Petrol Diesel Price: तेल कंपन्यांकडून पेट्रोल-डिझेलचे नवे दर जाहीर, जाणून घ्या तुमच्या शहरांतील किमती काय?
Petrol Diesel Price : देशात पेट्रोल-डिझेलच्या किमती स्थिर, नव्या दरांनुसार पेट्रोल आणि डिझेलच्या दरांत आज कोणताही बदल झालेला नाही.
Petrol Diesel Price in 25 November 2022: आज 25 नोव्हेंबर रोजी भारतीय तेल कंपन्यांनी दर अपडेट केले आहेत. नव्या दरांनुसार पेट्रोल आणि डिझेलच्या दरांत आज कोणताही बदल झालेला नाही. सर्व राज्यांमध्ये वाहनांच्या इंधनाचे दर सारखेच आहेत. आज (शुक्रवार) देशाची राजधानी दिल्लीत एक लिटर पेट्रोलची किंमत 96.72 रुपये आणि एक लिटर डिझेलची किंमत केवळ 89.62 रुपये आहे.
महानगरांतील पेट्रोल-डिझेलच्या दरांबाबत बोलायचं झालं तर, इंडियन ऑईल कॉर्पोरेशन (IOCL) ची अधिकृत वेबसाईट iocl.com च्या नवीन अपडेटनुसार, चेन्नईमध्ये एक लिटर पेट्रोलची किंमत 102.63 रुपये आणि डिझेलची किंमत 94.24 रुपये प्रति लीटर आहे. तसेच, कोलकातामध्ये पेट्रोलचा दर 106.03 रुपये आणि डिझेलचा दर 92.76 रुपये प्रति लिटर आहे. याशिवाय देशाची आर्थिक राजधानी मुंबईत पेट्रोल 106.31 रुपये प्रतिलिटर तर डिझेल 94.27 रुपये प्रति लिटरनं विकलं जात आहे.
पोर्ट ब्लेअरमध्ये सर्वात स्वस्त पेट्रोल आणि डिझेल विकलं जात आहे. जिथे पेट्रोल 84.10 रुपये आणि डिझेल 79.74 रुपये प्रति लिटर आहे.
एकीकडे आंतरराष्ट्रीय बाजारात कच्च्या तेलाच्या किमती घसरल्या आहेत. तर दुसरीकडे मात्र देशातील पेट्रोल-डिझेलच्या किमती स्थिर आहेत. देशात सलग 183व्या दिवशी पेट्रोल-डिझेलच्या दरांत कोणताही बदल करण्यात आलेला नाही. पेट्रोल आणि डिझेलच्या दरांत यापूर्वी 22 मे रोजी देशातील चार महानगरांमध्ये झाला होता. जवळपास सहा महिन्यांपासून पेट्रोल आणि डिझेलचे दर स्थिर राहण्याची ही पहिलीच वेळ आहे. विशेष म्हणजे, 22 मे 2022 रोजी सरकारनं उत्पादन शुल्क कमी केलं होतं, त्यानंतर देशभरात पेट्रोल आणि डिझेल स्वस्त झालं होतं.
तुमच्या शहरांतील पेट्रोल-डिझेलच्या किमती जाणून घ्या, एका क्लिकवर
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
