दाखवून विविध सरकारी योजनांतून निधी मिळवण्यात आला. सरकारने मोफत कोरोना उपचारांसाठी सर्व रुग्णालय, कोरोना सेंटरना मोठ्या प्रमाणावर औषध व इंजेक्शन पुरवली होती. मात्र गोरे व त्यांच्या साथीदारांनी कोरोनाग्रस्तांकडून उपचाराचे पैसे उकळले असे गंभीर आरोप करण्यात आले आहे.
गुन्हा दाखल करण्याची मागणी
कोरोना रुग्णांवरील उपचाराच्या नावाखाली याप्रकरणी जयकुमार गोरे, त्यांची पत्नी सोनिया गोरे तसेच घोटाळय़ात सहभागी इतर आरोपींविरुद्ध गुन्हा दाखल करण्याची मागणी करण्यात आली आहे. तसेच संपूर्ण गैरव्यवहाराचा सखोल तपास उच्च न्यायालयाच्या सेवानिवृत्त न्यायमूर्तीच्या देखरेखीखाली व्हावा, अशी विनंतीही याचिकेतून करण्यात आली आहे. या याचिकेवर न्यायामूर्ती रेवती मोहिते-डेरे आणि न्यायमूर्ती श्याम चांडक यांच्या खंडपीठापुढे 5 जुलैला सुनावणी होणार आहे. यामुळे आमदार जयकुमार गोरे यांच्या अडचणीत वाढ होण्याची शक्यता वर्तवली जात आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)