Radhanagari Dam : राधानगरी धरणाचे चार स्वयंचलित दरवाजे उघडले; नदीपात्रात 7112 क्यूसेकनं विसर्ग सुरू, नदीकाठच्या लोकांना सतर्कतेचा इशारा
राधानगरी धरणाचे एकूण चार दरवाजे उघडले आहेत. त्यामुळे कोल्हापूर जिल्ह्यासाठी पुराचा धोका वाढला आहे. धरणाचे स्वयंचलित दरवाजा क्रमांक 3, 4, 5 आणि 6 अशी एकूण 4 दरवाजे आज (26 जुलै) सकाळपासून उघडली आहेत.
Radhanagari Dam Water level: धरण पाणलोट क्षेत्रात सुरु असलेल्या मुसळधार पावसामुळे कोल्हापूर जिल्ह्यातील (Kolhapur Rain Update) राधानगरी धरणाचे एकूण चार दरवाजे उघडले आहेत. त्यामुळे कोल्हापूर जिल्ह्यासाठी पुराचा धोका वाढला आहे. धरणाचे स्वयंचलित दरवाजा क्रमांक 3, 4, 5 आणि 6 अशी एकूण 4 दरवाजे आज (26 जुलै) सकाळपासून उघडली आहेत.
धरणाच्या उघडलेल्या दरवाजांमधून 5712 क्यूसेकने नदीपात्रात विसर्ग सुरु आहे, तर पाॅवर हाऊसमधून 1400 क्युसेकने विसर्ग सुरु आहे. त्यामुळे एकूण 7112 क्यूसेकने विसर्ग सुरु आहे. नदीपात्रात धरणातून पाण्याचा विसर्ग सुरु झाल्यानंतर साधारणपणे सात ते आठ तासांनी कोल्हापूरमध्ये फरक दिसण्यास सुरुवात होते. पंचगंगा नदी गेल्या दोन इशारा पातळीवरून वाहत असल्याने नदी धोका पातळी ओलांडण्याची शक्यता आहे. पंचगंग नदीची इशारा पातळी 39 फुट असून धोका पातळी 43 फुट आहे. आज सकाळी (26 जुलै) राजाराम बंधाऱ्यावर पंचगंचेची पाणी पातळी 40 फुट 5 इंच इतकी झाली आहे. जिल्ह्यातील एकूण 81 बंधारे पाण्याखाली आहेत.
कोणत्या नदीवरील कोणता बंधारा पाण्याखाली?
- पंचगंगा नदी : शिंगणापूर, राजाराम, सुर्वे, रुई, इचलकरंजी, तेरवाड, शिरोळ
- भोगावती नदी : हळदी, राशिवडे, सरकारी कोगे व खडक कोगे.
- कासारी नदी : यवलूज, पुनाळ तिरपण, ठाणे आळवे, कांटे व वालोली, बाजार भोगाव, पेंडाखळे
- हिरण्यकेशी नदी : साळगाव, सुळेरान व चांदेवाडी, दांभीळ, ऐनापूर, निलजी
- घटप्रभा नदी : पिळणी, बिजूर-भोगोली, हिंडगाव, कानडे-सावर्डे व अडकूर, कानडेवाडी, तारेवाडी
- वेदगंगा नदी : निळपण, वाघापूर, कुरणी, वस्तवडे, म्हसवे, गारगोटी, सुरुपली व चिखली, गारगोटी, म्हसवे, सुक्याचीवाडी, शेणगाव
- कुंभी नदी : कळे, शेणवडे, वेतवडे, मांडुकली, सांगशी, असळज
- वारणा नदी : चिंचोली, माणगाव, तांदुळवाडी, कोडोली, खोची
- कडवी नदी : भोसलेवाडी, कोपार्डे, शिरगाव व सवते सावर्डे, सरुड पाटणे,
- धामणी नदी : सुळे, आंबडे
- तुळशी नदी : बीड
- ताम्रपर्णी नदी : कुर्तनवाडी, चंदगड, हल्लारवाही, काकरे, न्हावेली, कोवाड
- दुधगंगा नदी : दत्तवाडी, सुळकूड, सिद्धनेर्ली, बाचणी
इतर महत्वाच्या बातम्या :
Kolhapur : कोल्हापुरात खासबाग मैदानाची भिंत कोसळली, एका महिलेचा ढिगाऱ्याखाली सापडून मृत्यू
Before You Go
Ramesh Mhatre Special Report : महिला डॉक्टर मारहाण प्रकरणी रमेश म्हात्रेला अटक, माज उतरणार?
महत्त्वाच्या बातम्या
