Aditi Tatkare: अपात्र लाडक्या बहिणींचे पैसे परत घेणार की नाही? अदिती तटकरेंचं मोठं वक्तव्य
Aditi Tatkare: आम्ही कुठल्याही लाडक्या बहिणीचे पैसे माघारी घेतलेले नाहीत. ज्या पात्र होतं नाहीत, त्या महिला पत्र पाठवून पैसे माघारी देण्याबाबत सांगत आहेत, अशी माहिती त्यांनी दिली आहे.
पुणे : मुख्यमंत्री माझी लाडकी बहीण योजना लाभार्थी महिलांच्या अर्जांची छाननी विविध विभागांच्या मदतीनं करण्याचा निर्णय घेण्यात आला आहे. महिला व बालविकास विभागाच्या छाननीच्या प्रक्रियेला सुरुवात होण्यापूर्वी महिलांनी मुख्यमंत्री माझी लाडकी बहीण योजनेचा लाभ नाकारण्यासाठी अर्ज करण्यास सुरुवात केली होती. काही महिलांना अर्ज माघारी घेण्याबाबत ऑफलाईन पध्दतीने आणि ऑनलाईन पध्दतीने अर्ज केले आहेत, दरम्यान या योजनेचा लाभ नको म्हणून अर्ज करणाऱ्या महिलांचे पैसे परत घेणार की नही याबाबत अनेक संभ्रम निर्माण झाले होते, त्यानंतर आज याबाबत माहिला व बालविकास मंत्री आदिती तटकरे यांनी स्पष्टपणे भाष्य केलं आहे. 'वेगवेगळ्या प्रसार माध्यमांकडून समज गैरसमज पहायला मिळत आहेत. आम्ही कुठल्याही लाडक्या बहिणीचे पैसे माघारी घेतलेले नाहीत. ज्या पात्र होतं नाहीत, त्या महिला पत्र पाठवून पैसे माघारी देण्याबाबत सांगत आहेत. दररोज पाच सहा अर्ज जिल्हा पातळीवरून येत आहेत, अनेक अपात्र महिलांनी या योजनेचा लाभ घेतला. योजनेचं मूल्यमापन करणं यात काही नवीन नाही. इतर योजनेतही दरवर्षी मूल्यमापन केलं जातं. अपात्र महिलांचे पैसे परत घेतले जाणार नाहीत. तसेच शासनानं कुठलाही लाभ परत घेतला नाही, असं आदिती तटकरे यांनी स्पष्ट केलं आहे.
पैसे परत घेणार की नाही?
वेगवेगळा कारणास्तव पैसे माघारी देण्यासाठी स्वइच्छेने अर्ज येत आहेत. आत्ता पर्यंत कुठलाही लाभ माघारी घेतलेला नाही. मुख्यमंत्री लाडकी बहीण योजना ही एकटी योजना नाही, जिची स्क्रूटीनी होत आहे. सर्वच योजनानांची स्क्रूटीनी होत असते. कोणतीही योजना असली तरी तिची सालाबादप्रमाणे स्क्रुटीने किंवा क्रॉस व्हेरिफिकेशन होत असतं. कोणत्याही थेट लाभाची योजना त्याचं मूल्यमापन किंवा व्हेरिफिकेशन ही एक नियमित असणारी प्रक्रिया आहे. यामध्ये वेगळं काही आहे असा भाग नाही. या योजनेला आतापर्यंत एक वर्ष ही पूर्ण झालेले नाही. त्यामुळे या योजनेतील काही जे वेगवेगळे समज गैरसमज आहेत ते होत आहेत. आम्ही आतापर्यंत एकही महिलेचे पैसे घेतलेले नाहीत. काही महिलांनी स्वतःहून शासनाला रिक्वेस्ट केलेले आहे. मला आता सरकारी नोकरी लागलेली आहे त्यामुळे आता मी या योजनेसाठी पात्र होत नाही, अशा पद्धतीच्या अर्ज केले असतील तर हा वेगळा भाग झाला. मात्र, अद्याप या योजनेअंतर्गत येणाऱ्या महिलांच्या पैसे परत घेतलेले नाहीत आणि स्क्रुटीनीमध्ये कोणाचे नाव परत घेण्याचे परिस्थिती त्या ठिकाणी उद्भवत नाही, कारण त्या संदर्भातला निर्णय अद्याप विभागात किंवा शासनाने घेतलेला नाही किंवा त्याबाबतची चर्चा झालेली नाही किंवा निर्णय देखील झालेला नाही, अशी माहिती देखील अदिती तटकरे यांनी यावेळी दिली आहे.
साडेतीन-चार हजार आत्तापर्यंत त्या ठिकाणी आलेले असतील, पण त्याच्यामध्ये कोणत्याही लाभार्थ्याचे पैसे परत घेतलेले नाहीयेत. रोज यामध्ये वाढ होत आहे, आम्ही याबाबतचे अर्ज मागवून घेतलेले नाहीत. ते स्वतःहून आलेले आहेत. ज्यांनी लाभ घेतलेला आहे पण त्यांना आता वेगवेगळ्या कारणांमुळे त्यांना माहिती झालेला आहे, आपण अपात्र आहोत ते स्वैच्छने पुढे येत आहेत आणि अर्ज करत आहेत. आम्ही संपर्क करून कुठली माहिती अजून मागवली नाही, ज्यावेळी पैसे माघारी पाठवायचे असतात, ते सरकारी तिजोरीत जमा होत असतात. नियोजन विभाग पैसे जमा करण्यासाठी विंडो तयार करून देतील, तिथं पैसे जमा होतील. आम्ही कुणाचे पैसे स्वतःहून घेणार नाही, जे स्वत हून देतील त्यांचे पैसे सरकारी तिजोरीत जमा होतील, अशी माहितीही तटकरेंनी दिली आहे. आम्ही शासन म्हणून कोणाचेही पैसे परत घेतलेले नाहीत. विभागाने किंवा सरकारने गेल्या पाच महिन्यातले पैसे परत घेण्याचा प्रश्नच येत नाही कारण आम्ही असा कोणताही निर्णय घेतलेला नाही, असंही त्यांनी म्हटलं आहे.
पालकमंत्रीपदावरती काय म्हणाल्या तटकरे?
मुख्यमंत्री राज्याचे प्रतिनिधीत्व करत असताना कुठलाही मुद्यावर इथे वातावरण खराब करणे योग्य नाही. आम्ही सगळेच निवडून आलो आहोत, कारण लोकांनी निवडून दिले. त्यामुळं घराणेशाहीचा मुद्दा येत नाही. इच्छा व्यक्त करणे वाईट नाही पण ती व्यक्त करताना कसे करतो हे ही महत्वाचे आहे. नाशिकमध्ये आमचे सात आमदार दोन मंत्री आहे. पण एक संयुक्त निर्णय घेण्यात आला आहे. महायुतीचे नेतृत्व जो निर्णय घेतले आहे, त्याचे पालन करणे गरजेचे आहे. महायुतीत सगळ्यांचेच समाधान होऊ शकत नाही. ॲडजस्टमेंट करावे लागते. दोन वर्ष मी पण पालकमंत्री नव्हते. उदय सामंत हे आमचे पालकमंत्री होते, आम्ही कधी तक्रार केली नाही. मंत्री म्हणून कोकणाला पहिल्यांदा पाच मंत्री मिळाले आपण कोकणाला कुठे नेतो हे महत्वाचे आहे. जनतेला कुरघोड्या आवडत नाही, असंही त्यांनी पुढे म्हटलं आहे.
महत्त्वाच्या बातम्या
ट्रेंडिंग न्यूज
