Sikkim Floods : सिक्कीममध्ये महापुराचा हाहाकार, 18 जणांचा मृत्यू, 98 बेपत्ता, 48 तासांपासून लोक बोगद्यात अडकले

Sikkim Floods : अचानक ढगफुटी झाल्याने सिक्कीममध्ये भीषण पूर आला. यात अनेक लोक अडकले असण्याची भीती व्यक्त केली जात आहे.

Sikkim Floods Marathi News

Sikkim Floods : देशाच्या ईशान्येकडील राज्य सिक्कीममध्ये ढगफुटीमुळे मोठ्या प्रमाणात नुकसान झाले आहे. यात अनेक लोक अडकले असण्याची भीती व्यक्त केली जात आहे, एनडीआरएफची (NDRF) टीम अनेक लोकांना बोगद्यात घुसून लोकांना बाहेर काढण्याचा प्रयत्न करेल. मंगळवारी (3 ऑक्टोबर) रात्री अचानक ढगफुटी झाल्याने सिक्कीममध्ये भीषण पूर आला. ज्यामध्ये आतापर्यंत 18 जणांचा मृत्यू झाला असून 98 लोक बेपत्ता आहेत. राज्य सरकारने बुधवारी (4 ऑक्टोबर) केंद्र सरकारला याची माहिती दिली.

अन्न-पाण्याशिवाय लोक 48 तासांपासून बोगद्यात अडकले
सिक्कीम मध्ये आलेल्या महापुरामुळे येथील काही लोक अन्न, पाण्याशिवाय गेल्या 48 तासांपासून बोगद्यात अडकले आहेत. त्यांना वाचवण्यासाठी मोहीम राबविण्यात येणार आहे. हे बोगदे पाण्याने भरलेले आहेत की नाही, बोगद्यात अडकलेले लोक जिवंत आहेत की नाही हे कोणालाच माहिती नाही.  त्यानुसार शुक्रवारी (6 ऑक्टोबर) राष्ट्रीय आपत्ती प्रतिसाद दल (NDRF) ची या बोगद्यात सर्च ऑपरेशनला सुरूवात करेल, ही टीम उत्तर सिक्कीममधील चुंगथांग येथे जाणार आहे, जिथे त्यांना कठीण आव्हानाचा सामना करावा लागेल. 

सुमारे 3000 लोक अडकले 
सिक्कीमचे मुख्य सचिव विजय भूषण पाठक म्हणाले, "चेक पोस्टवर उपलब्ध असलेल्या आकडेवारीनुसार, लाचेन आणि लाचुंगमध्ये सुमारे 3000 लोक अडकले आहेत. 700-800 ड्रायव्हर तेथे अडकले आहेत. मोटारसायकलवर गेलेले 3150 लोकही तेथे अडकले आहेत." आम्ही लष्कर आणि हवाई दलाच्या हेलिकॉप्टरद्वारे सर्वांना बाहेर काढू. लष्कराने लाचेन आणि लाचुंगमध्ये अडकलेल्या लोकांना त्यांच्या कुटुंबीयांशी इंटरनेटच्या माध्यमातून बोलायला लावले."

एनडीआरएफ टीमसमोर आव्हान 
हिंदुस्तान टाईम्सच्या वृत्तानुसार, एनडीआरएफ टीमसाठी हे काम इतके सोपे जाणार नाही. ती अशा ठिकाणी जात आहे ज्याबद्दल तिला काहीच माहिती नाही. टीम पूर्णपणे अज्ञात आहे. या टीममध्ये लँड रेस्क्यूर्स आणि स्कूबा डायव्हर्सचा समावेश असेल. त्यांच्याकडे हॅमर, वॉटर गन, रॉक कटर, सॅटेलाइट फोन, जनरेटर सेट आणि वैद्यकीय उपकरणे असतील.

पुरामुळे आसपासच्या शहराशी संपर्क तुटला
बुधवारी आलेल्या अचानक आलेल्या पुरामुळे चुंगथांग शहराचा सिक्कीमच्या उर्वरित भागापासून संपर्क तुटला आहे. पॉवर लाइन्स खाली पडल्या, सेल टॉवर नष्ट झाले, पूल नष्ट झाले आणि रस्ते वाहून गेले. संभाषणाचे साधन नसल्याने अडकलेल्या लोकांची माहिती नाही. ते एका राज्य सरकारच्या कंपनीत काम करतात एवढेच आतापर्यंत माहीत आहे. सर्व बोगदे तीस्ता-III धरण संकुलात आहेत, जे गुरुवारच्या पुरात उद्ध्वस्त झाले होते.

 

इतर महत्त्वाच्या बातम्या