रामदास आठवलेंनी घेतला शशी थरुर यांचा इंग्रजीचा क्लास, मजेदार ट्वीट्स व्हायरल
Shashi Tharoor and Ramdas Athawale : केंद्रीय राज्यमंत्री रामदास आठवले आणि काँग्रेस खासदार शशी थरूर यांच्यातील ट्वीटस सध्या चर्चेचा विषय ठरला आहे.
इंग्रजी भाषेवरील प्रभुत्वासाठी ओळखले जाणारे काँग्रेस नेते शशी थरूर यांची इंग्रजीतील चूक केंद्रीय राज्यमंत्री रामदास आठवले यांनी पकडली. रामदास आठवले यांनी लक्षात आणून दिलेली चूक शशी थरूर यांनी मान्य केली. मात्र, त्यांनी अप्रत्यक्षपणे केंद्रीय अर्थमंत्री निर्मला सीतारमण यांनाही चिमटा काढला आहे. शशी थरूर आणि रामदास आठवले यांच्यात झालेल्या संवादाचे ट्वीटस व्हायरल झाले आहेत.
काँग्रेस नेते शशी थरूर यांनी ट्वीट करताना फोटो पोस्ट केला होता. या फोटोत अर्थमंत्री निर्मला सीतारमण या लोकसभेत अर्थसंकल्पावरील चर्चेत बोलताना दिसत आहे. त्याच वेळेस त्यांच्या मागे बसलेले रामदास आठवले यांनी भावमुद्रा ही निर्मला सीतारमण आश्चर्यजनक सांगत असल्यासारखी होती. त्यावर शशी थरूर यांनी ट्वीट केले आहे. शशी थरूर यांनी म्हटले की, अर्थसंकल्पावर झालेल्या चर्चेवर अर्थमंत्र्यांनी दिलेल्या उत्तरावर केंद्रीय मंत्र्यांनादेखील विश्वास वाटत नाही. त्यांच्या चेहऱ्यावरील भाव सांगून जात असल्याचे थरूर यांनी म्हटले.
Nearly two-hour rely to the Bydget debate. The stunned & incredulous expression on Minister @RamdasAthawale’s face says it all: even the Treasury benches can’t believe FinMin @nsitharaman’s claims about the economy & her Budget! pic.twitter.com/wOGY7TJYg8
— Shashi Tharoor (@ShashiTharoor) February 10, 2022
शशी थरूर यांच्या या ट्वीटला केंद्रीय राज्यमंत्री रामदास आठवले यांनी उत्तर देत त्यांची इंग्रजीतील चूक पकडली. रामदास आठवले यांनी थरूर यांना Bydget नव्हे तर BUDGET आणि rely नसून reply असा शब्द असल्याचे त्यांनी सांगितले.
Dear Shashi Tharoor ji, they say one is bound to make mistakes while making unnecessary claims and statements.
— Dr.Ramdas Athawale (@RamdasAthawale) February 10, 2022
It’s not “Bydget” but BUDGET.
Also, not rely but “reply”!
Well, we understand! https://t.co/sG9aNtbykT
I stand corrected, Ramdas ji. Careless typing is a bigger sin than bad English!
— Shashi Tharoor (@ShashiTharoor) February 10, 2022
But while you're on a roll, there's someone at JNU who could benefit from your tuition.....
रामदास आठवले यांनी पकडलेली चूक थरूर यांनी मान्य केली. पण थरूर यांनी सीतारमण यांनाही चिमटा काढला. थरूर म्हणाले की, निष्काळजीपणे टाइप करणे हे वाईट इंग्रजीपेक्षा अधिक वाईट असल्याचे सांगत थरूर यांनी म्हटले की, जेएनयूमधील एकाला तुमच्या शिकवणीचा फायदा होऊ शकतो .
शशी थरूर आणि रामदास आठवले यांच्यात झालेल्या ट्वीटमुळे नेटकऱ्यांचे चांगलेच मनोरंजन झाले. अनेकांनी या ट्वीटवर मजेदार कमेंट्सही केल्या आहेत.
महत्त्वाच्या बातम्या
