भंडाऱ्यात भरधाव पिकअप वाहनांनं तिघांना दिली धडक, वाहनचालक वाहन सोडून फरार, पोलिसांकडून शोध सुरु   

भंडाऱ्यात हिट अँड रनची घटना घडली आहे. या घटनेत तीन जण जखमी झाले आहेत.

Bhandara Accident News

Source : Getty Images

Bhandara Accident News :  भंडाऱ्यात हिट अँड रनची घटना घडली आहे. या घटनेत तीन जण जखमी झाले आहेत. गजबजलेल्या जे एम पटेल कॉलेज रोडवर ही घटना घडली आहे. एका भरधाव पिकअप वाहनांनं तिघांना जबर धडक दिली आहे. यामध्ये तिघांनाही दुखापत झाली आहे. सुदैवाने कोणतीही जीवितहानी झाली नाही. 

भंडारा शहरातील अत्यंत गजबजलेला मार्ग म्हणून ओळखल्या जाणाऱ्या जे एम पटेल कॉलेज रोडवर रात्री नऊ वाजताच्या सुमारास एका भरधाव पिकअप वाहनांनं तिघांना जबर धडक दिली. या तिघांमध्ये भंडारा पोलिसात कार्यरत पोलीस कर्मचारी विजय तायडे यांची आई नंदा तायडे यांचा समावेश आहे. जे एम पटेल कॉलेज मार्गावर सुरुवातीला दोघांना धडक दिल्यानंतर कारवाईच्या धास्तीनं वाहनासह चालक तिथून पळाला. यानंतर याचं पिकअप वाहनानं जे एम पटेल कॉलेजच्या मागील भागात असलेल्या शासकीय मुलींच्या वसतीगृहाजवळ पोलीस कर्मचाऱ्यांच्या आईला जबर धडक दिली. या अपघातानंतर चालकांनं वाहन अंधारात सोडून तिथून पळाला आहे. या घटनेत जखमी झालेल्यांमध्ये दोन पुरुष आणि एक महिलेचा समावेश असून ते सुदैवानं बचावलेत. भंडारा पोलीस पुढील तपास करीत आहे.

मुंबई गोवा महामार्गावर भीषण अपघात, एकाच मृत्यू

रत्नागिरी (Ratnagiri) जिल्ह्यातील मुंबई गोवा महामार्गावर (Mumbai Goa Highway)  भीषण (Accident)  अपघात झाल्याची घटना घडली आहे. मुंबई गोवा महामार्गावरील हातखंबा गावात हा भीषण अपघात झाला आहे. कोळसा वाहतूक करणाऱ्या ट्रकने सहा गाड्यांना धडक दिली आहे. यामध्ये एक जण ठार तर चार जण जखमी झाले आहेत. जखमींना जिल्हा शासकीय रुग्णालयात हलवण्यात आले आहे. त्यांच्यावर उपचार सुरु आहेत. दरम्यान,  कोळसा वाहतूक करणाऱ्या ट्रकने सहा गाड्यांना धडक दिली आहे. धडक बसलेल्या वाहनांमध्ये आरटीओ विभागाची गाडी देखील आहे. महामार्ग पोलिस घटनास्थळी दाखल झाले आहेत. सतत घडणाऱ्या अपघातामुळे हातखंबा ग्रामस्थ भितीच्या छायेत आहेत. 

मुंबईच्या गोरेगाव पूर्वेत कारचा मोठा अपघात

मुंबईच्या गोरेगाव पूर्वेत आरे कॉलनी परिसरात पिकनिक पॉईंटजवळ भरधाव वेगाने जात असलेल्या कारचा मोठा अपघात झाल्याची घटना घडली आहे. दारुच्या नशेत कार चालवत असल्यामुळं कारने बाईकला जोरदार धडक दिली आहे. यावेळी कार चालकाने कारमध्ये बोगस महाराष्ट्र शासनाचा बोर्ड लावून बाईक चालकाला दमदाटी केली आहे. 

महत्वाच्या बातम्या: