श्रीपाद छिंदमला शिवसेना नगरसेवकांची मारहाण, जिल्हाधिकाऱ्यांचे कारवाईचे आदेश
छिंदमने मी शिवसेनेला मतदान करणार असं जाहीर केलं. मात्र शिवसेनेने छिंदमचं मत नाकारलं. यावेळी शिवसेनेच्या नगरसेवकांनी श्रीपाद छिंदमला मारहाणही केली.
अहमदनगर : अहमदनगर महापालिकेच्या महापौर निवडणुकीदरम्यान श्रीपाद छिंदमला शिवसेनेच्या नगरसेवकांनी मारहाण केल्याचा प्रकार समोर आला आहे. मतदानाच्यावेळी शिवसेनेचे उमेदवार बाळासाहेब बोराटे यांचे नाव पुकारताच सर्वप्रथम हात करून छिंदम याने मतदान केले.
यावरून संतप्त झालेल्या शिवसेनेच्या नगरसेवकांनी छिंदमला सभागृहातच मारहाण केली. त्यानंतर शिवसेनेने मतदानावर बहिष्कार टाकला. भाजप आणि राष्ट्रवादीच्या सांगण्यावरून शिवसेनेला बदनाम करण्यासाठी छिंदमने मत दिल्याचा आरोप शिवसेनेने केला आहे.
या मारहाणीची दखल अहमदनगरचे जिल्हाधिकारी राहुल द्विवेदी यांनी घेतली आहे. छिंदमला मारहाण करणाऱ्या शिवसेना नगरसेवकांवर गुन्हा दाखल करण्याचे आदेश जिल्हाधिकाऱ्यांनी दिले आहे. जिल्हाधिकारी राहुल द्विवेदी हे पीठासीन अधिकारी असल्याने त्यांनी हे आदेश दिले आहेत.
छत्रपती शिवाजी महाराजांबद्दल आक्षेपार्ह वक्तव्य करणारा अपक्ष नगरसेवक श्रीपाद छिंदमही महापौर निवडणुकीवेळी सभागृहात उपस्थिती होता. छिंदम नेमकं कोणाला मतदान करणार याकडे सर्वांचं लक्ष लागलं होते.
छिंदमने मी शिवसेनेला मतदान करणार असं जाहीर केलं. मात्र शिवसेनेने छिंदमचं मत नाकारलं. यावेळी शिवसेनेच्या नगरसेवकांनी श्रीपाद छिंदमला मारहाणही केली. मात्र पोलिसांनी तात्काळ हस्तक्षेप करत छिंदमला बाजूला नेत परिस्थिती नियंत्रणात आणली.
महापौरपदी भाजपचे बाबासाहेब वाकळे
अहमदनगर महापालिकेच्या महापौरपदी भाजपच्या बाबासाहेब वाकळे यांची निवड झाली आहे. तर उपमहापौरपदी भाजपच्याच मालनताई ढोणे यांची निवड झाली आहे. वाकळे यांचा 37 विरुद्ध 0 असा विजय झाला आहे. शिवसेनेने मतदानावर बहिष्कार टाकला होता. त्यामुळे मोठा पक्ष असूनही शिवसेना अहमदनगर महापालिकेच्या सत्तेपासून दूर राहिली.
संबंधित बातम्या
अहमदनगर महानगरपालिका | विजयी उमेदवारांची यादी
शिवरायांचा अवमान करणारा छिंदम विजयी
Before You Go
Aaditya Thackeray NEET: नीट आंदोलनात गुन्हे दाखल झालेल्या ठाकरेंची मदत, केस लढण्यासाठी वकील मैदानात उतरवणार, आदित्य ठाकरेंची माहिती
महत्त्वाच्या बातम्या
