कौतुकास्पद! डिलिव्हरी बॉय झाला उपजिल्हाधिकारी, वाचा संघर्षातून यश मिळवणाऱ्या तरुणाची यशोगाथा 

स्विगीमध्ये डिलिव्हरी बॉय (Swiggy delivery Boy) म्हणून काम करुन एक तरुणाने मोठं यश संपादन केलं आहे. झारखंड (Jharkhand) लोकसेवा आयोग परीक्षेतून उपजिल्हाधिकारी ( Deputy Collector) झाला आहे.

Success story delivery boy in Swiggy became a Deputy Collector Jharkhand

Source : Getty Images

Success story : स्विगीमध्ये डिलिव्हरी बॉय (Swiggy delivery Boy) म्हणून काम करत-करत शिक्षण घेतलेल्या एक तरुणाने मोठं यश संपादन केलं आहे. झारखंड (Jharkhand) लोकसेवा आयोग परीक्षेतून उपजिल्हाधिकारी ( Deputy Collector) होण्याचं स्वप्न पूर्ण केलं आहे. झारखंडमधील गिरिडीहमधील कपिलो या छोट्याशा गावाील सूरज यादव या तरुणाने हे यश संपादन केलं आहे. त्याच्या संघर्षाची गोष्ट आज हजारो तरुणांसाठी प्रेरणादायी ठरत आहे. उपजिल्हाधिकारी झालेल्या सूरज यादवची कथा एखाद्या चित्रपटाच्या पटकथेपेक्षा कमी नाही. आर्थिक अडचणी, साधनांचा अभाव आणि जीवनातील सर्व अडचणींना मागे टाकून सूरजने जे पद मिळवले आहे. 

गवंडी काम करणाऱ्या पालकाचा मुलगा झाला उपजिल्हाधिकारी 

सूरज यादवचे वडील गवंडी आहेत, जे रोजंदारीवर काम करून आपल्या कुटुंबाचा उदरनिर्वाह करतात. घराची आर्थिक परिस्थिती इतकी वाईट होती, कधीकधी दोन वेळचे जेवणही मिळवणे कठीण झाले. पण सूरजचे मोठे स्वप्न सरकारी अधिकारी होण्याचे होते. हे स्वप्न साकार करण्यासाठी त्याने रांचीमध्ये राहून कठोर परिश्रम करण्यास सुरुवात केली.

सायकल नव्हती, तरीही तो डिलिव्हरी बॉय बनला

स्वप्नांकडे जाण्याचा मार्ग सोपा नव्हता. अभ्यासाचा खर्च उचलण्यासाठी सूरजने स्विगी डिलिव्हरी बॉय आणि रॅपिडो रायडर म्हणून काम करण्यास सुरुवात केली. पण सुरुवातीला त्याच्याकडे स्वतःची बाईकही नव्हती. अशा वेळी त्याचे मित्र राजेश नायक आणि संदीप मंडल यांनी सूरजला त्यांच्या शिष्यवृत्तीचे पैसे देऊन मदत केली. सूरजने एक सेकंड हँड बाईक खरेदी केली आणि त्याच्या अभ्यासाचा खर्च भागवण्यासाठी दिवसाचे 5 तास काम केले.

कुटुंब हेच धाडसाचे बळ 

सुरजची बहीण आणि पत्नीनेही कठीण काळात त्याला पूर्णपणे साथ दिली. त्याच्या बहिणीने घराची जबाबदारी घेतली, तर त्याच्या पत्नीने त्याला प्रत्येक पावलावर प्रोत्साहन दिले. सूरजचा दिवस कामात आणि रात्र अभ्यासात घालवली. थकलेला असूनही, त्याचा उत्साह कधीही कमी झाला नाही. जेपीएससी मुलाखतीदरम्यान सुरजने सांगितले की तो डिलिव्हरी बॉय म्हणून काम करतो, तेव्हा बोर्ड सदस्यांना सुरुवातीला धक्का बसला. त्यांना वाटले की कदाचित हा सहानुभूती मिळवण्याचा प्रयत्न आहे. पण जेव्हा त्यांनी डिलिव्हरीशी संबंधित तांत्रिक गोष्टी विचारल्या तेव्हा सूरजने इतके अचूक उत्तर दिले की सर्वांच्या शंका विश्वासात बदलल्या.

महत्वाच्या बातम्या: