Petrol-Diesel Price : कच्च्या तेलाच्या किमती वधारल्या; देशात पेट्रोल-डिझेल किमती काय?
Petrol-Diesel Price Today 10th July 2022 : भारतीय तेल कंपन्यांकडून देशाती पेट्रोल-डिझेलच्या किमती जाहीर, जाणून घ्या तुमच्या शहरांतील दर काय?
Petrol-Diesel Price Today 10th July 2022 : भारतीय तेल कंपन्यांनी आजचे पेट्रोल-डिझेलचे दर (Petrol-Diesel Price) जाहीर केले आहेत. आज देशात पेट्रोल-डिझेलच्या किमतींमध्ये कोणताही बदल करण्यात आलेला नाही. आज 50व्या दिवशी देशातील पेट्रोल-डिझेलच्या किमती स्थिर आहेत. 21 मे रोजी केंद्र सरकारनं पेट्रोल-डिझेलच्या किमती कमी करण्याची घोषणा केली होती. त्यानंतर पेट्रोल 9.50 रुपये आणि डिझेल रुपये स्वस्त होता. तेव्हापासून देशातील पेट्रोल-डिझेलचे दर स्थिर आहेत. त्यांच्यात कोणताही बदल करण्यात आलेला नाही.
भारतीय तेल कंपन्यांनी आज, रविवारी जारी केलेल्या पेट्रोल (Petrol) आणि डिझेलच्या किमतींमध्ये कोणताही बदल केलेला नाही. आज देशात पेट्रोल-डिझेलचे दर (Petrol-Diesel Price) स्थिर आहेत. देशातील पेट्रोल (Petrol) -डिझेलचे दर (Diesel Price) स्थिर आहेत. जवळपास दीड महिन्यापासून देशात पेट्रोल-डिझेलच्या किमतींमध्ये कोणताही बदल करण्यात आलेला नाही. तर आंतरराष्ट्रीय बाजारात कच्च्या तेलाच्या किमतींमध्ये सातत्यानं चढ-उतार पाहायला मिळत आहेत.
महाराष्ट्रातील महत्त्वाच्या शहरांतील दर काय?
आज पुण्यात पेट्रोलचा दर प्रति लिटर 110.88 रुपये तर डिझेलचा दर 95.37 रुपये प्रति लिटर आहे. नाशिकमध्ये पेट्रोलचा दर प्रतिलिटर 111.74 रुपये तर डिझेलचा दर 96.20 रुपये प्रति लिटर आहे. नागपुरात पेट्रोलचा दर प्रति लिटर 111.08 रुपये तर डिझेलचा दर 95.59 रुपये प्रति लिटर आहे. कोल्हापुरात पेट्रोलचा दर प्रति लिटर 111.34 रुपये तर डिझेलचा दर 95.84 रुपये प्रति लिटर आहे.
देशातील महानगरांत पेट्रोल-डिझेलचे दर काय?
देशाची आर्थिक राजधानी असलेल्या मुंबईत इंधन दर स्थिर आहे. देशाची आर्थिक राजधानी असणाऱ्या मुंबईत पेट्रोलचा दर 111.35 रुपये तर डिझेलचा दर 97.28 रुपये प्रतिलिटर आहे. तर देशाच्या राजधानीचं शहर असणाऱ्या दिल्लीतही पेट्रोल-डिझेलचे दर स्थिर आहेत. राजधानी असलेल्या दिल्लीत 1 लिटर पेट्रोलची किंमत 96.72 रुपये आणि 1 लिटर डिझेलची किंमत 89.62 रुपये आहे. चेन्नईमध्ये पेट्रोलचे दर 102.63 रुपये तर, डिझेलचा दर 94.24, कोलकातामध्ये पेट्रोलचा दर 106.03 रुपये आणि डिझेलचा दर 92.76 रुपये प्रतिलिटर आहे.
देशात वाढला इंधनाचा वापर
जगभरात कच्च्या तेलाची मागणी आणि पुरवठ्याबाबत चिंता व्यक्त केली जात आहे, तथापि, भारतातील इंधनाच्या वापराच्या आकडेवारीवर नजर टाकली तर गेल्या एका वर्षात त्यात 17 टक्क्यांनी वाढ झाली आहे. रॉयटर्सने पेट्रोलियम मंत्रालयाच्या पेट्रोलियम प्लॅनिंग अँड अॅनालिसिस सेलच्या अहवालाचा हवाला देत म्हटलं आहे की, गेल्या वर्षीच्या याच कालावधीच्या तुलनेत यावर्षी जूनमध्ये वापरामध्ये 17.9 टक्क्यांनी वाढ झाली आहे. भारत हा इंधनाचा तिसरा सर्वात मोठा ग्राहक आहे आणि असं मानलं जातं की, आपण इंधनाच्या वापरामध्ये महामारीपूर्व पातळी गाठत आहोत.
येत्या 5 वर्षांत पेट्रोल संपणार : नितीन गडकरी
देशातील वाढत्या महागाईच्या पार्श्वभूमीवर केंद्रीय परिवहन मंत्री नितीन गडकरी यांनी मोठं वक्तव्य केलं आहे. येत्या पाच वर्षांत देशात पेट्रोल संपणार असल्याचं त्यांनी म्हटलं आहे. त्यांनी सांगितलं की, इथेनॉलवर घेतलेल्या निर्णयामुळे देशाचे वार्षिक 20,000 कोटी रुपये वाचले. आता तो दिवस दूर नाही, ज्यादिवशी सर्व वाहनं ग्रीन हायड्रोजन, इथेनॉल आणि सीएनजीवर धावतील. त्यांच्या या विधानांचा संबंध वाहनांमुळे होणारं प्रदूषण आणि इलेक्ट्रिक वाहनांच्या भविष्याशी जोडला जात आहे.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
