Petrol Diesel Price : देशात सलग चौथ्या दिवशी पेट्रोल-डिझेलच्या किंमतीत वाढ
Petrol-Diesel Price Hike : देशातील पेट्रोल-डिझेलच्या किंमतीत पुन्हा एकदा वाढ होताना दिसत आहे. आज सलग चौथ्या दिवशी या किंमतीत वाढ झाली आहे.
नवी दिल्ली : देशात सलग चौथ्या दिवशी पेट्रोल-डिझेलच्या किंमतीत वाढ झाल्याचं पहायला मिळालं आहे. शुक्रवारी मुंबईमध्ये पेट्रोलचा भाव 27 पैशांनी वाढून तो 97.61 रुपयांवर पोहोचला आहे तर डिझेलचा भाव 33 पैशांनी वाढून तो 88.82 रुपयांवर पोहोचला आहे. तसेच राजधानी दिल्लीमध्येही पेट्रोलचा भाव 28 पैशांनी वाढून तो 91.27 रुपयांवर पोहोचला आहे तर डिझेलचा भाव 31 पैशांनी वाढून 81.73 रुपयांवर पोहोचला आहे.
या दोन महिन्याच्या काळात आंतरराष्ट्रीय स्तरावर कच्च्या तेलाच्या किंमती वाढल्या असूनही देशातल्या पेट्रोल आणि डिझेलच्या किंमतीमध्ये वाढ करण्यात आली नव्हती. यामागे पाच राज्यातील निवडणुका हे कारण असल्याचं सांगण्यात येतंय. मात्र जशा या निवडणुका संपल्या तसं लगेचच पेट्रोल आणि डिझेलच्या किंमतीत वाढ होण्यास सुरुवात झाली. निवडणुका झाल्यानंतर आता होणाऱ्या इंधन दरवाढीमुळे आता सामान्यांच्या खिशाला कात्री लागणार हे नक्की.
देशातील प्रमुख शहरातील इंधनाचे दर
मुंबई
पेट्रोल- 97.61 रुपये/लिटर
डिझेल- 88.82 रुपये/लिटर
दिल्ली
पेट्रोल- 91.27 रुपये/लिटर
डिझेल- 81.73 रुपये/लिटर
कोलकाता
पेट्रोल- 91.41 रुपये/लिटर
डिझेल- 84.57 रुपये/लिटर
चेन्नई
पेट्रोल- 93.15 रुपये/लिटर
डिझेल- 86.56 रुपये/लिटर
देशात 15 जून 2017 पासून इंधनाचे दर रोज बदलण्यास सुरुवात झाली. पेट्रोल आणि डिझेलच्या किंमती आता भारतातील तेल कंपन्या ठरवतात. आंतरराष्ट्रीय स्तरावर प्रत्येक क्षणाला तेलाच्या किंमती बदलत असतात. त्यामुळे देशात आता पेट्रोल आणि डिझेलच्या किंमती दर दिवशी सकाळी सहा वाजता बदलतात.
पेट्रोल आणि डिझेलचे दर कुठे आणि कसे पाहाल?
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर सोप्या पद्धतीने पाहता येतील.
पेट्रोल आणि डिझेलच्या किंमती एसएमएसद्वारे देखील कळू शकते. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
महत्वाच्या बातम्या :
- Tamil Nadu : डीएमके प्रमुख स्टॅलिन घेणार मुख्यमंत्री पदाची शपथ, 33 जणांचे असेल मंत्रिमंडळ
- भंगाराच्या ट्रकमध्ये सात किलो युरेनियम अन् दोन आरोपी, एटीएसच्या तपासात युरेनियमच्या मुंबईपर्यंतच्या प्रवासाचा उलगडा
- लॉकडाऊनमुळे बेरोजगार झाल्याने ऑनलाईन सेक्सचा धंदा, बॉलिवूडमधल्या फोटोग्राफरला बेड्या
Before You Go
Buldhana Khamgaon Ajji on FDA : तुकाराम मुंढेंना विनंती करणाऱ्या खामगावातील व्हायरल आजी 'माझा'वर
महत्त्वाच्या बातम्या
