Petrol Diesel Price : इंधन दरवाढ कायम, पेट्रोल-डिझेल पुन्हा महागलं, 13 दिवसांत 8 रुपयांची दरवाढ, पाहा आजचे दर

Petrol Diesel Price Today : देशता पेट्रोल आणि डिझेलच्या दरात सातत्याने वाढ होत आहे. देशात गेल्या 13 दिवसांत अकरा वेळा इंधन दरात वाढ करण्यात आली आहे.

Petrol Diesel Price Today

Petrol Diesel Price Today : देशातील इंधन दरवाढीचा भडका कायम आहे. पेट्रोल आणि डिझेलचे दर पुन्हा वाढले आहेत. राष्ट्रीय बाजारात पेट्रोल आणि डिझेलच्या दरात सातत्याने वाढ होत आहेत. 22 मार्चपासून आत्तापर्यंत म्हणजेच 13 दिवसांत पेट्रोल 8 रुपयांनी महागलं आहे. भारतीय तेल कंपन्यांनी आजही पेट्रोल आणि डिझेलच्या दरात प्रतिलीटर 80 पैशांनी वाढ केली आहे. त्यामुळे मुंबईत पेट्रोल 118.41 रुपये प्रतिलीटर आणि डिझेल 102.64 रुपये प्रतिलीटर झालं आहे. तर दिल्लीमध्ये पेट्रोलचा दर 103.41 रुपये प्रतिलीटर आणि डिझेलचा दर 94.67 रुपये प्रतिलीटर आहे.

13 दिवसांत 11 वेळा वाढले भाव
गेल्या 13 दिवसांत म्हणजेच 22 मार्च ते 3 एप्रिलपर्यंत पेट्रोल आणि डिझेलच्या दरात 11 वेळा वाढ करण्यात आली आहे. दरम्यान, 24 मार्च आणि 1 एप्रिल रोजी तेल कंपन्यांनी पेट्रोल आणि डिझेलच्या दरात कोणताही बदल केला नाही, त्यामुळे देशभरातील किमती स्थिर होत्या.

देशातील महानगरांतील दर जाणून घ्या 

शहरं	पेट्रोलच्या किमती (प्रति लिटर)	डिझेलच्या किमती (प्रति लिटर)
मुंबई	118.41	102.64
दिल्ली	103.41	94.67
चेन्नई	108.96	99.04
कोलकाता	113.03	97.82

पेट्रोल आणि डिझेलचे दर (Petrol Diesel Price ) कुठे आणि कसे पाहाल?

इंडियन ऑईलचं  IndianOil ONE Mobile App  तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.

पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत). 

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha