Petrol Diesel Rate Today : पेट्रोलच्या किमती आज पुन्हा कडाडल्या; डिझेलच्या दरातही वाढ, तुमच्या शहरांतील दर काय?
Petrol Diesel Rate Today : दिल्ली आणि कोलकात्यात पेट्रोलचे दर शतक गाठण्याच्या तयारीत आहे. मुंबईच पेट्रोल शंभरीपार पोहोचलं असून 105.58 रुपये प्रति लिटर रुपयांनं विकलं जातंय.
Petrol Diesel Price Today 4 July : तेल कंपन्यांनी रविवारी पुन्हा एकदा पेट्रोल-डिझेलच्या किमतींमध्ये वाढ केली आहे. ज्यामुळे सामान्य माणसाच्या समस्यांमध्ये वाढ झाली आहे. झपाट्यानं वाढणाऱ्या इंधनाच्या दरांमुळे सामान्य माणसांच्या खिशाला कात्री लागत आहे. देशाच्या राजधानीत पेट्रोलची किंमत 35 पैसे प्रति लिटरनं वाढून 99.51 वर पोहोचली आहे. तर डिझेल 18 पैसे प्रति लिटरनं वाढून 89.36 रुपयांवर पोहोचलं आहे.
देशाची आर्थिक राजधानी म्हणून ओळखल्या जाणाऱ्या मुंबईत पेट्रोल शंभरीपार पोहोचलं असून 105.58 रुपये प्रति लिटर रुपयांनं विकलं जातंय. तर चेन्नईमध्ये पेट्रोल 100.44 रुपये प्रति लिटर आणि डिझेलटी किंमत 93.91 प्रति लिटर आहे. पेट्रोलची किंमत दिल्ली आणि कोलकातामध्येही शतक गाठण्याची शक्यता आहे. कोलकातामध्ये आज पेट्रोल 99.45 प्रति लिटर आणि डिझेल 92.27 प्रिति लिटर रुपयांनी विकलं जातंय.
प्रमुख शहरांतील पेट्रोल-डिझेलचे दर :
| शहर | पेट्रोलची प्रति लिटर किंमत | डिझेलची प्रति लिटर किंमत |
| मुंबई | 105.58 प्रति लिटर | 96.91 प्रति लिटर |
| लखनौ | 96.65 प्रति लिटर | 89.75 प्रति लिटर |
| गुरुग्राम | 97.20 प्रति लिटर | 89.96 प्रति लिटर |
| चंदीगढ | 95.70 प्रति लिटर | 89.00 प्रति लिटर |
| नोएडा | 96.76 प्रति लिटर | 89.83 प्रति लिटर |
| बंगळुरु | 102.84 प्रति लिटर | 94.72 प्रति लिटर |
| पटना | 101.62 प्रति लिटर | 94.76 प्रति लिटर |
| हैदराबाद | 103.41 प्रति लिटर | 97.40 प्रति लिटर |
| जयपूर | 106.27 प्रति लिटर | 98.47 प्रति लिटर |
नव्या वाढीसह पेट्रोलची किंमत संपूर्ण देशात विक्रमी दर गाठण्याच्या तयारीत आहे. महाराष्ट्र, मध्यप्रदेश, राजस्थान, तेलंगाणा, आंध्रे प्रदेशातील काही शहरं आणि खेड्यांमध्ये पेट्रोलच्या दरानं शंभरी गाठली आहे. तर काही ठिकाणी पेट्रोलचे दर शंभरी पार पोहोचले आहेत.
देशात 15 जून 2017 पासून इंधनाचे दर रोज बदलण्यास सुरुवात झाली. पेट्रोल आणि डिझेलच्या किंमती आता भारतातील तेल कंपन्या ठरवतात. आंतरराष्ट्रीय स्तरावर प्रत्येक क्षणाला तेलाच्या किंमती बदलत असतात. त्यामुळे देशात आता पेट्रोल आणि डिझेलच्या किंमती दर दिवशी सकाळी सहा वाजता बदलतात.
पेट्रोल आणि डिझेलचे दर कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर सोप्या पद्धतीने पाहता येतील.
पेट्रोल आणि डिझेलच्या किंमती एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
