Twitter : चूक स्वीकार करत उपराष्ट्रपतींचे ट्विटर अकाऊंट पुन्हा व्हेरिफाईड, भारत सरकारची तीव्र नाराजी
ट्विटरचे (Twitter) हे कृत्य म्हणजे भारतीय घटनेचा अनादर करण्यासारखं आहे अशा तीव्र शब्दात भारत सरकारने ट्विटरकडे आपली नाराजी व्यक्त केली.
नवी दिल्ली : सोशल मीडिया ट्विटरने आपली चूक स्वीकार करत उपराष्ट्रपती व्यंकय्या नायडू यांचे ट्विटर अकाऊंट पुन्हा व्हेरिफाईड केलं आहे. भारत सरकारकडून नाराजी व्यक्त केल्यानंतर ट्विटरने आपला निर्णय काही वेळेतच बदलला. सरकारकडून ट्विटरला स्पष्टपणे कळवण्यात आलं आहे की, उपराष्ट्रपती पद हे भारतातील दुसऱ्या क्रमांकाचं पद आहे. घटनात्मक पदावर असलेली व्यक्ती कोणत्याही पक्षाचा भाग नसते. त्यामुळे ट्विटरच्या उपराष्ट्रपतींच्या अकाऊटचे अनव्हेरिफाईड करणे म्हणजे घटनेचा अनादर आहे.
भारत सरकारच्या या कठोर नाराजीनंतर ट्विटरने आपली चुक कबुल केली आणि उपराष्ट्रपती व्यंकय्या नायडू यांचे ट्विटर अकाऊंट पुन्हा व्हेरिफाई़ड केलं.
ट्विटरने उपराष्ट्रपतींचे अकाऊंट अनव्हेरिफाईड केल्यानंतर त्यावर अनेकांनी टीका केली होती. भाजप नेते सुरेश नाखुआ म्हणाले की, ट्विटरने उपराष्ट्रपतींचे अकाऊंट अनव्हेरिफाईड का केलं? हा भारतीय संविधानाबद्दल अनादर आहे. काही लोकांनी असा दावा केला होता की, उपराष्ट्रपतींचे अकाऊंट बऱ्याच दिवसांपासून निष्क्रिय होतं. त्यामुळे ते अनव्हेरिफाईड करण्यात आलं होतं. त्याआधी ट्विटरने आरएसएसच्या अनेक नेत्यांचे, कुष्ण कुमार, अरुण कुमार तसेच भैय्याजी जोशी यांचे अकाऊंट अनव्हेरिफाईड केलं होतं. त्यावरही आक्षेप घेण्यात आला होता.
जुलै 2020 पासून उपराष्ट्रपतींचे ट्विटर अकाऊंट निष्क्रिय असल्याने त्यांच्ये व्हेरिफिकेशन ब्लू टिक काढून टाकण्यात आली होती असं ट्विटरकडून सांगण्यात आलं आहे. एखादे व्हेरिफाई़ड ट्विटर अकाऊंट सहा महिने निष्क्रिय असेल तर ते नियमानुसार अनव्हेरिफाईड केलं जातं असा ट्विटरचा नियम आहे.
Account inactive since July 2020. As per our verification policy,Twitter may remove blue verified badge&verified status if account becomes inactive. Badge has been restored: Twitter spox on blue tick removal from Vice President of India M Venkaiah Naidu's personal Twitter handle pic.twitter.com/7WhpZP8OEN
— ANI (@ANI) June 5, 2021
महत्वाच्या बातम्या :
महत्त्वाच्या बातम्या
ट्रेंडिंग न्यूज
