राज्यातील सर्व जिल्ह्यात पेट्रोलची नव्वदी पार, अमरावतीत डिझेल 80 रुपयांवर

पेट्रोलची शंभर रुपयांकडे कूच सुरुच आहे. आता डिझेलही 80 रुपयांच्या जवळ पोहोचलं आहे. धर्माबादमध्ये पेट्रोल सर्वाधिक महाग आहे. तर अमरावतीमध्ये डिझेल 79.97 रुपये प्रति लिटर आहे.

मुंबई : पेट्रोल आणि डिझेलच्या दरात आजही वाढ झाली आहे. पेट्रोल 14 पैशांनी तर डिझेल 10 पैशांनी महागलंय. राज्यातल्या सर्व जिल्ह्यांमध्ये पेट्रोलच्या दराने नव्वदी ओलांडली आहे. तर अमरावतीमध्ये डिझेल पहिल्यांदाच 80 रुपयांच्या जवळ पोहोचलं आहे. मुंबईत पेट्रोल 90 रुपये 22 पैसे तर डिझेल 78 रुपये 69 पैशांवर पोहचलंय. आयओसीएलच्या वेबसाईटनुसार, महाराष्ट्रात सर्वाधिक महाग पेट्रोल नांदेड जिल्ह्यातील धर्माबादमध्ये (92.96 रुपये प्रति लिटर) आहे. तर राज्यातील सर्वात महाग डिझेल अमरावतीमध्ये आहे. राज्यात डिझेल 80 रुपयांच्या जवळ जाण्याची ही पहिलीच वेळ आहे. डिझेलच्या किंमती वाढल्यामुळे सर्वच वस्तू महागणार आहेत. महाराष्ट्रात सर्वाधिक महाग पेट्रोल देशातलं सर्वाधिक महाग पेट्रोल महाराष्ट्रात मिळतं. राज्यात पेट्रोल आणि डिझेलवर 39 टक्के (+कर) वॅट वसूल केला जातो. यामध्ये विविध प्रकारच्या करांचा समावेश आहे. दुष्काळी कर तीन रुपये, महामार्गावरील दारूबंदीनंतर घटलेले उत्पादन तीन रुपये, शिक्षण कर एक रुपया, स्वच्छ भारत अभियानचा एक रुपया, कृषी कल्याण अभियान एक रुपया असा एकूण नऊ रुपये कर आकारला जातोय. सुप्रीम कोर्टाने महामार्गांलगतच्या दारु विक्रीवर बंदी आणली होती. त्यानंतर राज्य सरकारने महसुलात घट झाल्याचं कारण देत पेट्रोल आणि डिझेलवर तब्बल तीन रुपये कर आकारणी सुरु केली. काही काळाने दारु विक्रीही सुरु झाली, पण कर कायम आहे. तर 2014-15 सालच्या दुष्काळात आकारलेला तीन रुपये करही अजून कमी केलेला नाही. कोणत्या जिल्ह्यात काय दर? मराठवाडा जिल्हा             पेट्रोल दर         डिझेल दर (प्रति लिटर) औरंगाबाद           91.26               79.75 बीड                   90.96               78.21 हिंगोली              90.98               78.26 जालना               91.03               78.27 लातूर                 90.91               78.18 नांदेड                 91.78               79.02 उस्मानाबाद         90.60               77.87 परभणी              91.99               79.19 पश्चिम महाराष्ट्र अहमदनगर          90.08               77.37 कोल्हापूर            90.37               77.66 पुणे                    90.89               78.19 सांगली               90.11               77.41 सातारा               90.69               77.94 सोलापूर             91.27               79.31 विदर्भ अकोला               90.22               77.52 अमरावती           91.47               79.97 भंडारा                90.65               78.93 बुलडाणा             90.64               77.92 चंद्रपूर                90.19               77.50 गडचिरोली          90.93               78.22 गोंदिया               91.27               78.53 नागपूर               90.70               79.21 वर्धा                   90.40               77.69 वाशिम               90.70               77.98 यवतमाळ            91.23               78.49 कोकण सिंधुदुर्ग               91.11               78.37 रायगड               90.23               77.48 रत्नागिरी             91.22               78.48 मुंबई महानगर क्षेत्र पालघर               90.36               77.60 मुंबई उपनगर       90.29               78.76 मुंबई शहर           90.22               78.69 ठाणे                   90.30               78.77 उत्तर महाराष्ट्र धुळे                   90.12               77.41 जळगाव              91.17               78.40 नंदुरबार              90.88               78.14 नाशिक               90.57               77.83