Smart Bulletin | स्मार्ट बुलेटिन | 10 नोव्हेंबर 2019 | रविवार

दिवसभरात महत्त्वाच्या बातम्यांचा वेगवान आढावा या स्मार्ट बुलेटीनच्या माध्यमातून घेतला जातो. यामध्ये देशभरासह राज्यातील राजकीय, सामाजिक, आर्थिक, क्रीडा तसेच इतर महत्वाच्या बातम्यांचा वेगवान आढावा घेतला जातो.

1. शिवसेना आमदारांसोबत आदित्य ठाकरेंचा मालाडच्या हॉटेलात मुक्काम, काँग्रेसचे ज्येष्ठ नेतेही जयपूरला आमदारांच्या भेटीला, राजकीय घडामोडींना वेग

 

2. सत्तास्थापनेसाठी राज्यपालांचं भाजपला निमंत्रणाचं पत्र, आजच्या कोअर कमिटीच्या बैठकीनंतर सत्तास्थापनेसंदर्भात निर्णय, भाजप अपयशी ठरल्यास राष्ट्रवादीचा पर्यायी सरकार देण्याचा विचार

 

3. सुप्रीम कोर्टाच्या ऐतिहासिक निकालानंतर अयोध्येतल्या राम मंदिराचा मार्ग मोकळा, वादग्रस्त जागा रामलल्लाची, मंदिरासाठी ट्रस्ट स्थापन करण्याचे आदेश

4. सुन्नी वक्फ बोर्डाचा दावा सर्वोच्च न्यायालयानं फेटाळला, मात्र अयोध्येत 5 एकर पर्यायी जागा देण्याचे आदेश, ओवेसी मात्र निकालावर असमाधानी

 

5. कटुता विसरुन नवा भारत घडवूयात, अयोध्या निकालानंतर मोदींची प्रतिक्रिया, सरसंघचालकांसह सर्वपक्षीय नेत्यांकडून निकालाचं स्वागत, शांतता राखण्याचं आवाहन

 

6. माझं भगवीकरण करण्याचा प्रयत्न, सुपरस्टार अभिनेते रजनीकांत यांचा आरोप

 

7. मुंबईत आज रेल्वेच्या तीनही मार्गांवर मेगाब्लॉक, मध्य रेल्वेवर कल्याण ते ठाणे अप जलद मार्ग बंद तर हार्बरवर पनवेल-वाशी सेवा बंद

 

8. करमाळ्यामध्ये विहीरीत बुडून पित्यासह मुलाचा मृत्यू, तर बीडमध्ये तलावात तोल जाऊन पडल्याने दोन मुलांचा मृत्यू

 

9. कोल्हापूरच्या कन्येला ऑलिम्पिकचं तिकीट, नेमबाज तेजस्विनी सावंत टोकियो ऑलिम्पिकसाठी पात्र

 

10. नागपूरमध्ये भारत-बांगलादेश दरम्यान आज तिसरा टी-20 सामना, मालिका जिंकण्यासाठी दोन्ही संघांना विजय आवश्यक